Ŋwàʼlə̀ Luk 20:23 - The New Testament in the Babanki language

²³ No a zhʉ kò, Yesò kɨ tofə vəwenə mù gàʼ la,

Ŋwàʼlə̀ Luk 20:23 ပူးပေါင်းရင်းမြစ်များ

Matìyò 16:1

Viʼi Falàsi bènə̀ Vəsadùsis vətsenvə vì à Yesò sə kəŋə jì əghaʼ wen fa tsu mù gàʼ la ghə̀ ne kənyʉ̀ kə kaynə kə kətsen kə ədìʼ kəchwitə la kədyòʼ kə wen kə lù fà Nyìngòŋ.

Matìyò 22:18

Yesò kɨ mənàŋ mì a vəwenə nkwiʼi mù gàʼ à vəwenə la, “Ghə̀ŋ viʼi kəmbɨ̀lə̀ venə! ghə̀ŋ zhʉtə̀ chʉ̀ ghomə byìʼì ghò?

Ŋwàʼlə̀ Luk 20:20

Vəwenə mù ghʉ ashɨ à wen a wèn be lòʼ viʼi ə tɨm à wen a bàm la vəwenə wamə nè taʼ sə vəwenə diʼ viʼi və jùŋvə, ə bèmtə̀ nyʉ̀ a wen əzhʉ la ghə̀ ko gàʼ kənyʉ̀ ə və ghaʼ wen tsu ə ku à wìʼ a Luma a ghə̀ nsoʼ shə loʼ ayi.

Ŋwàʼlə̀ Luk 20:22

Soʼo lè byɨmə la yès lòʼ kənsè à fòyn ghoʼo a Luma mu ghə̀ ko byɨmə à?”

Ŋwàʼlə̀ Luk 20:24

“Ghə̀ŋ dìʼ ko kəkas à mò lì.” Vəwenə dìʼ, ghə̀ bèm la, “A diʼ kəndemndem kəkə̀ʼ ndo tsu bənə̀ zhiʼi wen lə̀?” Vəwenə bwènsə̀ gàʼ la, “A diʼ kə̀ʼ fòyn ghoʼo fa Lum nə̀ zhiʼi wen ə̀.”

Ŋwàʼlə̀ Luk 5:22

Ando Yesò nkɨ kənyʉ̀ vəwenə nkwòʼtə̀ ghə̀ bèm a vəwenə la, “Ghə̀ŋ kayntə nyʉ̀ və ne alə̀ byiʼ gho?

Ŋwàʼlə̀ Luk 6:8

Alì ghə̀ kɨ təkwòʼtə̀ tə vəwenə ə gàʼ a wù mpfʉ kwoŋ na yì la, “Lù chò vì ə tɨmə ashɨ viʼi.” Ghə̀ lu dyʉ̀ tɨmə.

Shwèʼ 13:10

ə̀ gàʼ à wen la, “Wù dìʼ alə̀, diʼ wù Deblə̀, wù ko kòŋ əyen kənyʉ̀ kə jùŋə kə no mpfen. Wù kɨ li jisə mənàŋ sə byɨsə no sətsèm, be mwòmsə əkaʼsə nyʉ̀ nəmwèʼè kùmə̀ Bobo a ndzɨ̀ŋsə.

1 Kolìntyàns 10:9

Vəghəŋ ə ko diʼ ə mwomsə Bobo ando vəwenə vətsenvə ə mwomsə, kənyʉ̀ na kì kə ne, zhusə lɨmlə ə zhwilə vəwenə.

1 Kolìntyàns 3:19

Ghə̀ diʼ ne alə byìʼì ando ətof yì a viʼi mbyi venə kiʼi diʼ to nə̀ kəkoyn a Nyìngòŋ. Və nyòʼò li a Ŋwàʼlə̀ Nyìngòŋ la, “Nyìngòŋ ə lyɨ ə tof ə viʼi və tofəvə a nə̀ kətamkə bwensə ghaʼa vəwenə tsu.”

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Hibùlù 4:13

Nò tèbe ghò a Nyìngòŋ ə nshɨtə ə diʼ to a ndayn a wen. Kəfo kə tsenkə ko diʼ a kə ə lyomtə fa wen, vəghəŋ diʼ lù tɨmə a wen ashɨ ə taŋ əchʉ̀ ə vəghəŋ kumə no tèbe ghò a vəghəŋ tə ne.