Ŋwàʼlə̀ Luk 18:37 - The New Testament in the Babanki language

³⁷ Və gàʼa wen la à chò Yesò, wù Nazalèt.

Ŋwàʼlə̀ Luk 18:37 ပူးပေါင်းရင်းမြစ်များ

Matìyò 2:23

Ghə̀ lù ə dyʉ̀ a shə loʼ sə̀ tsi a ntə̀ʼ tsen a və ndzàŋ nə̀ Nazalèt. Ghə̀ ne alì ndi lwinsə kənyʉ̀ kì a nshə̀ʼtə̀ sə ghoʼkə sə ngàʼa. Sə nlù gàʼ la,“Və lu dzàŋ wen nə̀ wyè wù Nazalèt”.

Ŋwàʼlə̀ Luk 18:36

Ghə̀ zhʉ tò ando nòynə viʼi chò ghə̀ bèm la, à cho ghò?

Ŋwàʼlə̀ Luk 18:38

Ghə̀ zɨmə gàʼ la, “Yesò, Wyè Fòyn Devìt, kusə shɨnsə à mo!”

Ŋwàʼlə̀ Luk 2:51

Ghə̀ lu a zhʉ a ghèn bwènə̀ shiʼi a Nazalèt wenə vəwenə mù zhʉmə vəwenə. Li wen ghʉ nyʉ̀ venə a wenə a tyɨm.

Joyn 1:45

Filib ə kəŋ dyʉ̀ nə̀ Nàtanyèl ə gàʼ a wen la, “Yes yen li wìʼ yi a Mosìs ə nyoʼo kumə wen a ŋwàʼlə̀ Əsoʼ li, nshə̀ʼtə̀ sə ghoʼsə ə be boŋ nyòʼ. Ghə̀ diʼ Yesò ə wu Nazalèt, ə wàyn Josèf”.

Joyn 19:19

Balèt ə gàʼ, və nyoʼtə kəfo la, “GHÈN DIʼ YESÒ WÙ NAZALÈT, FÒYN VIʼI JUS.” Əbayntə kəfo na kì a wen akwi kəntò.

Shwèʼ 2:22

Bità gàʼ a lì bè gàʼ la, “Ghə̀ŋ viʼi Islel, ghə̀ŋ tuʼù zhʉtə nyʉ̀ venə a mà kə ə gàʼ lə̀! Yesò ə wù Nazalèt ndìʼ wìʼ a Nyìngòŋ ndiʼì li à ghə̀ŋ a ndayn. Ghə̀ ndìʼì əchò fa nyʉ̀ kanəvə bènə̀ chwitə a ghə̀ nè əchò fà wen ə Yesò à ghə̀ŋ a ntìntìn. Nkàyntə̀ ghə̀ŋ ə kɨ nyʉ̀ avenə.

Shwèʼ 4:10

Ghə̀ŋ nə̀ viʼi Islel no vətsèm diʼi ə kɨ la wìʼ ghèn a ghə̀ ti à ghə̀ŋ a shɨ lə̀ to tò byìʼì kədyòʼ kə zhiʼ Yesò Klistò ə wù Nazalèt. Yesò Klistò aghèn dìʼ wìʼ yì a ghə̀ŋ tə bàyntə a kəntò, ghə̀ pfʉ alì Nyìngòŋ lùsə̀ wen fa pfʉ.

2 Kolìntyàns 6:2

A Nyìngòŋ ə gaʼa li la: “A na ndiʼ ando əzhʉ̀ kwʉʼʉ li mà zhʉtə kənyʉ̀ ki a wù gaʼa ə gyàmtə̀ wù, Kətsi kə kwʉ̀ʼ la mà bwoŋsə wù, ma bwoŋsə”. Ghə̀ŋ zhʉtə! Luwen diʼ tò nò əzhʉ̀ yi a Nyìngòŋ ə ghʉ̀. Layn diʼ kətsi kì a zizi ghə̀ bwoŋsə ghə̀ŋ.