Ŋwàʼlə̀ Luk 20:16 - The New Testament in the Babanki language

¹⁶ Ghə̀ à vì ə zhwilə viʼi a vyi no vətsèm ə lyɨ̀ sɨm ayì ə ku a viʼi kədyàŋ.” Yesò ne myètə̀ ngàyn a ghèn, viʼi vyì zhʉtə alə̀ ə gàʼ la kə Nyìngòŋ lə̀ byɨmə wìʼ ne nki kənyʉ̀ kènkə a viʼi shyèʼ sɨm a vyì nlù mwòm lə̀.

Ŋwàʼlə̀ Luk 20:16 ပူးပေါင်းရင်းမြစ်များ

Matìyò 21:34

Zhʉ məkwòŋ nè kwʉ̀ʼ ghə̀ tɨm viʼi shwèʼ wen vətsenvə la və dyʉ̀ gàʼ à viʼi vi a ghə̀ tə ku sɨm ayi à vəwenə la vəwenə ku və wen vəlamsə̀.

Matìyò 21:41

Vəwenə bwènsə̀ à wen la, “Kə sətsèn chò a lì, tì sɨ̀m ayì a zhwilə viʼi və byɨvə avenə, ə̀ kù sɨm ayi à viʼi kədyàŋ vəwenə nshwèʼè ku və wen fo tò a zhʉ.”

Matìyò 22:7

Fòyn nè zhʉ̀ kənyʉ̀ akì kə zaf wen no nə̀ ŋàŋ, ghə̀ tɨm vəsugyèʼ və wen və dyʉ̀ zhwilə viʼi vyi a və nzhwilə̀ viʼi shyèʼ wen lì bè nyùʼ ntə̀ʼ vəwenə.

Ŋwàʼlə̀ Mak 12:9

Yesò mù bèm à vəwenə la, “kə lè yì chò a lì, tì sɨ̀m aghèn a nè ale?” Kə yi ndiʼ a lì, “Ghə̀ à vì zhwì viʼi a vyi ə̀ bwènsə̀ lyɨ̀ sɨ̀m wen kù à viʼi kədyàŋ.

Ŋwàʼlə̀ Luk 19:27

A nə̀ viʼi kəbàyn mò a və ko tə kòŋ la və ku adyòʼ la mà nsoʼo vəwenə lə, ghə̀ŋ vì ə zhwi vəwenə tò a mò ashɨ a shə̀.’”

Ŋwàʼlə̀ Luk 20:15

Vəwenə gàʼ alì mù ghaʼ wen ə fʉ̀ nə̀ wen fa sɨm ayì ə dyʉ̀ zhwi.” Yesò mù bèm à vəwenə la, “Ghə̀ŋ kwòʼtə̀ la, tì sɨm ayì zì ghə̀ ne no ghò nə̀ viʼi a venə a?

Shwèʼ 13:46

Bol wenə̀ Balnabas be sə̀ tùʼù shə̀ʼtə̀ dyʉ̀ tò a mbì la, “Kə tə bòŋ ando yès tə shə̀ʼtə̀ ntɨmə Nyìngòŋ à ghə̀ŋ a mbì, alì ghə̀ŋ ntensə sə dìʼì la ghə̀ŋ ko kwʉ̀ʼ ə lu kiʼi bwòŋ yi a ghə̀ faŋə̀ fa ghanə mùʼ lì. Yès a ghʉsə ghə̀ŋ luwèn ə dyʉ̀ à viʼi tɨm.

Lumans 11:1

Ma bèmə̀ la, kə le sə diʼ alə̀ diʼi la Nyìngòŋ ə maʼa li viʼi wen mu? Ghə̀ ko maʼa vəwenə no fa mphen! Nò mò fa mo ngeŋ ə boŋ diʼ wù ə Islel mu mà fʉ fa ngwaʼa ngə̀ŋ ə Benjamìn, a ghə̀ ndiʼ wù ə ngeŋ ə Ablaham ali ko andiʼ la ghə̀ maʼa li mò.

Lumans 11:11

Ma bèmə la, viʼi Jus ə kòyntə fəŋ mwetə mu? Kə ko diʼ ali no fa mphen! A ə ndiʼ ando vəwenə ne mbyɨ, Nyìngòŋ ə kwòʼtə viʼi ətɨm ə ku bwoŋ a vəwenə. Ghə̀ ə ne alə ndiʼ viʼi Jus kaʼkə ə shɨmtə viʼi ətɨm.

Lumans 3:31

Kə ko diʼi tebè la vəghəŋ maʼa Əsoʼ luwen byìʼì byɨmə ə vəghəŋ. Vəghəŋ boŋsə diʼ ə shɨtə ə ghaʼ Əsoʼ luwen ando vəghəŋ byɨmə li lə̀.

Lumans 3:4

Kə zi ko kə lu ndiʼ ali! byìʼàndo Nyìngòŋ ə gaʼa to nəmwèʼè no tèbe azhʉ̀ a viʼi tsèntə to mbi ə tsèm ə zhò ndzɨ̀ŋ, to ndə̀ŋndəŋ ando və nyoʼo li a Ŋwàʼlə̀ Nyìngòŋ la: “kənyʉ̀ kə Nyìngòŋ kə diʼ to nəmwèʼè, Nyìngòŋ ə soʼo zhɨ̀ nsòʼ wen wenə viʼi.”

Lumans 3:6

Alì, kə zizi ko kə lu ndiʼ alə̀ no fa mphen! Nyìngòŋ ə sətsen ə faŋ ke diʼ fəchìʼ, ghə̀ lu soʼ viʼi mbyi ale?

Lumans 6:15

Vəghəŋ zizi və gàʼ la gho luwen a? A le diʼ la vəghəŋ na faŋ ə nə̀ nè dyʉ̀ to nə̀ mbyɨ byìʼì ando vəghəŋ ko be tsi tebè a tsi əsoʼ, tsi to byìʼì ətɨm ə jùŋə ghə̀ Nyìngòŋ mu? Kə zizi ko kə lu ndiʼ alə̀ no faphen!

Lumans 6:2

Kə zizi ko kə lu ndiʼ ali no fa mphen! Mbyɨ ko be kiʼi kənyʉ̀ kumə vəghəŋ no fa mphen. Vəghəŋ sə diʼ mù və ə mpfʉ li a mbyɨ ko vəghəŋ zizi vəghəŋ be ntsi a ti mbyɨ.

Lumans 7:13

A lə diʼ la kəfòkə ə jùŋ kə alə̀ ə boŋsə nè la mà pfʉ mu? Kə ko diʼ ali no fa mpfen! A ə̀ vi nə̀ mbyɨ vi nə̀ əpfʉ̀ a mò. Mbyɨ ne chò fa kəfo kə jùŋ kə, ə vi nə̀ əpfʉ̀ a mò. Kə ə fʉ̀ alə ndiʼ kənàʼ kə mbyɨ kə bayn. Əsoʼ ə diʼ kəfo kì a kə gyàmtə̀ ə diʼ ə làynsə la mbyɨ ə fwàynsə no mwèʼmwèʼ.

Lumans 7:7

Kənyʉ̀ na kènkə diʼi la gho? Kə le kəʼə la Əsoʼ ə Nyìngòŋ ə diʼ kəfo kə byɨkə mu? Kə ko diʼ ali no faphen byìʼì ando a bwèn fa ə Əsoʼ mu ma ko kɨ kənyʉ̀ ki a mbyɨ diʼ kəwenkə. Əsoʼ tə faŋ ke gàʼ la, “kə ashɨ ə ghəŋə baŋə a fo ə viʼi,” mu ma ko kɨ kənyʉ̀ na kènkə.

Lumans 9:14

Vəghəŋ lə gaʼa la gho luwen a? Və le gaʼa la Nyìngòŋ ə ko ne nyʉ̀ ndə̀ŋndəŋ mu? Kə ko diʼ ali no faphen!

1 Kolìntyàns 6:15

Kə lə̀ diʼ la ghə̀ŋ ko kɨ la əwèn ə ghəŋə ə diʼ ə sho əwèn ə Yesò mu? A wu gàʼ la mà zizi mà lyɨ̀ ə sho əwèn ə̀ Yesò ə ne la à ndiʼ sho əwèn ə njèʼtə̀ a? Kə zizi ko kə lu ndiʼ ali!

Gàlesìyà 2:17

Alì vəghəŋ sətsen ə mwomsə ə nti a nkàyn a shɨ ə Nyìngòŋ byìʼì ando vəghəŋ və Yesò diʼ amuʼ, ə be yenə la vəghəŋ ne mbyɨ, kə a ndiʼi la Yesò ə nè la vəghəŋ ə ne mbyɨ mu? Kə ko diʼ alì no fa mphen!

Gàlesìyà 3:21

Kə le diʼi la Əsoʼ ə tensə kənyʉ̀ kə ghʉ kə kikə a Nyìngòŋ ə nghʉ li mu? Kə ko diʼ alì no fa mphen. Kə diʼ la Nyìngòŋ a sətsen ə ndiʼ mu ghə̀ nkuli əsoʼ mibu ghə̀ nè la viʼi ntsi, a na ndiʼ mù ghə̀ zizi nè la viʼi nti akayn ashɨ ə Nyìngòŋ.

Gàlesìyà 6:14

Alì fa mò, mà ko na kumə kədyʉ̀ʼ kumə tebè kənyʉ̀ kə tsen kə, a bwen to byìʼì kənyʉ̀ a Bobo vəghəŋ Yesò Klistò nè a mò a kəntò. A diʼ kənyʉ̀ kəwenkə a kə nè, fo ə mbyi ə sə diʼ to a mò to nə̀ əfo ə pfʉkəvə, no tèbe nkàyntə̀ mò diʼ to nə̀ kəfo kə pfʉkə kùmə̀ fo ə mbyi.