Ŋwàʼlə̀ Luk 18:14 - The New Testament in the Babanki language

¹⁴ Mà shə̀ʼtə̀ a ghə̀ŋ la wìʼ a ghèn nlù sə pfwo zaʼa à wen ngə̀ŋ mu Nyìngòŋ tsəʼsəli mbyɨsə wen, ali kèn la ghə̀ tsəʼsəli mbyɨsə wu Falàsi yì. No məndo a ghə̀ kuʼsə wenə wen, Nyìngòŋ lu shiʼsə wen, alì no ndo a ghə̀ shiʼsə̀ wenə wen a nsè, Nyìngòŋ lu kuʼsə wen.”

Ŋwàʼlə̀ Luk 18:14 ပူးပေါင်းရင်းမြစ်များ

Matìyò 23:12

No məndò a ghə̀ kuʼsə̀ wenə wen Nyìngòŋ nè a shìʼsə wen, no məndò a ghə̀ gumlə̀, Nyìngòŋ ne kuʼsə wen.”

Matìyò 5:3

“Mbwaʼmə diʼ à viʼi vyi a və zhəʼtə̀ tò a wenə Nyìngòŋ byiʼàndo soʼo fòyn Nyìngòŋ lu ndiʼ à vəwenə.

Ŋwàʼlə̀ Luk 1:52

Ghə̀ shiʼsəli təfòyn tə ghoʼokətə fa vəwenə a fòyn, ə kuʼsə viʼi və zɨmvə.

Ŋwàʼlə̀ Luk 10:29

Ndìʼsə̀ soʼ a ghèn sə mwòmsə ədìʼ la kənyʉ̀ a yi bèmə̀ dìʼ kənyʉ̀ kətɨməkə, mù bèm a Yesò la “Lèmə̀ ghom dìʼ ndo?”

Ŋwàʼlə̀ Luk 14:11

No ndo a ghə̀ kuʼsə wenə wen a kàŋ, Nyìngòŋ lu shisə wen, ə no ndo a ghə̀ shiʼsə wenə wen, Nyìngòŋ ne kuʼsə wen a kàŋ.”

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Lumans 3:20

Kə le diʼi la Nyìngòŋ ə ko gàʼ tebè la wìʼ diʼ nti akayn a wen a shɨ byìʼì ando ghə̀ ghʉ̀ Əsoʼ. Əsoʼ ə nə̀ gyamtə ə nè la vəghəŋ kɨ kənyʉ̀ a mbyɨ diʼ wen.

Lumans 4:5

A ne Nyìngòŋ la viʼi və byɨvə ndiʼ viʼi kənyʉ̀ kətɨməkə. Nyìngòŋ nə̀ dyʉ̀ a wìʼ yi a ghə̀ faŋ kò ghə̀ lə ne shyèʼ ali mu ghə̀ byɨmə li kənyʉ̀ ki a ghə̀ ne a wen, ghə̀ lyɨ̀ wen a wù tɨmə byìʼì əbyɨmə ə wen.

Lumans 5:1

Ando Nyìngòŋ ə nlyɨ̀ li vəghəŋ a nə̀ viʼi və tɨməvə byìʼì əbyɨmə ə vəghəŋ, vəghəŋ və Nyìngòŋ sə tsi to no nə̀ mbwaʼmə luwen a ti kədyòʼ yi a Bobo vəghəŋ Yesò Klistò ə ku.

Lumans 8:33

A zizi a be ghàm no ndò ghàm viʼi vi a Nyìngòŋ ə tsuʼ li a? A kwisə to no Nyìngòŋ, kwisə viʼi a viʼi kənyʉ̀ kətɨməkə.

Gàlesìyà 2:16

alì kɨ la və ko ghʉ tebè to la wìʼ diʼ nti a nkayn byìʼì ando ghə̀ ghʉ Əsoʼ viʼi Jus. Wìʼ diʼ nti a nkàyn azhʉ̀ a ghə̀ byɨmə a Yesò Klistò. Vəghəŋ ə sə diʼ mù vəghəŋ be byɨmə a Yesò Klistò ndiʼ vəghəŋ ə ndiʼ a ji tɨmə ashɨ Nyìngòŋ. Əsoʼ ə zizi ko ghə̀ lù ne la wìʼ ə nti a nkàyn ashɨ Nyìngòŋ.

Jems 4:10

Ghə̀ŋ nshiʼsə təwen təŋtə a shɨ Bobo a ghə̀ a kuʼsə ghə̀ŋ a kàŋ.

Jems 4:6

Alì boŋə tyɨm ə̀ wen à vəghəŋ ə kwi dyʉ̀ tò nə̀ mbì. Ŋwàʼlə̀ Nyìngòŋ ə mu sə gàʼà la, “Nyìngòŋ ə ko kòŋ viʼi a və kuʼsə̀ təwen tə vəwenə, alì kiʼ boŋə tyɨmə à viʼi a və shiʼsə̀ təwen tə vəwenə.”