Ŋwàʼlə̀ Luk 18:7 - The New Testament in the Babanki language

⁷ A lè a zì a bòŋsə faŋ Nyìngòŋ ke zhʉ̀tə di viʼi wen a və di a wen nə̀nchwì nə̀ nəntʉʼʉ a? Ghə̀ lè zì ghə̀ mu bʉʼsə kətʉ kə wen tò bʉʼsə à vəwenə a?

Ŋwàʼlə̀ Luk 18:7 ပူးပေါင်းရင်းမြစ်များ

Matìyò 24:22

Kə diʼ tò la Nyìngòŋ mfaftə̀ li mətsi mə ngəʼ a mèn a bwen alə̀ mu wìʼ ko zi ghə̀ lə̀ bwòŋ. Ghə̀ mfàftə mətsi a mì tò byìʼì viʼi wen vi a və ndiʼ mu ghə̀ tsuʼ li ə̀ ghʉ.”

Matìyò 24:24

byìʼàndo viʼi vi a Nyìngòŋ ntsuʼ li ə̀ ghʉ və kənlobtə nə̀ nshə̀ʼtə̀sə kənlobtə lu fʉ̀ a tʉʼ ayì, ə nè chwitə fàynsə və be mwòmə̀ nyʉ̀ kaynəvə mwòmsə tò la vəwenə lè zì və lobtə viʼi vi a Nyìngòŋ sə diʼ mu ghə̀ tsuʼ li əbwòŋsə̀ lì lo.

Matìyò 7:11

Viʼi və byɨvə alə̀ to nə̀ ghə̀ŋ lə sətsèn ə nə̀ kɨ ə ku fo ə jùŋvə a vunə, no Tìʼ ghə̀ŋ a kaŋ a faŋ ale ke ku fo ə jùŋvə a viʼi vyì a və bèm a wen a?

Ŋwàʼlə̀ Luk 11:13

A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Ŋwàʼlə̀ Luk 2:37

lɨm ə wen pfʉ. Ghə̀ kwi a nə̀ wùwì pfʉ sə̀ diʼ ngwʉʼ njʉ̀sə̀ kaʼ a məwum fwomə, ŋwʉʼ tò ngə̀ŋ Nyìngòŋ, ghoʼsə Nyìngòŋ, bamə chʉ be jɨ̀mə̀ nə̀nchwì jɨ̀mə̀ nətʉʼʉ.

Ŋwàʼlə̀ Luk 21:28

Nyʉ̀ a venə sətsèn zìtə̀ əlyɨ̀ kəshi no a zhʉ̀ kò, ghə̀ŋ tsoʼsə tʉ vəŋə ə ki kaŋ byiʼàndo zhʉ sə̀ boʼsə vì a Nyìngòŋ a bwòŋsə ghə̀ŋ.”

Lumans 8:33

A zizi a be ghàm no ndò ghàm viʼi vi a Nyìngòŋ ə tsuʼ li a? A kwisə to no Nyìngòŋ, kwisə viʼi a viʼi kənyʉ̀ kətɨməkə.

Kòlòsyàns 3:12

Ando ghə̀ŋ sə diʼ viʼi a Nyìngòŋ ə tsuʼ li a viʼi wen ə sə koŋə, ghə̀ŋ moʼ ntsìnə̀ ə jùŋ, tùʼmə̀ nə̀ viʼi, ə nshiʼsə təwenə təŋtə a nse, bwaʼmə, be wensə.

1 Tèsàlonyà 3:10

Yes ə loynə fa Nyìngòŋ no məzhʉ̀ ə tsèm nə̀ ətyɨm ə yes ə tsèm la ghə̀ nè yo wen yen ghə̀ŋ ə ku kənyʉ̀ ki a ghə̀ŋ ko ə kiʼi a ghə̀ŋ əbyɨmə a Yesò.

2 Tèsàlonyà 1:6

Nyìngòŋ ə lu ku ngəʼ a viʼi vyi a və tə ə ku ngəʼ a ghə̀ŋ byìʼì ando ghə̀ nè to kənyʉ̀ ki a kə diʼ kənyʉ̀ kətɨməkə.

1 Timotì 5:5

Nkàyntə̀ wùwì mphʉ yi a ghə̀ ko kiʼ wìʼ la ghə̀ ə ntùʼmə̀ nə̀ wen ə diʼ mu ghə̀ ghʉ li kwoʼtə əwen tò a Nyìngòŋ ə sə jɨ̀mə̀ tò jɨ̀mə̀, loyn nə̀ ə gyàmtə̀ fa wen nətʉʼ nə̀ nə̀nchwì.

2 Timotì 1:3

Mà ku kəzòŋ à Nyìngòŋ a ma shwèʼ a wen byìʼì wù, nə̀ ətyɨm ə mùʼ ando vətiʼi vwomə ə nlu sə shyèʼè. Mà jɨ̀mə̀ à wù nò məzhʉ ntsèm.

2 Timotì 2:10

A dìʼ byìʼì kənyʉ̀ a kenkə a ma kiʼi kwiʼi ətyɨm tò ənyʉ̀ ə tsèm byìʼì viʼi vyi a Nyìngòŋ tsuʼ li ndi vəwenə lu kiʼi əbwòŋ chò fa Yesò Klistò ə kiʼi əkuʼsə no məzhʉ ntsèm.

Taytùs 1:1

A nyòʼo mò ə Bol ə nyòʼo ŋwàʼlə̀ ghèn. Mà dìʼ wù shyèʼ ə̀ Nyìngòŋ be diʼ wù ntɨm ə̀ Yesò Klistò. Və̀ ntsùʼ mo ə̀ tɨ̀m la mà gyamtə nè la byɨmə viʼi vi a Nyìngòŋ ə ntsuʼ li ə nto, ə be nè la vəwenə nkɨ jì nəmwèʼè yì a ghə̀ nè la viʼi ntsi a ji yì a Nyìngòŋ ə kəŋə.

1 Bità 1:1

A nyòʼo mò ə Bità, ə wù ə ntɨm ə Yesò Klistò nyòʼo ŋwàʼlə̀ ghèn a ghə̀ŋ ə viʼi Nyìngòŋ vi a ghə̀ ntsùʼ li, mu və dzɨ̀m li shisə vəwenə, vəwenə nsaykə̀ nkaʼ alòʼ ə Bontùs nə̀ Gàlesìyà nə̀ Kàbàdosìyà nə̀ Esìyà nə̀ Bìtinìyà ə sə tsi tsu a nə̀ viʼi a və chò ji.

2 Bità 3:9

Bobo ə ko ghaʼasə ə nè kənyʉ̀ ki a ghə̀ nghʉ̀ li ando viʼi vətsenvə ə kwoʼtə. Ghə̀ boŋsə ku to zhʉ̀ a ghə̀ŋ byìʼì ando ghə̀ kəŋə la no viʼi və tsèm kwitə tətyɨm tə vəwenə fa mbyɨsə, ko ghə̀ lu kòŋ la no wìʼ ə mùʼ lù lè.

Kəmwetə 18:20

“Ghə̀ŋ vi a ghə̀ŋ ə tsi a kàŋ, ghə̀ŋ ə nsaŋlə̀. Ghə̀ŋ ə nsaŋlə̀ a viʼi Nyìngòŋ nə̀ viʼi ə ntɨm nə̀ nshə̀ʼtə̀sə sə̀ ghoʼkəsə byìʼàndo Nyìngòŋ ə sisə li kənyʉ̀ a ghə̀ ə̀ ne à ghə̀ŋ.”

Kəmwetə 6:10

Əzhwi a vyi zɨmə̀ gàʼà no a gɨ to la, “Bobo a ghə̀ kiʼi àdyoʼ ə̀ tsèm, ŋwòʼə̀ be diʼ nəmwèʼè, kə a lyɨ̀ ə zhʉ ale ə wù soʼ viʼi venə a nse ə ku ngəʼ à vəwenə ando vəwenə tə zhwì yes a?”

Kəmwetə 7:15

A lə̀ kənyʉ̀ a vəwenə ti a shɨ kəfwoyn kə Nyìngòŋ, shyèʼè à wen nə̀nchwì bènə̀ nəntʉʼʉ à wen ə tì ngə̀ŋ. Wìʼ yì a ghə̀ ŋwʉʼ a kəfwoyn ne ndiʼ wenə̀ vəwenə, kɨ̀ŋtə̀ vəwenə.