Ŋwàʼlə̀ Luk 16:23 - The New Testament in the Babanki language

²³ Ghə̀ a loʼ nə̀ mpfʉ̀ və nse sə yenə ngəʼ byɨ tsu, ə lù sə tsoʼsə ashɨ wen sə ki ə yen Ablaham no kəghaf nə̀ Lazalùs à wen a mbyɨ̀.

Ŋwàʼlə̀ Luk 16:23 ပူးပေါင်းရင်းမြစ်များ

Matìyò 11:23

A ghə̀ŋ viʼi Kabanùm, ghə̀ŋ ə kwòʼtə̀ la Nyìngòŋ lu kuʼsə ghə̀ŋ, ə ghə̀ŋ kuʼ zaʼa a kàŋ mu? Kə ko diʼ a lì. Ghə̀ lu mòʼ ghə̀ŋ a sem zhìʼ byɨghə. A tu ndiʼ la nyʉ̀ kaynə venə a mà nè à ghə̀ŋ lə, la mà ə nè à viʼi ntə̀ʼ Sodòm, mu vəwenə bù dìʼ əzaʼa fa layn.

Matìyò 18:9

A sətsèn shɨ wu ne la wù ne mbyɨ wu tòŋ shìsə̀ ə̀ màʼà. Kə bòŋ la wù kiʼi bwòŋ tò nə̀ shɨ mùʼ əchò la wù nkiʼ ashɨ wu no à tsèm və moʼ wù a zhìʼ byɨghə.

Matìyò 23:33

Zhusə sə byɨsə sènsə ghə̀ŋ le lu nè no ghò la kə Nyìngòŋ lù soʼ ghə̀ŋ tɨ̀m ghə̀ŋ a kəshi kə zhìʼ byɨghə a?

Matìyò 5:22

Ma be sə gàʼà à ghə̀ŋ luwen la no ndò a ghə̀ fwisə̀ tyin à lèmə̀ wen və le sòʼ wen, à te no ndò tè lèmə̀ wen la, ‘Kəfo kə maʼa kènkə!’ mu və lu dyʉ̀ nə̀ wen a shɨ ntsèntə̀ viʼi nsoʼ. A be tè no mə ndò tè lèmə̀ wen la, ‘Kəndzɨ̀ŋtə̀ kə kəfo kènkə!’ mu ghə̀ zì ghə̀ pfʉ̀ a zhìʼ byɨ ghə̀.

Matìyò 5:29

Shɨ kwoŋ toghə wù sə tsen nè la wù ne mbyɨ, wu tòŋ shìsə̀ màʼà. Kə bòŋ la wù gho shə wèn wù tsen ghə̀ mùʼ əchò la və mòʼ wen wu no tsèm a zhìʼ byɨ ghə̀.

Matìyò 8:29

Vəwenə yen Yesò tò yenə ə zɨmə bèm a wen la, “Wù kəŋ gho fà yès a, Wàyn Nyìngòŋ ghèn? Wù vì ə ku ngəʼ à yès mimbu kətsi kə ngəʼ yès kə kwʉʼ mu?”

Ŋwàʼlə̀ Luk 16:24

Ghə̀ dzàŋ wen ə gàʼa la, ‘Ablaham, kusə nshinsə à mò a tìʼ ə tɨm Lazalùs ghə̀ chʉ̀ nyì kəvu wen a mu ə vì chì kəndòŋ kom kə tsu. Mà zhʉ əlɨ̀m toghə a tyì zhìʼ a shə̀.’

Ŋwàʼlə̀ Luk 16:28

ghə̀ dyʉ̀ ə tyɨftə vəlèmə vwomə kùmə̀ kənyʉ̀ kènkə, ko vəwenə lù bè kwen a ngəʼ na ghèn. Vəwenə dìʼ tò, və tayn.’

Ŋwàʼlə̀ Luk 8:28

Ando ghə̀ n-yenə Yesò ghə̀ ku nkəʼ dì ə fəŋ a wen ashɨ ə zɨmə no gɨ to gàʼà la, “Wù kəŋ ghò fa mò a Yesò, Wàyn Nyìngòŋ ghoʼo? Mà sensə̀ wù la kə wù a ku ngəʼ à mò.”

1 Kolìntyàns 15:55

“Əpfʉ kədyòʼ ə kyəkə kì ye? Ə ncho ə wù ə ye?”

2 Bità 2:4

Ghə̀ŋ kɨli la Nyìngòŋ ə nko ə faŋ ke ə ku ngəʼ no tèbe a ətsɨŋsə wèn shisə a sə nè li mbyɨ. Ghə̀ ə mòʼo li shiʼsə nə̀ vəwenə akəshi kəbyɨkə ə kwiʼ ghàŋtə vəwenə a kəbəŋ kə fenəkə, vəwenə sə tsi to tsu kəʼtə kətsi kə nsòʼ.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.