Ŋwàʼlə̀ Luk 16:19 - The New Testament in the Babanki language

¹⁹ Ghə̀ gàʼ alì be shə̀ʼtə̀ fətitì fə tsenfə la, “Wù ghoʼo tsen nlù dìʼ, moʼò tò ndisə ko to ghə̀ bè zhɨ wenə wen tò mətsi tsèm.

Ŋwàʼlə̀ Luk 16:19 ပူးပေါင်းရင်းမြစ်များ

Ŋwàʼlə̀ Mak 15:17

Vəwenə mòʼ ndisə təfòn a wèn Yesò ə̀ bo sòʼ ndzoŋsə ə̀ chìʼ à wen a kətʉ.

Ŋwàʼlə̀ Mak 15:20

Andìʼ a zhʉ a vəwenə ne nyʉ̀ venə mè ə̀ tsuʼ ndisə shìsə a və yì mòʼ à wen a wèn lì ə̀ bwènsə̀ mòʼ nkàntə̀ ndisə wen a wen a wèn mù lyɨ̀ wen ədyʉ̀ bantə a kəntò.

Ŋwàʼlə̀ Luk 15:13

Mətsi chò tò nshə̀ʼ alə̀, ghə̀ tyetə yi baʼlə fo wen no tsèm ə lù dyʉ̀ a jèʼ a loʼ tsen ghə̀ no kəghaf. Ne dyʉ̀ zaʼa tsu ə zhɨ ko wen tsu no tsèm.

Ŋwàʼlə̀ Luk 16:1

Yesò bè mò fətitì fə tsenfə à ndzɨ̀mtə̀sə bàm wen la, “Wù ghoʼo tsen nlù kìʼ wù shwèʼ a ghə̀ nghʉ la ghə̀ ntùʼmə̀ nə̀ ghoʼ wen. Tʉʼ layn, viʼi gàʼ à wen la wìʼ ayi byɨsə̀ fo wen tò kədyàŋ.

Ŋwàʼlə̀ Luk 16:18

“No məndo a ghə̀ dzɨ̀mə̀ wì wen ə làm ghə̀ kədyàŋ, ghə̀ kwaʼali soʼ làm. No wulɨm ko a ghə̀ lamə wùwì a ghə̀ fʉ̀ lam, mu ghə̀ be kwaʼa soʼ lam.”

Ŋwàʼlə̀ Luk 16:20

A ndiʼ alì, wu kəfem tsen be diʼ a və wen nə̀ Lazalùs, ghə̀ kiʼi tətsaʼa no tə ghoʼo à wen a wèn. Və nlù dyʉ̀ ghʉ wen a chʉ̀ kəbəŋ wu ghoʼo ghèn.

Kəmwetə 17:4

Wùwì ayì ə̀ ndìʼ mu ghə̀ mòʼ ndisə sə̀ bàŋə̀baŋə. Əwen ə wen nə̀ ndisə wen sə ndìʼ mu və shɨ̀tə̀ nə̀ ə̀fo a və shɨtə̀ nə̀ gul nə̀ ngùʼsə̀ ko toghə bènə̀ təfo tətotə. Ghə̀ ə̀ nkiʼ ə̀ ndoŋ à wen kəvu mu və shɨ̀tə̀ nə̀ gul ghə̀ diʼ mu ghə̀ ə lwin li tò nə̀ ənyʉ̀ byɨvə fansəvə nə̀ kəmɨ̀ŋ kə. Ənyʉ̀ avenə ndìʼ mbàʼsə a sə dìʼì tò ntsìnə̀ kəmɨ̀ŋ ə wen wenə̀ lʉmə.

Kəmwetə 18:16

“Kə fànsə̀, kə fànsə̀ à ntə̀ʼ ə ghoʼo ghèn! Ghə̀ tə̀ nlafə a ndisə ko toghə be chiʼtə̀ ə̀wen ə wen nə̀ mfɨŋsə mu və shɨ̀tə̀ nə̀ gul nə̀ ngùʼsə sə̀ jùŋə sə bènə̀ təfo təko.

Kəmwetə 18:7

Ando ghə̀ ə̀ nkuʼsə̀ ə̀wen ə wen be tsi a tì əghoʼ, ghə̀ŋ ku ngəʼ à wen alə̀ ghə̀ zhʉ əlɨ̀m. Ghə̀ ə̀ ngàʼà à wen ətyɨm la, ‘Mà dìʼ wì ə̀ fòyn, mà ko diʼ wùwì mpfʉ, mà ko dì əpfʉ.’