Ŋwàʼlə̀ Luk 23:34 - The New Testament in the Babanki language

³⁴ Yesò laʼtə̀ ə gàʼ la “Tìʼ! maʼa lè nyʉ̀ vəwenə byiʼè vəwenə ko kɨ kənyʉ̀ a vəwenə nè.” Vəwenə laʼtə mù zìtə̀ sə̀ tem baʼ ndì yèn wìʼ a ghə̀ a ghə̀ a zhɨ ndisə Yesò.

Ŋwàʼlə̀ Luk 23:34 ပူးပေါင်းရင်းမြစ်များ

Matìyò 11:25

A zhʉ ayì Yesò lù ə̀ jɨ̀m à Tìʼ wen la, “Tìʼ ghom, Bobo a wù soʼo kaŋ nə̀ nse, mà ku kəzòŋ à wù byìʼàndo wu lyomtə li nyʉ̀ venə fa viʼi vyì a vəwenə kwòʼtə la vəwenə tofə alì ə dìʼ à viʼi a və dìʼì anə̀ vunə və bwaʼvə.

Matìyò 11:26

Nəmwèʼè a Tìʼ, àdìʼ byìʼì bòŋ tyɨm ə wù a wù kòŋ ənè alə̀.”

Matìyò 5:44

Alì mà gàʼà ghə̀ŋ luwen la ghə̀ŋ kòŋ viʼi kəbàyn ghə̀ŋ ə jɨ̀m à viʼi vyi a və tsuʼu aghʉ ghəŋə.

Ŋwàʼlə̀ Mak 15:24

Vəwenə mù bantə wen a kəntò, ə ghʉ ndisə wen sə temə bàʼ ndi yen la a lyɨ̀ ndo lyɨ kəbàs kə kò lo.

Ŋwàʼlə̀ Luk 22:42

“Tìʼ, a zhʉ a wu kòŋə wu shi ndoŋ ngəʼ ghèn fa mò, alì ne tò kyikə a wu kòŋə ka ne kyikə a ma kòŋə̀.”

Joyn 17:9

“Ma ko jɨ̀mə̀ tebè a viʼi mbyi. Ma jɨ̀mə̀ a vəwenə vi a wù kù a mò, a diʼ viʼi vyə.

Joyn 19:11

Yesò ə bwensə ə gàʼ la, “Nò tèbe kədyòʼ a wù kiʼi a mo a kətʉ diʼ mu à ku to Nyìngòŋ a wù. Kə diʼi la mbyɨ ə ghoʼo diʼ mu à nè wìʼ ə yi a ghə̀ ku mo a wù.”

Shwèʼ 16:28

alì Bol zɨmə ə̀ gàʼ la, “Kə a sù wen ə wù, yès diʼ a shə̀ tò vətsèm.”

Shwèʼ 3:17

“Luwèn a vəlèmə̀ vwomə, mà kɨ la kənyʉ̀ a ghə̀ŋ nə̀ tʉtʉ vəŋə ə nè à Yesò ə̀ ndìʼ tò byìʼàndo ghə̀ŋ nko kɨ kənyʉ̀ a ghə̀ŋ ə nè.

Shwèʼ 7:60

Ghə̀ shiʼi à wen a nchiʼsə alwi ə̀ dì a gɨ̀ to gàʼà la, “Bobo, lyesə nyʉ̀ byɨvə viʼi venə.” Ghə̀ gàʼ ali no a zhʉ̀ kò, ə̀ pfʉ.

Lumans 12:14

Ghə̀ŋ ə jɨ̀mə̀ la Nyìngòŋ ə boŋsə bwaʼsə viʼi vyi a və tsuʼ kəghʉ ə kəŋkə̀. Kə ghə̀ŋ a jɨ̀mə̀ la ghə̀ telə vəwenə.

1 Kolìntyàns 2:8

Nò wù ə soʼo ə mùʼ a mbyi a shèn ə nko kɨ ətof na ghenə. A tu ndiʼ la vəwenə nkɨ li, mu vəwenə nko ə bayntə Bobo yi a ghə̀ kiʼi kùʼsə.

1 Kolìntyàns 4:12

Yès ə shyèʼè li shyèʼè to ghə to no nə̀ avu a yèsə. A zhʉ a viʼi telə yès, yès sə boŋsə jɨ̀mə̀ la Nyìngòŋ ə mbwàʼsə vəwenə bwàʼsə, a zhʉ a və ku ngəʼ a yès, yès ə sə wensə to wensə.

1 Timotì 1:13

Nyìngòŋ ə kusə shinsə ə ne ənyʉ̀ a venə à mò no te ando ma nlu sə ziʼi ənyʉ̀ ə byɨvə byìʼì wen, bè nyàblə̀ nə̀ wen, telə̀ wen, byìʼì ando ma ə nko təmə ə diʼ wù ə byɨmə, ken la ma nkɨ li kənyʉ̀ a ma ənè.

1 Bità 3:9

Wìʼ ə ne mbyɨ a wù, kə wù a bwensə nə̀ mbyɨ, ə telə wù, kə wù a bwensə telə wen. Wù diʼ ə boŋsə jɨ̀mə̀ la Nyìngòŋ ə bwàʼsə nkì ə wìʼ na ghèn byìʼì ando à diʼ ə mbwaʼsə na ghə̀ŋ a Ghə̀ tsuʼ ghə̀ŋ la ghə̀ŋ ne, diʼi ne bwaʼsə ghə̀ŋ kumə kənyʉ̀ na kèn.