Ŋwàʼlə̀ Luk 21:34 - The New Testament in the Babanki language

³⁴ Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Ŋwàʼlə̀ Luk 21:34 ပူးပေါင်းရင်းမြစ်များ

Matìyò 13:22

Ngwaʼa tsen yì a ghə̀ mfəŋkə a tì ndzoŋsə lì dìʼ to nə̀ wìʼ yì a ghə̀ zhʉ kənyʉ̀ kə Nyìngòŋ, ngəʼsə kwi nse a shə̀ bè nə̀ kòŋə əkiʼi ə ghoʼ tàʼsə kənyʉ̀ akì la kə kə kumə ashɨ a wen a ntsìnə̀.

Ŋwàʼlə̀ Mak 13:9

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Ŋwàʼlə̀ Mak 4:19

alì nyʉ mbi bènə̀ kòŋ yi a viʼi kòŋə̀ ghoʼ bènə̀ kòŋ a viʼi kòŋə̀ fo mbi tsenəvə mù sə tàʼsə̀ vəwenə kò andìʼ la gàʼ ayi a kumə ashɨ a vəwenə a ntsìnə̀sə.

Ŋwàʼlə̀ Luk 10:41

Bobo toŋtə wen ə gàʼ la “Matà, Matà, nyʉ̀ sə̀ ku ngəʼ à wù no ghoʼo.

Ŋwàʼlə̀ Luk 12:40

Nkàyntə ghə̀ŋ diʼi sə ŋwʉʼ no a zhʉ kò, kə̀ʼtə̀ tò ali byiʼ ando Wàyn Wìʼ lu bwènə̀ vi a zhʉ, a ghə̀ŋ ko kwòʼtə̀ la ghə̀ zì ə ghə̀ vi tsu.”

Ŋwàʼlə̀ Luk 17:3

Ghə̀ŋ tsɨŋ tə wenə tyəŋtə. “Lèmə̀ ghə̀ŋ nè mbyɨ a ghə̀ŋ, ghə̀ŋ ə kəŋkə̀ wen, ghə̀ sətsèn kwìtə tyɨm ə wen fa kənyʉ̀ kə byɨkə a kì, və lyèsə ku wen.

Ŋwàʼlə̀ Luk 21:35

Kə le bvʉ̀tə vì tò vì à viʼi vətsèm a nse a shen.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Ŋwàʼlə̀ Luk 8:14

Sətsensə shì a sə nfəŋkə a kəzòyn diʼ tò nə̀ viʼi vyi a və zhʉ kənyʉ̀ akì, sə tsitə tò alə̀, ashɨ vəwenə boʼtə, vəwenə sə kəŋ ghoʼ, nyɨŋ fa bàmə fo nse, nyʉ̀ kaynə və taʼsə la kə vəwenə tɨmə a vəwenə tyì byɨmə.

1 Kolìntyàns 5:11

Ma tə boŋsə nyòʼ ə gàʼ la, kə ghə̀ŋ ə̀ ntsèntə̀ vye wìʼ a ghə̀ gàʼa la yi diʼ wu byɨmə ali tsi ntsìnə̀ kəfwaʼlə a nə̀ ə dzɨ̀mtə̀ ki kò lʉ̀mə, bàŋbàŋ, ghə̀ be kuʼsə nshəʼsə. Ma gàʼa la kə ghə̀ŋ ne ntsèntə̀ vye viʼi vyi a və ghamə, be nyʉ chòsə̀ məlyʉ̀ʼ bomə, ko və tsoŋ. Kə ghə̀ŋ a mwomsə tebè mwomsə zhɨ̀ vye nki viʼi a venə.

1 Kolìntyàns 6:10

nə̀ və tsòŋ nə̀ viʼi kəmbàŋbàŋ, nə̀ viʼi a və nyʉ məlyʉ̀ʼ bomə nə̀ viʼi vyi a və byɨbsə əzhiʼ ə viʼi, nə̀ viʼi a və tsoŋ ə tsoŋ toghə ko lu zhɨ̀ kəshi kə əfòynə ə Nyìngòŋ.

Gàlesìyà 5:20

gumlə nshəʼsə, shəŋə mənyoʼ, bàynə̀ viʼi, soynə, kiʼi kəghəʼ, zaŋsə fwisə tin, kwoʼtə kumə to tə wèn tə vəwenə, ə vi nə̀ kəgəsə kə, gə̀sə̀ viʼi a mənoyntə

Filìbàyns 4:6

Kə tətyɨm ə təŋtə a lɨmə kənyʉ̀ kətsenkə, alì ghə̀ŋ ə njɨ̀mə̀ tò jɨ̀mə̀ loynə no tè ghò a ghə̀ŋ ə kəŋə fà Nyìngòŋ. Ghə̀ŋ sə nloynə ghə̀ŋ ə nku kəzòŋ à Nyìngòŋ.

Hibùlù 12:15

Ghə̀ŋ tuʼmə, kə wìʼ na faŋ ke yen ətyɨm ə jùŋə ghə̀ yi a Nyìngòŋ ə diʼi a wen. Ghə̀ŋ be tuʼmə, kə wìʼ ə demə fʉ̀ a ghə̀ŋ a ntìntìn, kiʼ ətyɨm ə byɨghə ə byɨbsə təkwòʼtə̀ tə viʼi.

2 Bità 3:10

Alì Nyìngòŋ lu bvɨtə vì a kətsi a wìʼ ko ə kɨ, to nə̀ tsòŋ. A lu ndiʼ a kətsi na yi, kəfo kə zɨ̀mə fa kàŋ, ə kàŋ sàm, ə zhiʼi ə nyʉʼ no tèbe ghò yi a ghə̀ diʼi tsu, nse be mè boʼsə no tèbe nə̀ ghò yi a ghə̀ diʼi tsu.

2 Bità 3:14

Kə le diʼ a doŋ shom sə jùŋsə la, ando ghə̀ŋ kəʼtə kətsi na kì, ghə̀ŋ mwòmsə̀ no nə̀ kədyoʼkə ə ndiʼ nə̀ laynə, ko ghə̀ a nkiʼi ə mbyɨ ashɨ Nyìngòŋ, be tsi nə̀ mbwaʼmə.

Kəmwetə 3:3

Ghə̀ŋ bwensə̀ kwòʼtə̀ ənyʉ̀ vyi a və ndìʼsə̀ ghə̀ŋ tsu bènə̀ ə̀vi a ghə̀ŋ ə̀ nzhʉ. Ghə̀ŋ kwitə tətyɨm ə təŋtə fà ghə̀ŋ ə mbyɨsə nè ənyʉ̀ a vyi. Ghə̀ŋ sətsèn ə̀ fàŋ ke lùkə̀, mà bvʉ̀tə̀ vì à ghə̀ŋ tò nə̀ tsòŋ kèn la ghə̀ŋ a kɨ zhʉ a mà vì.