Ŋwàʼlə̀ Luk 19:17 - The New Testament in the Babanki language

¹⁷ Ghə̀ gàʼ à wù shwèʼ ayi la, ‘Wu ne li nkàyn! Wù diʼ wù shwèʼ jùŋə̀! Wu ne soʼo ntə̀ʼsə wum byiʼ ando ma yenli la wu kɨli ətùʼmə̀ nə̀ məfotə mə tyetə mə.’

Ŋwàʼlə̀ Luk 19:17 ပူးပေါင်းရင်းမြစ်များ

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Ŋwàʼlə̀ Luk 16:10

Wìʼ shìtə ghaʼ mənyʉ̀lə̀ mə tyetə mə, ghə̀ ghaʼ nyʉ̀ ghoʼkə və a ku à wen. Ghə̀ sətsèn dìʼ ke ghaʼ mənyʉ̀tə mə tyetə mə, wù ku kənyʉ̀ kə ghoʼkə, kò ghə̀ lə shɨ̀tə ghaʼ.

Ŋwàʼlə̀ Luk 19:16

Ghə̀ mbì vì ə gàʼ la, ‘Tìʼ, nkam yi mùʼ seli nkamsə wum.’

Ŋwàʼlə̀ Luk 19:18

Kənkùmtə̀ kə wù shwèʼ vi ə gàʼ la, ‘Tìʼ, nkam yi mùʼ seli, nkamsə tàyn.’

Ŋwàʼlə̀ Luk 22:30

ndi ghə̀ŋ zhɨ bè nyʉ a mò kəchiʼ a mò soʼ fòyn, ghə̀ŋ be ne ŋwʉʼʉ a foyn ngwàʼsə Islel shìsə njʉ̀sə̀ bò.”

Lumans 2:29

Nkàyntə̀ wu ə Jus ashɨ Nyìngòŋ ə diʼ byìʼì ntsìnə̀ wen. Ə shətə ndyə̀ a ji nəmwèʼè, diʼ a wu a tyɨm, a diʼ shwèʼè kəzhwì, a kodiʼ əsoʼ yì a və nyòʼ. Nkàyntə̀ wu ə Jus na ghèn diʼ, a bwomsə Nyìngòŋ bwomsə wen, a ko bwomsə viʼi.

1 Kolìntyàns 4:5

Ali, kə ghə̀ŋ tyinə nsòʼ ko ndiʼ la zhʉ̀ yi kʉʼʉ li. Ghə̀ŋ kəʼtə, Bobo vi. Ghə̀ a vi ə diʼ làynsə nyʉ̀ ə lyomtəvə vyi a və nyoʼtə ne a kəbəŋ kə fenəkə, ə shə̀ʼtə nyʉ̀ vyi a viʼi əkwoʼtə lyomtə a və wenə a tətyɨm. Nyìngòŋ ə mu bwomsə no ndò to ji a ghə̀ əshyèʼè.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

1 Bità 1:7

Təmwòmsə̀ na tentə ə vi a ghə̀ŋ ə ne la viʼi yen əkɨ la ghə̀ŋ kiʼi no nkàyntə̀ əbyɨmə. Və nə̀ mwomsə gul nə̀ zhiʼ ali a diʼ kəfo a kə ko kuʼmə zàʼa tebè a nə̀ əbyɨmə, mu kə zi kə byɨf. Kə le diʼi la, və diʼ mwomsə əbyɨmə ə ghəŋə byìʼì ando à diʼ kəfo a kə kuʼmə chò gul ndiʼ à lù ndiʼ a kətsi a Yesò Klistò bwenə vì, Nyìngòŋ ə bwomsə ghə̀ŋ ə be ku əghoʼ ə wen a ghə̀ŋ.

1 Bità 5:4

Ghə̀ŋ ə nè alə, ndi wìʼ yi a ghə̀ diʼi to nə̀ kətʉ kə a ətsɨŋsə byisə lù bwenə vi no a tʉʼ ə ko ə ku əsòʼ ə təfòyn nə̀ əmòʼtə a ghə̀ŋ, ghə̀ baynə, ko ghə̀ lu musɨ.