Ŋwàʼlə̀ Luk 15:5 - The New Testament in the Babanki language

⁵ Ghə̀ ne yen, ghə̀ sə saŋlə no nànto. Ghə̀ byèʼè alə̀ ə ghʉ a wenə a mbyəʼsə

Ŋwàʼlə̀ Luk 15:5 ပူးပေါင်းရင်းမြစ်များ

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Ŋwàʼlə̀ Luk 15:4

“Wìʼ fà ghə̀ŋ yi nkiʼi byisə njɨ̀ ghɨ, ghə̀ muʼ le, ghə̀ a nè ghò? Gaʼa kò ghə̀ à ghʉsə sətsen shì njʉ̀sə̀ abʉ̀muʼ a məwum abʉ̀muʼ a tò ə jèʼè kəŋə ghə̀ muʼ yi tò kəŋə əzaʼa fa zhʉ a ghə̀ ne yen.

Ŋwàʼlə̀ Luk 15:6

ə pfwo dyʉ̀ dzàŋtə viʼi ndoŋsə wen bènə̀ viʼi vətsen vyi a və kɨ wen ə gàʼ à vəwenə la,‘Ghə̀ŋ vi vəghəŋ zhɨ kətsi kèn layn byiʼàndo ma yenli byi ghom a ghə̀ tə̀ lè, kənyʉ̀ a kèn sə bòŋ à mò no nànto’

Ŋwàʼlə̀ Luk 19:9

Yesò gàʼ à wen la, “Viʼi ngə̀ŋ a shə̀ bwoŋ li layn byiʼàndo nkàyntə̀ wen bè diʼ tò wàyn Ablaham.

Ŋwàʼlə̀ Luk 23:43

Yesò bwènsə̀ gàʼ a wen la “Nəmwèʼè, nəmwèʼè, ma shə̀ʼtə̀ à wù la wù a ndiʼ yowù layn a kəshi kəbwòŋ Nyìngòŋ.”

Joyn 15:11

“Mà shə̀ʼtə̀ nyʉ̀ venə a ghə̀ŋ ndi ghə̀ŋ kɨ saŋlə yì a ma kiʼi, a diʼ saŋlə mu ghə̀ lwin li kwʉ̀ʼ.

Efisyàns 2:10

Vəghəŋ diʼ alə̀ a diʼ kəvu kə shwèʼ ə Nyìngòŋ. A ndo vəghəŋ diʼ a kənyʉ̀ kə mùʼ vəghəŋ və Yesò Klistò, ghə̀ nshɨtə vəghəŋ la vəghəŋ ntsi ntsìnə̀ ə jùŋ yì a ghə̀ nsə diʼ mù ghə̀ ə baʼtə̀ li ghʉ̀ la vəghəŋ ntsi.

Efisyàns 3:7

Ma ə nzìtə̀ shə̀ʼtə̀ ə ntɨm ə jùŋ a ghèn mu à ku Nyìngòŋ əku kədyòʼ kə wen la mà nè. Nyìngòŋ ne alə̀ byìʼì ətyɨm ə jùŋə ghə̀ ə wen.

1 Tèsàlonyà 1:5

byìʼì ando yes ə ko ə ziʼi ntɨm ə jùŋ kumə Yesò Klistò a ghə̀ŋ to fa chʉ̀. Yes ə diʼi nyʉ̀ ə kaynə və vi a kəzhwì kə Ŋwoʼkə nè a ghə̀ŋ. Ghə̀ ngaʼa kənyʉ̀, kɨ to no la kə diʼ nəmwèʼè. Ghə̀ŋ kɨli ando yes ə ntsi a ghə̀ŋ a ntìntìn. Ntsìnə̀ a ghèn ndiʼ ə nè la ghə̀ŋ ziʼi kənyʉ̀.

2 Timotì 2:26

Vəwenə sə dìʼ mu və fəŋ li a kətam nə̀ Deblə̀ ə sə ə ne ə shwèʼ ə wen, alì mu Nyìngòŋ zi ghə̀ ne tə tof tə vəwenə bwenə vi, vəwenə nyɨŋ fʉ̀ fa kətam a ghèn.

Hibùlù 12:2

Vəghəŋ tom a shɨ ə vəghəŋ to wen Yesò. A diʼi wen a ghə̀ bʉ̀ʼ ji əbyɨmə ə vəghəŋ, a be diʼ to wen a ghə̀ tisə əbyɨmə na yi dyʉ̀ zàʼa a kəmwètə. Ghə̀ mbyɨmə li ə pfʉ a kəntò kò kətʉ kə wen ndiʼi byìʼì nki pfʉ na ghèn byìʼì ando ghə̀ nkɨ li la à na diʼ fa yi bàm, a ghə̀ nsaŋlə̀. Ghə̀ diʼ luwen, nyʉ̀ʼ a kwoŋ ə toghə a benə kəkɨ kə təfòyn yi a Nyìngòŋ ə nyʉ̀ʼ tsu.

1 Bità 1:5

Nyìngòŋ ə kəŋə ghə̀ŋ nə̀ kədyòʼ kì a ghə̀ kiʼi. Ghə̀ ne kəŋə byìʼì ə byɨmə ə ghəŋə, ghə̀ŋ diʼ lù kiʼi əbwòŋ yì a ghə̀ baʼtə̀ li ə lu ku a ghə̀ŋ a ndayn a tʉʼ bàm.