Ŋwàʼlə̀ Luk 18:43 - The New Testament in the Babanki language

⁴³ No a zhʉ̀ kò, ghə̀ bwènsə̀ sə yenə shi, lu sə dzɨ̀mtə̀ dyʉ̀ nə̀ wen, kuʼsə dyʉ̀ nə̀ Nyìngòŋ. No mə ndò a ghə̀ yenə kənyʉ̀ a kə chò sə boŋ kuʼsə Nyìngòŋ.

Ŋwàʼlə̀ Luk 18:43 ပူးပေါင်းရင်းမြစ်များ

Matìyò 11:5

Nfyɨ̀f bwènsə̀ yenə shi, və ngesə̀ fwen jèʼè tò a nkàyn, viʼi kənsòtə̀ to, mpfʉ sə tʉ sə zhʉ shi, və bwènsə̀ lùsə̀ viʼi vəpfʉkəvə, be shə̀ʼtə̀ ntɨm jùŋ a viʼi a və femə.

Matìyò 21:14

Viʼi kənshɨ̀f wenə̀ viʼi kənkwàʼkə̀ vì yèn wen tsu ghə̀ chʉʼ vəwenə.

Matìyò 9:8

Viʼi nè yen alì sə fàyn no ŋàŋ, bè mù sə̀ kuʼsə Nyìngòŋ ando ghə̀ ku nki àdyoʼ a ghèn à viʼi.

Ŋwàʼlə̀ Luk 13:17

Ando ghə̀ ngàʼà alì viʼi kəbàyn wen no vətsèm sə dìʼi. Nghoʼo viʼi tsu sə saŋlə kùmə̀ nyʉ̀ kàynə vyi və tsèm a ghə̀ nè.

Ŋwàʼlə̀ Luk 19:37

Ghə̀ nè boʼsə a Jelusalèm mù sə shiʼi fa ji a ghə̀ shiʼi fa wye pfen Olìf, nòyn ndzɨ̀mtə̀sə bàm wen no sətsèm, sə saŋlə kuʼsə Nyìngòŋ a gɨsə tosə byìʼì nyʉ̀ kaynə və vyi a vəwenə diʼ mu və yen li.

Ŋwàʼlə̀ Luk 4:39

Ghə̀ dyʉ̀ tɨmə a wen kətʉ kə kwen, ə kəŋkə̀ fiba ayi ghə̀ mòʼtə̀ wen. Fa zhʉ a ghèn ghə̀ lù ku fozhɨvə, vəwenə zhɨ.

Ŋwàʼlə̀ Luk 5:26

Vəwenə sə diʼ nə̀ kàynə, fàyn ghaʼ vəwenə, vəwenə bwomsə Nyìngòŋ gàʼ à la, “Vəghəŋ yenli nyʉ̀ kàynə və layn!”

Ŋwàʼlə̀ Luk 9:43

No viʼi vətsèm tsu sə diʼ nə̀ kaynə kùmə̀ adyòʼ Nyìngòŋ. Viʼi sə bu kayntə nyʉ̀ tsèm a Yesò nè, Yesò gàʼ à ndzɨ̀mtə̀sə bàm wen la,

Shwèʼ 11:18

Andìʼ ando Vəjew vəbyɨməvə nzhʉ kənyʉ̀ a Bità ngaʼà, vəwenə nko bè ghàm wen. Vəwenə sə bwomsə̀ Nyìngòŋ gàʼà la, “Nyìngòŋ be ku ji à viʼi tɨm la vəwenə kwitə tətyɨm tə vəwenə fa vəwenə a nyʉ̀ byɨvə ndi lu kiʼi bwòŋ.”

Shwèʼ 26:18

Wù ne bòʼtə ashɨ vəwenə be shìsə vəwenə fà ti mfɨnə̀ ə kwensə a tì bayn. Wù ne nè, vəwenə fʉ fà tì soʼ Satan ə̀ dyʉ̀ à Nyìngòŋ ndi və lyesə kù nyʉ̀ byɨvə vəwenə bè nè vəwenə nkiʼ kəshi a tì nòyn viʼi vi a Nyìngòŋ tsuʼli byìʼì byɨmə yi a vəwenə kiʼ à mò.’

Shwèʼ 4:21

Viʼi a vyi yen la vəwenə ko be kiʼ jì ə zhuŋsə Bità wenə̀ Joyn byìʼàndo no viʼi vətsèm sə bwomsə̀ tò Nyìngòŋ byìʼì kənyʉ̀ kì a kə ncho wìʼ yì to. Vəwenə mu bè kàyntə̀ nyʉ̀ a Bità wenə̀ Joyn a gɨ to mù ghʉsə vəwenə la vəwenə ndyʉ̀. Wìʼ yì a və nchʉʼʉ̀ lì ndiʼ mu ghə̀ chò li ngwʉʼ məwum nkàʼ.

Gàlesìyà 1:24

Vəwenə mù sə bwomsə Nyìngòŋ byìʼì mò.

1 Bità 2:9

Alì, fa ghə̀ŋ, ghə̀ŋ diʼ viʼi a Nyìngòŋ ə tsuʼ li. Ghə̀ŋ diʼi a nə̀ vəpfèm və ngə̀ŋ Nyìngòŋ, shyèʼè a fòyn. Ghə̀ŋ diʼ viʼi və laynəvə mu Nyìngòŋ ə lyɨ̀ li ghə̀ŋ a viʼi wen ndiʼ ghə̀ŋ ə shə̀ʼtə̀ nyʉ̀ ə kaynəvə vi a ghə̀ nè. Ghə̀ dzàŋə li ə shisə ghə̀ŋ fa a ntìntìn kəbəŋ kəfenəkə ə kwensə ghə̀ŋ a ntìntìn əbayn ə kaynəghə ə wen.