Ŋwàʼlə̀ Luk 2:34 - The New Testament in the Babanki language

³⁴ Simon bwaʼsə vəwenə mù gàʼ a Mèli la “Zhʉtə à! Nyìngòŋ tsuʼli wàyn la ghə̀ byɨsə bè bwòŋsə nghoʼo viʼi a loʼo Islel. Ghə̀ lu ndiʼ nchwi fa Nyìngòŋ a və lu ngàʼlə byìʼì wen,

Ŋwàʼlə̀ Luk 2:34 ပူးပေါင်းရင်းမြစ်များ

Matìyò 11:19

Wàyn Wìʼ nvi sə zhɨ bè nyʉ, və ngàʼ la ghə̀ yi a ghə̀ zhɨ chò, nyʉ chò be diʼ ndoŋ wenə̀ viʼi tinə kənsè bènə̀ viʼi və byɨvə vətsenvə! tè a lì tof Nyìngòŋ dìʼì la ghə̀ diʼ nəmwèʼè à viʼi a və dzɨ̀mtə̀ wenə ghə̀.”

Matìyò 12:46

Yesò mbu gàʼà à tənòyn tə viʼi a vyi a tə njèʼè fa wen a bàm, lì wen bènə̀ vəlèmə̀ və wen vì ə̀ tɨmə a kəbəŋ sə kəŋ jì əgàʼ à wen.

Matìyò 21:44

[No ndò a ghə̀ kòntə a wèn ngùʼ bʉ ngə̀ŋ aghèn, ghə̀ à fə̀ŋ tìnkə a ntemə a ntemə, mu ngùʼ aghèn bè sətsèn fə̀ŋ a kətʉ no ndò ghə̀ à bvusə̀ wen a kəbyìʼ”]

Matìyò 27:63

ə gàʼ à wen la, “Tìʼ, yès bò kwòʼtə̀ la à tə ndiʼ ando wù ndzɨ̀ŋsə ghèn mbu to ghə̀ gàʼ la, ‘Mà lu pfʉ bwènsə̀ lù a mətsi ntaʼ.’

Ŋwàʼlə̀ Luk 2:35

ndi nyʉ̀ vyì a viʼi lyòmtə a vəwenə tətyɨm fʉ̀ no tsèm a dayn. Fənyì fə diʼ be ne sù tyɨmə wu.”

Joyn 3:20

Nò ndò yi a ghə̀ ne nyʉ̀ ə byɨvə ko kòŋ əbayn, ko ghə̀ lu kòŋ ə fʉ̀ fa tsu, ə nyʉ̀ ə byɨvə ə wen a fʉ̀ a ndayn.

Joyn 5:18

Əgaʼa ghenə mu ne viʼi Jus mu sə kəŋ jisə ə zhwi wen byìʼì ando ghə̀ nko kwaʼa to soʼ kətsi kə tʉʼ loʼ, ali be sə toŋtə Nyìngòŋ nə̀ Tìʼ wen diʼi la ghə̀ diʼi ndə̀ŋndəŋ wenə Nyìngòŋ.

Shwèʼ 13:45

Viʼi Jus vətsevə nè yèn ando nòyn viʼi nghoʼo, sə kiʼ kənghə̀ʼ mù zìtə̀ sə gàʼà nyʉ̀ byɨvə byìʼì nyʉ̀ a Bol ngàʼà, be telə wen.

Shwèʼ 17:6

Vəwenə kwen tsu kò vəwenə lù yèn Bol wenə̀ Silàs mù ghàʼ Jasòn wenə̀ viʼi vəbyɨməvə vətsenvə ə̀ gùf ə̀ vì nə̀ vəwenə a shɨ viʼi nsoʼ, zɨmə̀ gàʼà la, “Viʼi venə diʼ mu vəwenə nəʼə li tò mbì tsèm, luwèn vəwenə vì li nzaʼa a vəghəŋ a ntə̀ʼ,

Shwèʼ 24:5

Yès sə tə yèn la wìʼ ghèn dìʼ no wu byɨ fànsə. Ghə̀ moʼò li kəngə̀sə̀ a ntìntìn Vəjew tò a mbì tsèm, be diʼ kətʉ a nòyn mənàŋ mə viʼi Nazalèt.

Shwèʼ 28:22

Yès ə kəŋə zhʉ kwòʼtə̀ wu byìʼàndo yès ə chò no tè fa fe, zhʉ ando və gàʼà nyʉ̀ byɨvə byìʼì nkì nòyn ghenə a wu dìʼì tsu lə̀.”

Shwèʼ 4:26

Tə fòyn tə mbì tə mbaʼtə təwen tə vəwenə, bvʉ̀tə̀ soyn, viʼi a və nsoʼo loʼ be baʼtə̀ təwen tə vəwenə əsoyn Bobo Nyìngòŋ wenə̀ wìʼ yì a ghə̀ ntsuʼ li.

Shwèʼ 6:7

Kənyʉ̀ kə Nyìngòŋ kə mù sə sàykə̀ dyʉ̀ tò nə̀ mbì, viʼi və byɨməvə a Jelusalèm bè sə̀ ghoʼo dyʉ̀ tò nə̀ mbì. Vəpfèm və ngə̀ŋ Nyìngòŋ no vəghoʼo zhʉ ziʼi aghenə bè byɨmə.

Lumans 9:32

Vəwenə ə gho ə ghaʼ byìʼì ando vəwenə ko tə ə kiʼi əbyɨmə a Nyìngòŋ, boŋsə kwoʼtə la vəwenə zizi və ndiʼ ti a nkàyn ashɨ Nyìngòŋ byìʼì shwèʼ. A lə kənyʉ̀ ki a vəwenə tə kòyntə a kwi ngùʼ yi a viʼi nə̀ kòyntə tsu;

1 Kolìntyàns 1:23

ali fa yès, yès boŋsə shə̀ʼtə̀ to kənyʉ̀ kumə Yesò a və mbayntə. Kənyʉ̀ na kènkə zàfə viʼi Jus, a diʼ kənyʉ̀ kə kəkoyn a viʼi ətɨm.

Hibùlù 7:1

Mèlìkisedèk a ghèn ə ndiʼ fòyn ntə̀ʼ ghoʼo a Salèm be diʼ pfèm ngə̀ŋ Nyìngòŋ ghoʼo. Andìʼ to ando Ablaham dyʉ̀ ə temə ghòŋ wenə viʼi wen ə zhɨ̀ təfòyn to kədə̀ŋ ə bwènə̀ sə pfwo, Mèlìkisedèk ə yenə li wen a ji ə bwàʼsə wen.

Hibùlù 7:7

Kə diʼ to no nəmwèʼè la Mèlìkisedèk ə kuʼmə chò Ablaham byìʼì ando à nə̀ lu to wìʼ yi a ghə̀ kuʼmə, ə bwaʼsə ghətsen a ghə̀ ko kuʼmə zaʼa a nə̀ wen.

1 Bità 4:14

Viʼi sətsen ə telə ghə̀ŋ byìʼì ando ghə̀ŋ diʼi ndzɨ̀mtə̀sə bàm ə Yesò, ghə̀ŋ ə saŋlə to saŋlə byìʼì ando nakèn kə ə diʼi la kəzhwì kə kaynə kə, a diʼ kəzhwì kə Nyìngòŋ kə diʼ a ghə̀ŋ.