Ŋwàʼlə̀ Luk 22:26 - The New Testament in the Babanki language

²⁶ kə ko diʼ ndiʼ alì a ghə̀ŋ a ntìntìn byìʼè wu to a ghə̀ŋ ntìntìn diʼi bòŋsə diʼ tò nə̀ wu tyetə, kətʉ diʼ ndiʼ tò nə̀ wù shyèʼ.

Ŋwàʼlə̀ Luk 22:26 ပူးပေါင်းရင်းမြစ်များ

Matìyò 20:26

Kə ko diʼ ne ndiʼ a lì à ghə̀ŋ. No məndò a ghə̀ kəŋə ndiʼ wu ghoʼo à ghə̀ŋ a ntìntìn, diʼì ndiʼ wù shyèʼ à ghə̀ŋ

Ŋwàʼlə̀ Mak 10:43

Kə ko dìʼ ndiʼ a lì à ghə̀ŋ a ntìntìn. No ndò a ghə̀ kəŋə ndiʼ kətʉ a ghə̀ŋ a ntìntìn bòŋsə̀ diʼ ndiʼ wù shwèʼ à ghə̀ŋ vətsèm.

Ŋwàʼlə̀ Mak 9:35

Yesò ŋwʉʼʉ a nse ə̀ gàʼ à ndzɨ̀mtə̀sə bàm wen shì njʉ̀sə̀ bò la sə kwentə vì boʼsə wen. Ando vəwenə mviʼtə̀ boʼsə, ghə̀ gàʼ à vəwenə la, “No ndò yì a ghə̀ kòŋ ndiʼ mbì dìʼì ghʉ wenə wen a bàm viʼi no vətsèm be ndiʼ wù shwèʼ à viʼi vətsèm.”

Ŋwàʼlə̀ Luk 9:48

mù gàʼ à vəwenə la, “No məndo a ghə̀ tuʼmə̀ nə̀ wàyn ghèn à mo a zhiʼi, mu ghə̀ tuʼmə̀li nə̀ mò. No məndo a ghə̀ tuʼmə̀ nə̀ mò nkɨ la ghə̀ tùʼmə̀ nə̀ wìʼ yì a ghə̀ tɨmə mo. Ghə̀ŋ kɨ la wìʼ yì a ghə̀ tyetə; diʼi bàm a ntìntìn ghə̀ŋ vətsèm, à diʼi wen a ghə̀ diʼì kətʉ.”

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

1 Bità 5:3

Kə ghə̀ŋ a zhiʼtə viʼi vyi a və ku la ghə̀ŋ tùʼmə̀ nə̀ vəwenə. Ghə̀ŋ ə nboŋsə diʼ nchwi a vəwenə.

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.