Ŋwàʼlə̀ Luk 15:7 - The New Testament in the Babanki language

⁷ Ma gàʼà ghə̀ŋ la kə lu ndiʼ tò alì a kaŋ. Saŋlə lu ndiʼ a kàŋ byìʼì wù ne nyʉ̀ byɨvə mùʼ a ghə̀ kwitə tyɨmə wen ə bwenə vi à Nyìngòŋ chò ando ghə̀ lu ndiʼ byìʼì viʼi və ghoʼvə vyi a və kwìʼtə la və ko bè diʼi kwitə tətyɨm tə vəwenə fa mbyɨsə.

Ŋwàʼlə̀ Luk 15:7 ပူးပေါင်းရင်းမြစ်များ

Matìyò 18:13

Mà gàʼà à ghə̀ŋ nəmwèʼè la, ghə̀ sətsèn kəŋ ə̀ yen, ghə̀ sə saŋlə̀ no a nkàyn byìʼì byi ayì mùʼ chò ando ghə̀ saŋlə̀ byìʼì sətsèn shi njʉ̀sə̀ abʉ̀muʼ a məwum abʉ̀muʼ a sə ko lè lì.

Matìyò 3:8

Ghə̀ŋ nè nyʉ a və diʼi la ghə̀ŋ kwitə li tətyɨm təŋtə fa mbyɨsə.

Ŋwàʼlə̀ Luk 15:10

Ma gàʼà ghə̀ŋ la wu ne nyʉ̀ byɨvə mùʼ sətsen kwitə tyɨm wen ə bwenə dyʉ̀ à Nyìngòŋ, ntsɨŋsə wen sə saŋlə̀ tò ndə̀ŋndəŋ.”

Ŋwàʼlə̀ Luk 15:29

Ghə̀ gàʼ à tìʼ wen la, ‘Yen la mà shyèʼè li à wù ngʉʼsə shə̀ʼ lo, kènla ma gàʼà kənyʉ̀, kènla ma taŋmə. Wù nko təmə ku tè no wye byi la mà bvaʼ yo viʼi ndoŋsə mò pfiʼ.’

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Ŋwàʼlə̀ Luk 15:6

ə pfwo dyʉ̀ dzàŋtə viʼi ndoŋsə wen bènə̀ viʼi vətsen vyi a və kɨ wen ə gàʼ à vəwenə la,‘Ghə̀ŋ vi vəghəŋ zhɨ kətsi kèn layn byiʼàndo ma yenli byi ghom a ghə̀ tə̀ lè, kənyʉ̀ a kèn sə bòŋ à mò no nànto’

Ŋwàʼlə̀ Luk 15:8

“Ghə̀ŋ be zhʉtə a! Wùwì tsen nkiʼi ko wen a ghə̀ nghʉ, tsen ghə̀ lè, ghə̀ à nè ghò? Gàʼa kò ghə̀ à dyàyn kənkàʼtə̀ ə zhès ngə̀ŋ wen ə tuʼtə kəŋ ko ayi əzaʼa fa zhʉ a ghə̀ a yen.

Ŋwàʼlə̀ Luk 16:15

Yesò mù gàʼ à vəwenə la, “A diʼ ghə̀ŋ vyi a ghə̀ŋ jèʼè diʼì a viʼi la ghə̀ŋ diʼ viʼi və jùŋ və, ali Nyìngòŋ kɨ tətyɨm təŋtə. No ghò a viʼi kwòʼtə̀ lyɨ̀ la à diʼ no kəfo diʼ tò kəfo kə tsoʼməkə à Nyìngòŋ.

Ŋwàʼlə̀ Luk 5:32

Mà ko vi ə tisə viʼi a və sə̀ kiʼi ntsìnə̀ tɨmə, mà vì byiʼ viʼi nè nyʉ̀ byɨvə ənè la vəwenə kwitə tətyɨm tə vəwenə.”

Lumans 7:9

Ma ə̀ ntsi ando mà ko tɨmə kɨ Əsoʼ ali əsoʼ ə lu vi no achʉʼ ə ko ma sə kòŋ no nànto ə nè mbyɨ, mu pfʉ.