Ŋwàʼlə̀ Luk 22:16 - The New Testament in the Babanki language

¹⁶ Mà shə̀ʼtə̀ à ghə̀ŋ la ma ko lu be zhɨ fozhɨvə venə əzaʼa fa tʉʼ a soʼo fòyn Nyìngòŋ lu vì ə kwʉʼ.”

Ŋwàʼlə̀ Luk 22:16 ပူးပေါင်းရင်းမြစ်များ

Ŋwàʼlə̀ Luk 12:37

Ti shyèʼ sətsen bwənə pfwo kwetə viʼi shyèʼ wen bu sàŋlə sə diʼ à vəwenə. Ma gàʼ a ghə̀ŋ la no nkàyntə̀ wen à nè la vəwenə ŋwʉʼ a kəshi kə kəzhɨ, ghə̀ shɨtə wenə wen ə chòsə̀ fozhɨvə à vəwenə.

Ŋwàʼlə̀ Luk 14:15

A ndiʼ ando wutsen a ghə̀ ndiʼi a ntìntìn nòyn ayì nzhʉ kənyʉ̀ kènkə, ə gàʼ à Yesò la, “Saŋlə lu ndiʼ à viʼi vyì a və lə zhɨ a kəchiʼ a kəshi kə foyn Nyìngòŋ.”

Ŋwàʼlə̀ Luk 22:15

Yesò bè mù gàʼ à vəwenə la “Ma yi lutə sù kəŋ əzhɨ fozhɨvə məzaʼasə venə vəghəŋ mimbu sə zìtə̀ ə yenə ngəʼ.

Ŋwàʼlə̀ Luk 22:18

byìʼè mà shə̀ʼtə̀ à ghə̀ŋ la əzì fa layn ma ko be lu nyʉ məlyʉ̀ʼ əzaʼa fa kətsi a soʼo fòyn Nyìngòŋ lə vì kwʉʼ.”

Ŋwàʼlə̀ Luk 22:30

ndi ghə̀ŋ zhɨ bè nyʉ a mò kəchiʼ a mò soʼ fòyn, ghə̀ŋ be ne ŋwʉʼʉ a foyn ngwàʼsə Islel shìsə njʉ̀sə̀ bò.”

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Shwèʼ 10:41

Ghə̀ nko dìʼi wen ə wen à viʼi vətsèm, ghə̀ ndìʼi tò à yès vi a Nyìngòŋ ntsuʼ li ə̀ ghʉ la yès dìʼ viʼi vəyenəvə a nyʉ̀ avenə. Yo vəwenə nzhɨ li be nyʉ ando ghə̀ mbwènsə̀ lù fà pfʉ.

Kəmwetə 19:9

Ntsɨ̀ŋ ngə̀ŋ Nyìngòŋ mù gàʼ à mò la, “Nyoʼo kənyʉ̀ kènkə la, ‘Njùŋ dìʼ à viʼi vyi a və laʼà la vəwenə vi ə̀ zhɨ əlam ə wàyn bi ənjɨ̀.’” Ghə̀ bè gàʼ à mò la, “əgàʼ ghenə lù fà Nyìngòŋ, diʼ nəmwèʼè.”