Ŋwàʼlə̀ Luk 22:36 - The New Testament in the Babanki language

³⁶ Ghə̀ mù gàʼ à vəwenə la, “luwèn wìʼ a ghə̀ kiʼi ko kò kəmbò, ghə̀ lyɨ̀. Wìʼ a ghə̀ ko kiʼ nyì, ghə̀ baʼlə dàlə wen ə zen.

Ŋwàʼlə̀ Luk 22:36 ပူးပေါင်းရင်းမြစ်များ

Matìyò 10:10

Kə wìʼ ə lyɨ̀ kəmbò, kə wìʼ ə lyɨ̀ ndisə sə bò kò gwʉsə. Kə wìʼ ə lyɨ̀ mbàŋ ə nyamə. Və diʼ ə ntuʼmə nə̀ wù ə shyèʼ.

Ŋwàʼlə̀ Luk 22:35

Ghə̀ mù bè gàʼ à vəwenə la “A ndiʼ a tʉʼ a ma ntɨm ə ghə̀ŋ kèn nə̀ fəbònə fə we ko kò kəmbò kò gwʉsə, ghə̀ŋ be gholi kəfo?” Vəwenə bwènsə̀ gàʼ la “Yès nko gho no kəfo.”

Ŋwàʼlə̀ Luk 22:37

Ma gàʼ à ghə̀ŋ alə̀ la kənyʉ̀ a və nyoʼo li a ŋwàʼlə̀ Nyìngòŋ la ‘Və nghʉ wen a kənyʉ̀ kə mùʼ wenə̀ viʼi nè nyʉ̀ byɨvə.’ Diʼi lyɨ̀ kəshi a mò luwèn, byìʼì la nyʉ̀ tsèm a və nyoʼo byìʼì mò sə̀ lyɨ̀ kəshi luwèn.”

Ŋwàʼlə̀ Luk 22:38

Ndzɨ̀mtə̀ bàm wen tsen mù bwènsə̀ gàʼ à wen la “Bobo yèn a, yès kiʼi nyisə̀ bò a shə̀.” Ghə̀ gàʼ à vəwenə la, “ghə̀ŋ kye alì.”

Joyn 15:20

Kə ghə̀ŋ lyesə kənyʉ̀ ki a mà tə ziʼi a ghə̀ŋ la, ‘wù ə shwèʼ ko tɨmə chò tìʼ shyèʼ wen.’ Vəwenə sətsen ə ndi mu vəwenə ə ntsuʼ li kəghʉ ə kòmkə, vəwenə be a ntsuʼ kənkə to ndə̀ŋndəŋ. Vəwenə sətsen ə ndiʼ mu vəwenə ə zhʉtə əziʼi ə ghomə, vəwenə be a zhʉtə əziʼi ghəŋə to alì.

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

1 Tèsàlonyà 3:4

Ghə̀ŋ nkɨli nyʉ na vyi byìʼì ando à ə ndiʼ ando vəghəŋ ə mbo diʼ to a muʼ, yes ə shə̀ʼtə̀ a ghə̀ŋ to fa chʉʼ na ghèn la, və be lù ku ngəʼ a vəghəŋ, kə tə jèʼ ə kwʉʼ to ando ghə̀ŋ ə kɨ.

1 Bità 4:1

Ando vəghəŋ ə kɨ la Yesò Klistò ə nyen li ngəʼ kətsoʼ kə wèn, ghə̀ŋ ə boŋsə kiʼi to əkwoʼtə yì a ghə̀ nkiʼ, bvɨtə ə yen ngəʼ byìʼì ando no ndò a ghə̀ yenə ngəʼ a nse ashə to nə̀ Yesò, kə bè nè ə nè mbyɨ.