Ŋwàʼlə̀ Luk 19:39 - The New Testament in the Babanki language

³⁹ Və Falàsi vətsen və a və njèʼè tò tyì nòyn ayì mù gàʼ à Yesò la, “Chiʼi ndzɨ̀mtə̀sə bàm wù sènsə a ndìʼsə̀.”

Ŋwàʼlə̀ Luk 19:39 ပူးပေါင်းရင်းမြစ်များ

Matìyò 2:7

No a zhʉ kò a Helòd nyoʼtə dzàŋtə̀ viʼi ghayn vyi ə bèm à vəwenə la,“Fədzɨ̀ŋ a fì tə̀ lutə̀ sù fʉ a zhʉ kò?”

Matìyò 23:13

Yesò bwènsə̀ sə̀ gàʼà à ndìʼsə̀sə təsoʼ wenə viʼi Falàsi la, “Ngəʼ ghoʼo lu ndiʼ à ghə̀ŋ ndìʼsə̀sə təsoʼ wenə viʼi Falàsi byìʼì jì a ghə̀ŋ bɨ̀lə̀ ashɨ viʼi fa tsu. Ghə̀ŋ shwìnə̀ jì la kə viʼi kwen a soʼo Fòyn Nyìngòŋ. Ghə̀ŋ ko kòŋ əkwen tsu be tàmə̀ viʼi vətsenvə a və kòŋ əkwen.

Joyn 12:10

Tʉtʉ vəpfèm və ngə̀ŋ Nyìngòŋ yen ali ə sə be baʼtə̀ ə zhwi Lazalùs,

Joyn 12:19

Viʼi Falàsi ə sə gàʼa to a vəwenə a ntìntìn la, “Kə le diʼi la kənyʉ̀ kətsen ko be diʼ vəghəŋ nè. Yen to ando mbyi ə tsèm sə dyʉ̀ to fa wen abàm a!”

Jems 4:5

Mu ghə̀ŋ ə lyɨ̀ la ŋwàʼlə̀ Nyìngòŋ ə gàʼà tò kədyàŋ la, “Nyìngòŋ ə kòŋə̀ kəzhwì kì a ghə̀ ne li kə sə diʼ à vəghəŋ a təwèn lo?” Kəshi akènkə gàʼà tò nəmwèʼè.