Ŋwàʼlə̀ Luk 18:32 - The New Testament in the Babanki language

³² Və ne ku wen a tɨmə, ə və chəʼə wen, nè nyʉ diʼsə kətʉ, bè chʉ̀lə mənte a wenə wèn.

Ŋwàʼlə̀ Luk 18:32 ပူးပေါင်းရင်းမြစ်များ

Matìyò 16:21

Yesò zìtə̀ tò a zhʉ ayì sə̀ shə̀ʼtə̀ a ndzɨ̀mtə̀sə bàm wen la, “Yì diʼi dyʉ̀ a Jelusalèm ə yen ngəʼ ghoʼo fa avu vəchəʼ, tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ, və zhwi wen à nè sə ndiʼ mətsi ntaʼ, Nyìngòŋ lusə wen fa pfʉ.”

Matìyò 20:19

Vəwenə ne gàʼ a lì lyɨ̀ wen ə ku tɨmə, vəwenə chəʼ wen, ghòm wen nə̀ ngwàynsə bè bàyntə wen a kəntò ə ghə̀ pfʉ. A nè sə ndiʼ a mətsi ntaʼ Nyìngòŋ lusə wen fa pfʉ.”

Matìyò 22:6

Viʼi ntɨm fòyn a vyi dyʉ̀ a vətsenvə vəwenə ghaʼ viʼi ntɨm a vyi nyàblə̀ nə̀ vəwenə ə̀ zhwilə.

Matìyò 26:67

Ando vəwenə ngàʼà a lì, vəwenə mù sə chʉlə̀ mənte à wen a kə̀ʼ be ghòmə̀ wen vətsenvə pfènlə̀ wen,

Matìyò 27:2

kwìʼi wen ə lyɨ̀ wen dyʉ̀ kù à Bilate a fòyn Lum nghʉ̀ la ghə̀ nsoʼo shə Judiyà.

Ŋwàʼlə̀ Mak 14:65

Viʼi vətsenvə mù zìtə̀ sə̀ chʉlə̀ mənte a wèn Yesò, chiʼtə̀ kəʼə wen nə̀ basə ndisə, ghòmə̀ wen, gàʼà la,“shə̀ʼtə̀ lì la à ghòm ndò wù lo.” Ntsɨ̀ŋsə kətʉ kə tʉtʉ vəpfèm və ngə̀ŋ Nyìngòŋ kì bè shi wen ə̀ ghòm.

Ŋwàʼlə̀ Mak 15:1

Tʉʼ lan, tʉtʉ vəpfèm və ngə̀ŋ Nyìngòŋ, vəchəʼ, ndìʼsə̀sə təsoʼ bènə̀ viʼi soʼo nsoʼsə vi no vətsèm ghàʼa ə̀ ntsèntə̀ ə̀ bàʼtə nyʉ̀ vəwenə mù kwìʼ Yesò ə̀ dyʉ̀ nə̀ wen à Bilate.

Ŋwàʼlə̀ Luk 18:33

Və nè ghòm wen bè zhwi wen, à sə ndiʼ a bamə mətsi ntaʼ, ghə̀ bwòŋ fa pfʉ.”

Ŋwàʼlə̀ Luk 23:1

Ntsèntə̀ viʼi nsoʼ vyi no vətsèm lù ə lyɨ̀ Yesò ə dyʉ̀ nə̀ wen a shɨ Bilate,

Ŋwàʼlə̀ Luk 23:11

Elod wenə̀ ve sugyèʼ və wen sə̀ chəʼə wen be gaʼà nyʉ̀ zafə və a wen. Vəwenə mù moʼ dàlə a moʼo tò təfòyn a wen a wèn, bwènsə̀ təmə wen a Bilate.

Ŋwàʼlə̀ Luk 23:35

Viʼi tɨmə sə̀ lyè, tʉtʉ vəwenə sə̀ telə wen gàʼà la “Ghə̀ tə bwòŋsə̀ viʼi vətsenvə ghə̀ bwòŋsə̀ li wenə wen luwèn a zhʉ a ghə̀ diʼ Klistò yì a Nyìngòŋ ntsuʼli”

Joyn 18:22

Ando Yesò ə ngàʼa vì alə, sugyèʼ tsen ghòm kəvu a wen a kə̀ʼ ə bèm a wen la, “Wù dìʼ ale ə gaʼa a pfem ngə̀ŋ Nyìngòŋ ə ŋaŋtə alə a?”

Joyn 18:28

Və ə bviʼkə̀ ə lyɨ̀ Yesò fa kəbəŋ ə Kàyafàs, ə dyʉ̀ nə̀ wen a ntuʼ ə wìʼ yi a fòyn Lum ə ntsuʼ ə ghʉ la ghə̀ nsoʼo ashə loʼ na yi. Viʼi Jus dyʉ̀ zàʼa tsu, ə nyɨŋ la vəwenə ko kwen a ntuʼ byìʼàndo vəwenə ə kəŋ ə ndiʼ nə̀ laynə fa a ji a ntsìnə̀ əloʼ vəwenə ndi vəwenə kɨ ə zhɨ̀ kəzhɨkə məzaʼsə.

Joyn 18:30

Vəwenə bwensə to la, “Ghə̀ tə̀ faŋ kə byɨbsə kənyʉ̀ mu yès ko ə lyɨ̀ vi nə̀ wen a wù.”

Joyn 18:32

Vəwenə ə gàʼ alə ə lwinsə kənyʉ̀ ki a Yesò ngàʼa kumə nki pfʉ yì a ghə̀ ndiʼ lù pfʉ̀.

Joyn 18:35

Balèt ə bèm a wen la, “Wù kwòʼə la ma diʼ to wù ə Jus mu. A vi nə̀ viʼi vyə nə̀ vəpfèm və ngə̀ŋ Nyìngòŋ ə vi nə̀ wù a mò. Wù ə byɨbsə ghò?”

Shwèʼ 2:23

Və mbaʼlə̀ li Yesò aghèn ando Nyìngòŋ ə̀ nshɨ̀tə̀ li ə̀ ghʉ bè kɨ, ghə̀ŋ zhwi wen a ji la ghə̀ŋ ə̀ nku wen à viʼi ne nyʉ̀ byɨvə. Vəwenə bantə wen a kəntò,

Shwèʼ 3:13

Nyìngòŋ a vətìʼ və vəghəŋ və mbì a ndiʼì Ablaham, Izìk nə̀ Jàkob ə nkuʼsə li wù shyèʼ wen Yesò yì a ghə̀ŋ ə̀ nghaʼa wèn ə̀ kù à viʼi ə̀ bè mo wen a shɨ Bilate no tè ando Bilate nghʉ li la yì a mòʼtə wen ə ghə̀ dyʉ̀.