Ŋwàʼlə̀ Luk 18:30 - The New Testament in the Babanki language

³⁰ ke Nyìngòŋ kwʉʼsə ghoʼo wen a nsè a shə̀, ə ghə̀ bè kiʼ bwòŋ a ghə̀ lə faŋ tò ghayn mùʼ.”

Ŋwàʼlə̀ Luk 18:30 ပူးပေါင်းရင်းမြစ်များ

Matìyò 12:32

No ndò a ghə̀ gàʼà kənyʉ̀ kə byɨkə byìʼì Wàyn Wìʼ, mu Nyìngòŋ zì ghə̀ maʼa mbyɨ wen ayì alì mu wìʼ sətsèn gàʼ kənyʉ̀ kə byɨkə byìʼì kəzhwì kəŋwoʼəkə, kò Nyìngòŋ lù bè màʼà mbyɨ wen no tè a kəlyɨŋ kèn kò a kəlyɨŋ a kə lu vì.”

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

1 Timotì 4:8

Kə bo kiʼ se a wu sətsen ə mwòmsə ə nzaŋsə ə wen wu, alì mu wu sətsen mwòmsə ə kɨ kənyʉ̀ kə Nyìngòŋ, mu wu kiʼi se tò təshyə tətsèm. Kə diʼ alə byìʼì ando wu kiʼ ntsìnə̀ yi luwen a Nyìngòŋ sə diʼ mu ghə̀ ghʉ li, ə lu bè kiʼ to mə ntsìnə̀ a ghèn no məzhʉ ntsèm.

1 Timotì 6:6

Kə dìʼ nəmwèʼè la kənyʉ̀ kə Nyìngòŋ zi kə ne la wìʼ ə ndìʼ wù ə ghoʼo, kiʼi ənyʉ̀ ə jùŋ və a wen tyɨm, ko ghə̀ kiʼ ashɨ ə kəmbàŋbàŋ.

Kəmwetə 2:10

Ghə̀ŋ zhʉtə a! Kə ghə̀ŋ à fàyn ə̀ ngəʼ yì a ghə̀ŋ diʼi ne kwen tsu. Deblə̀ ne nè la və ghaʼ ghə̀ŋ vətsenvə we a mfɨŋ ə ghə̀ŋ yenə ngəʼ tsu a mətsi wum, à dìʼ tò mwòmsə̀ a ghə̀ vì à ghə̀ŋ. Və ndiʼ zhwi ghə̀ŋ tè zhwi, ghə̀ŋ ə nchoʼsə̀ tò mò, mà nè ku ə̀bwòŋ yi a ghə̀ ko lu mè à ghə̀ŋ a diʼ kəfo kì a ghə̀ŋ ə soynə zhɨ.

Kəmwetə 2:17

No ndò a ghə̀ kiʼi ətiʼitiʼi, ghə̀ tùʼù zhʉ̀tə kənyʉ̀ kì a kəzhwì kə ŋwoʼəkə gàʼà à ntsèntə̀sə viʼi və byɨməvə. No ndò a ghə̀ soyn ə̀ zhɨ mbyɨ, mà à kù ə̀fo zhɨvə lyomtəvə tsenəvə à wen a və dzàŋə̀ nə̀ manà. Mà be nè ku ngùʼ fəfə à no ndò mu və nyòʼò li əzhiʼ fighə tsu a no wìʼ ko kɨ əchò to wìʼ a ghə̀ shi ngùʼ ayì.

Kəmwetə 3:21

No ndò a ghə̀ nè soyn ə̀ zhɨ mbyɨ, ma nè ghə̀ ŋwʉʼʉ ə̀ boʼsə kəfwoyn ə komkə ando nkàyntə̀ mò sə̀ diʼ mu mà ə nsoyn li ə̀ zhɨ mù sə̀ ŋwʉʼ boʼsə kəfwoyn kə Tìʼ ə ghom.