Ŋwàʼlə̀ Luk 17:21 - The New Testament in the Babanki language

²¹ No wìʼ ko lə gàʼ la yen a, ghə̀ ghèn a ghə̀ sə vì kò ghə̀ yì, byìʼàndo soʼo fòyn wen diʼ a ghə̀ŋ a ntìntìn luwen lè.”

Ŋwàʼlə̀ Luk 17:21 ပူးပေါင်းရင်းမြစ်များ

Matìyò 12:28

A bòŋsə̀ ku kəzhwì kə Nyìngòŋ ku kədyòʼ la mà ndzɨ̀mə̀ shìsə̀ zhwì byɨvə avenə. Kə lì dìʼì la soʼo Nyìngòŋ vi li à ghə̀ŋ.

Ŋwàʼlə̀ Mak 13:21

A lu ndiʼ a mətsi ayì, və ngàʼà à ghə̀ŋ la, “Ghə̀ŋ yen a, Klistò ghèn a shèn! Ko la, ‘Ghə̀ yì a fàʼà!’ Kə ghə̀ŋ à byɨmə kənyʉ̀ akì a və gàʼà lì.

Ŋwàʼlə̀ Luk 17:23

A lə ndiʼ a tʉʼ ayi, ə viʼi a gàʼ la, ‘Ghə̀ ghèn afàʼà, ghə̀ ghèn a shə̀!’ Kə ghə̀ŋ nè zhʉ, ko dyʉ̀ a kəshi kətsen.

Ŋwàʼlə̀ Luk 21:8

Ghə̀ gàʼ la, “Ghə̀ŋ tùʼmə̀ la kə wìʼ lù lobtə ghə̀ŋ. Viʼi lu nvì no və ghoʼo diʼ la və vì à mò a zhiʼ. Gàʼà la, Ma diʼ no nkàyntə wen yi lə̀, be gàʼà la ‘Zhʉ kwʉʼli luwen!’ Ghə̀ŋ zhʉ alì kə wì à dzɨ̀mtə̀ vəwenə.

Joyn 1:26

Joyn gàʼ la, “Ma ku mu a ghə̀ŋ to no nə̀ mu mə fwàyn, ali wìʼ diʼ a ghə̀ ti to no a ghə̀ŋ a ntìntìn luwen, ko ghə̀ŋ kɨ wen, no tèbe mò ə ko kwʉ̀ʼ ə shwèʼ to ne kəkòs kə a kə zatə mpfʉ̀sə gwʉsə a ghʉ ə wen.”

Joyn 18:36

Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”

Lumans 14:17

Əsoʼ ə fòyn nə̀ Nyìngòŋ ə diʼ alə̀, a ko diʼ byìʼì kəfo kəzhɨkə, a ko diʼ byìʼì kə nyʉ kə, à diʼ kənyʉ̀ kumə ə ntsi ntsìnə̀ tɨmə a shɨ Nyìngòŋ, kiʼi mbwaʼmə nə̀ saŋlə, a diʼ nyʉ̀ vyi a kəzhwì kə Ŋwoʼkə ə vì nə̀ wenə və.

Kòlòsyàns 1:27

Nyìngòŋ ə kəŋ la viʼi wen kɨ la kənyʉ̀ kə lyomtəkə kə kaynəkə ken be diʼ a viʼi ə tɨm. Kənyʉ̀ kèn diʼ la Klistò ne diʼ to no a ghə̀ŋ tətyɨm, ədiʼ la ghə̀ŋ kɨli nəmwèʼè la ghə̀ŋ lu ə tsi vye vəwenə a ntìntìn əghoʼ wen.