Ŋwàʼlə̀ Luk 21:8 - The New Testament in the Babanki language

⁸ Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Ŋwàʼlə̀ Luk 21:8 ပူးပေါင်းရင်းမြစ်များ

Matìyò 24:11

Nshə̀ʼtə̀sə kənlobtə lu tu fʉ̀ no sə ghoʼo ə lobtə nghoʼo viʼi.

Matìyò 3:2

“Ghə̀ŋ kwitə tətyɨm təŋtə fà a ghə̀ŋ a mbyɨsə byìʼàndo soʼ fòyn Nyìngòŋ boʼsə li”

Matìyò 4:17

Əzìtə̀ fa mətsi ayì ədyʉ̀ nə̀ mbì, Yesò mù shə̀ʼtə̀ ntɨm Nyìngòŋ gàʼ à la,“Ghə̀ŋ kwetə tətyɨm təŋtə fa ghə̀ŋ a mbyɨsə byiʼàndo soʼ fòyn Nyìngòŋ boʼsə li.”

Ŋwàʼlə̀ Luk 17:23

A lə ndiʼ a tʉʼ ayi, ə viʼi a gàʼ la, ‘Ghə̀ ghèn afàʼà, ghə̀ ghèn a shə̀!’ Kə ghə̀ŋ nè zhʉ, ko dyʉ̀ a kəshi kətsen.

Ŋwàʼlə̀ Luk 21:7

Vəwenə bèm à wen la,“Ndìʼsə̀, nyʉ̀ a venə lu lyɨ̀ kəshi ze? Kə lu sə zìtə̀ əchò kəchʉtə kyi kə ndiʼ ghò?”

Ŋwàʼlə̀ Luk 21:9

Ghə̀ŋ sətsèn zhʉ la təghoŋ tə sə̀ fʉ̀ bènə̀ la təsoyn tə sə fʉ̀, kə ghə̀ŋ à fàyn la kənsèsə̀ kə mbyi kə boʼsə li byiʼàndo nyʉ̀ a venə diʼi lyɨ̀ kəshi a mbì”.

Joyn 5:43

Mà vi à zhiʼ Tìʼ ghom, ko ghə̀ŋ lu byɨmə mo. Alì, mu wìʼ ə tsen sətsen vi no to fa wen a ngeŋ, a ghə̀ŋ a shisə wen.

Joyn 8:24

Ma gàʼ li a ghə̀ŋ la ghə̀ŋ ne pfʉkə a ghə̀ŋ a mbyɨsə a zhʉ a sətsen ghə̀ŋ faŋ ke byɨmə la ma diʼ mo yi a ma diʼ.”

Joyn 8:28

Yesò ə gàʼ a vəwenə la, “Ghə̀ŋ lu kuʼsə wàyn Wìʼ a kəntò, no zhʉ̀ko, ghə̀ŋ mu kɨ la ‘Ma diʼ mo yi a ma diʼ,’ ə be kɨ la ma ko nè tebè kənyʉ̀ fa mò ngeŋ, ali gàʼa to kənyʉ̀ kì a Tìʼ ə ziʼi li mo nə̀ kəwenkə kə.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

2 Tèsàlonyà 2:3

Kə ghə̀ŋ moʼtə la wìʼ ə lobtə ghə̀ŋ no fa mphen byìʼì ando kətsi na kì ko lu vi ə zaʼa ando viʼi və ghoʼo və lù ə soynə Nyìngòŋ, wù ətyɨm ə byɨghə fʉ tɨmə. Və lu myetə wù ətyɨm ə byɨghə na ghèn akəshi kə əzhiʼ.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

2 Joyn 1:7

Viʼi ndzɨ̀ŋsə no vəghoʼo ə fʉ li sə jèʼè tò mbi tsèm à diʼ viʼi a və ko byɨmə la Yesò ə mvi li a nse a wèn ə wìʼ. Nki wìʼ ayi diʼ wù ndzɨ̀ŋsə be diʼ wù kəbàyn ə̀ Klistò.

Kəmwetə 1:3

Mbwaʼmə̀ dìʼ à wìʼ yì a ghə̀ dzàŋə̀ ənyʉ̀ venə a Nyìngòŋ ə shə̀ʼtə̀ lə̀. Mbwaʼmə̀ bè dìʼ à viʼi a və zhʉ be nè ənyʉ̀ vyi a və nyòʼò a ŋwàʼlə̀ a shyə̀ byìʼàndo əzhʉ boʼsə li ənyʉ̀ avenə fʉ.

Kəmwetə 12:9

Və mòʼ shìʼsə nyàm ə fànsə ayì a nse, zhù ə mu yì a və ndzàŋə̀ nə̀ Deblə̀ bènə̀ Satan. Adiʼ wen yì a ghə̀ lobtə̀ viʼi mbyi no vətsèm. Və mòʼ shìʼsə wen a nse wenə̀ ntsɨ̀ŋsə wen tò sətsèm.