Ŋwàʼlə̀ Luk 23:4 - The New Testament in the Babanki language

⁴ Bilate mù gaʼa tʉtʉ vəpfèm və Nyìngòŋ vyi bènə̀ nòynə ayi la ma ko yèn kənyʉ̀ kəbyɨkə wìʼ ghèn.

Ŋwàʼlə̀ Luk 23:4 ပူးပေါင်းရင်းမြစ်များ

Matìyò 27:19

Bilate mbù bù a ngə̀ŋ soʼo nsoʼ Yesò, wì wen tɨm ntɨm à wen gàʼà la, “Kə a we kəvu kə̀ a wèn wìʼ ghèn a və kəŋə zhwi wen tò kədyàŋ lə̀, byìʼàndo mà tə yèn ngəʼ no nànto a jòmsə nəntʉʼʉ lan byìʼì wen.”

Ŋwàʼlə̀ Mak 15:14

Bilate bè bèm la,“Byìʼì ghò? Ghə̀ byɨ̀sə no ghò?” Vəwenə bè zɨ̀mə̀ dyʉ̀ tò nə̀ mbì la,“Bantə wen a kəntò!”

Ŋwàʼlə̀ Luk 23:22

Bilate bè gìsə̀ gàʼ a ghan a taʼ à vəwen la byìʼì ghò, ma ko yèn kənyʉ̀ kəbyɨkə wen a kə diʼì la və diʼi zhwi wen byìʼì kəwenkə,ma diʼ gàʼ və ghòmə wen ə ghʉsə wen.

Joyn 18:38

Balèt ə bèm a wen la, “Nəmwèʼè ghèn diʼ la gho?” Ando ghə̀ bèm li, ə be bwenə fʉ dyʉ̀ a kəbəŋ ə gàʼ a viʼi Jus vyi la, “Ma ko yen to kənyʉ̀ kə tsen a və zizi və ghaʼ wen fa tsu,

Shwèʼ 25:25

Nkàntə̀ mò nki ə nyen la ghə̀ ko nè kənyʉ̀ a kə dìʼì la və diʼi zhwi wen. Ando nkàntə̀ wen tə sènsə la yì a kòŋ əyen fòn ghoʼo, ghə̀ soʼ yi, mà mù ghʉ̀ la ma tɨm wen à fòn,

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.

Hibùlù 7:26

A diʼ to Yesò ə pfèm Nyìngòŋ ə ŋanŋtə yì a ghə̀ kwʉ̀ʼ li ə gyàmtə̀ vəghəŋ. Ghə̀ laynə kwʉ̀ʼ, ko ndiʼ la ghə̀ kiʼi kənyʉ̀ a və zizi və gham ə wen tsu, ko ndiʼ la ghə̀ kiʼi mbyɨ, mu Nyìngòŋ ə shisə li wen fa ntìntìn viʼi nyʉ̀ ə byɨvə ə kuʼsə ghʉ̀ wen akàŋ a kəkɨ kə ghoʼo kə.

1 Bità 1:19

Ghə̀ ə nzen ghə̀ŋ to no ə mənlyuŋ mə Yesò, a diʼ mənlyuŋ kiʼi kədyòʼ. Yesò ə ndiʼ to nə̀ wàyn Njɨ̀, ghə̀ nko kiʼi kəluʼ no fa mphen.

1 Bità 2:22

Və nyòʼò li a Ŋwàʼlə̀ Nyìngòŋ la, “Ghə̀ nko ne kənyʉ̀ kə kəbyɨkə kə tsen kə, ko wìʼ ə lù zhʉ la ghə̀ zhò li ndzɨŋ no fa mpfen.”

1 Bità 3:18

Kə bòŋ ə yenə ngəʼ a ji na ghèn byìʼì ando no Yesò fa wen a ngeŋ ə yen li ngəʼ ə pfʉ byìʼì mbyɨsə vəghəŋ ə mwetə shyèʼ wen to ghàyn ə mùʼ. Ghə̀ ndiʼ wù kənyʉ̀ kətɨməkə ali ə pfʉ ə bwoŋsə̀ viʼi nyʉ̀ ə byɨvə ə ne la vəghəŋ vi a Nyìngòŋ. Viʼi ə zhwi wen, ali a pfʉ to kətsoʼ kə əwenə wen, Nyìngòŋ ə ne kəzhwì kə wenkə faŋ ə sə tsi to tsì.