Ŋwàʼlə̀ Luk 15:24 - The New Testament in the Babanki language

²⁴ Wyè ghom ghèn dìʼ alə̀ mà tə sə ghʉ tò la ghə̀ bwenə vì.’ Vəwenə mù zìtə̀ sə zhɨ saŋlə.

Ŋwàʼlə̀ Luk 15:24 ပူးပေါင်းရင်းမြစ်များ

Matìyò 8:22

Yesò gàʼ à wen la, “Vì tò vì ə ghʉsə viʼi və pfʉkə və, vəwenə mbvɨ̀mə̀ viʼi və pfʉkə və.”

Ŋwàʼlə̀ Mak 8:22

Yesò wenə̀ ndzɨ̀mtə̀sə bàm wen nè vì a Betsadà, viʼi vətsenvə vì nə̀ wìʼ à wen mu ghə̀ shɨfə̀li li sə sensə̀ la ghə̀ kum ə wen.

Ŋwàʼlə̀ Luk 10:19

Ghə̀ŋ kɨ la mà kuli adyòʼ à ghə̀ŋ a ghə̀ŋ zì ghə̀ŋ tùʼlə̀ zhusə nə̀ təŋam be nku kədyòʼ la ghə̀ŋ to chò viʼi kəbàyn, ghə̀ŋ no a jisə tsèm, kò no kəfo kə a lyomsə ghə̀ŋ.

Ŋwàʼlə̀ Luk 15:23

ghə̀ bè gàʼ à vəwenə la ‘Ghə̀ŋ nè ghə̀ŋ vi nə̀ kəzoʼ kə nàym ki a kə ghoʼ no nkàyn ə tìntə, vəghəŋ zhɨ kətsi kènkə layn ə saŋlə.

Ŋwàʼlə̀ Luk 15:25

“Kənyʉ̀ a kèn nlyɨ̀ kəshi, wàyn wen to diʼ a sɨm. Ghə̀ sə pfwo boʼsə vi à vəwenə chʉ̀ ngə̀ŋ ə zhʉ ando və zhɨmə ndzàŋsə bè bʉʼ fo.

Ŋwàʼlə̀ Luk 15:32

Kə yì boŋ la mà nè kəzhɨ kə ghoʼkə kèn byiʼàndo, kə tə̀ sə kə̀ʼə̀ la lèmə̀ wù ghèn tə pfʉ, alì ghə̀ sə diʼ a shə̀ luwen diʼ tò no to. Mà tə sə diʼ mu mà ghʉli la ghə̀ leli alì ghə̀ bwènə̀ vi. Wu lè gàʼ a vəghəŋ ko yi ndiʼ saŋlə a?’”

Ŋwàʼlə̀ Luk 15:4

“Wìʼ fà ghə̀ŋ yi nkiʼi byisə njɨ̀ ghɨ, ghə̀ muʼ le, ghə̀ a nè ghò? Gaʼa kò ghə̀ à ghʉsə sətsen shì njʉ̀sə̀ abʉ̀muʼ a məwum abʉ̀muʼ a tò ə jèʼè kəŋə ghə̀ muʼ yi tò kəŋə əzaʼa fa zhʉ a ghə̀ ne yen.

Ŋwàʼlə̀ Luk 19:10

Wàyn Wìʼ nvi ə kəŋ viʼi vyì a və lè li əbwòŋsə̀ vəwenə.”

Ŋwàʼlə̀ Luk 9:60

Yesò gàʼ à wen la, “Ghʉsə, viʼi və pfʉkəvə bvɨ̀mə̀ viʼi və pfʉkəvə, alì fà wù, wu nshə̀ʼtə̀ dyʉ̀ nə̀ soʼgho kùmə̀ soʼ fòyn Nyìngòŋ.”

Joyn 11:25

Yesò ə gàʼ a wen la, “A lusə mò lusə viʼi fa pfʉ̀, ku kədyòʼ la və tsi. A byɨmə no ndò a mò, pfʉ tèbe pfʉ, ghə̀ ne bwensə lù ntsi.

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.

Lumans 11:15

A ndiʼ ando Nyìngòŋ ə maʼa vəwenə, ghə̀ baʼtə̀ ntsìnə̀ wenə viʼi mbyi vətsenvə. Ghə̀ sətsen bwensə lyɨ̀ vəwenə luwen, kə ne diʼ no ale a, kə ne diʼ la ghə̀ lùsə li viʼi fa pfʉ.

Lumans 12:15

Viʼi sə saŋlə, ghə̀ŋ ə boŋ saŋlə ghə̀ŋ vəwenə, viʼi ə kusə shinsə, ghə̀ŋ mbe kusə shinsə ve vəwenə.

Lumans 6:11

Kə le diʼi la ghə̀ŋ diʼ ə lyɨ̀ la ghə̀ŋ boŋ li pfʉ a mbyɨ, ko mbyɨ ə be kiʼi kənyʉ̀ kətsen kə ə nè kumə ghə̀ŋ, vye və Yesò Klistò na ə tsi luwen ə kùʼsə to Nyìngòŋ.

Lumans 6:13

Kə ghə̀ŋ ne moʼtə kəshi kə wen ə ghə̀ŋ no to kə muʼ la ghə̀ ne mbyɨ. Kə ghə̀ŋ moʼtə kəshi kə wen kətsen ə ndiʼ kəfo kəshyèʼ a nyʉ̀ ə byɨvə. Ghə̀ŋ boŋsə ku mwetə təwen ə tyəŋtə a Nyìngòŋ to nə̀ viʼi vyi a və lùsə li vəwenə fa pfʉ, və sə tsi. Ghə̀ŋ ku mwetə təwen ə təŋtə a Nyìngòŋ ə ndiʼ əfo əshyèʼ ə nyʉ̀ tɨməvə.

Lumans 8:2

Kə diʼ alə̀ byìʼì ando kəzhwì ki a kə ne la viʼi ntsi chò fa Yesò Klistò boŋ li ne la kə mbyɨ nə̀ əpfʉ̀ ə be kiʼi kənyʉ̀ kumə mò.

1 Kolìntyàns 12:26

Kəbàs kə əwèn kə mùʼ kə sətsen nə̀ kiʼ ngəʼ, a əbàs əwen ə tsèm ne ntsèntə̀ diʼ to a ngəʼ. Və sətsen ə bwomsə kəbàskə əwen kə mùʼ, a əbàs əwen ə tsèm ne saŋlə to saŋlə.

Efisyàns 2:1

Ghə̀ŋ diʼ alə̀ mu ghə̀ŋ ndi sə ghə̀ phɨkə li a ghə̀ŋ kəzhwì byìʼì mbyɨ nə̀ nyʉ̀ ə byɨvə vyi a ghə̀ŋ nè.

Efisyàns 2:5

No tebe ando yes ə ndiʼ sə vəghəŋ ə mpfʉ li byìʼì mbyɨsə vəghəŋ, ghə̀ nku li ntsìnə̀ a vəghəŋ ando vəghəŋ ndiʼ vəghəŋ və Yesò Klistò. Nyìngòŋ ə bwoŋsə ghə̀ŋ byìʼì ətyɨm ə jùŋə yi a ghə̀ kiʼi.

Efisyàns 5:14

Kə diʼ alə̀ byìʼì ando à nè əbayn nè ənyʉ̀ byɨvə və kə̀ʼə̀ a ndayn. A le kənyʉ̀ ki a kə ne və ə gàʼ la: “Wu bʉnə lù fa mbinsə. Lu fa pfʉ̀ ndi əbaynə Klistò əbayn a wù.”

Kòlòsyàns 2:13

A ndiʼ fa ambì, ghə̀ŋ ndiʼ mù ghə̀ŋ phɨkə li a ghə̀ŋ a mbyɨsə, be diʼ ko andiʼ la və shisə ətyɨm ə byɨghə yi a ghə̀ŋ nkiʼi. Nyìngòŋ ə nè li ghə̀ŋ və Yesò ə bwènsə̀ lù ə sə tsi. Ghə̀ lysə li ku nyʉ̀ ə byɨvə ə vəghəŋ to ə tsèm,

1 Timotì 5:6

Wùwì mphʉ yi a ghə̀ mwòmsə ə nzhɨ tò əwen ə wen sə dìʼ mu kəzhwì kə wen kə pfʉ li no te ando ghə̀ bu jèʼè.

Ŋwàʼlə̀ Jud 1:12

Ghə̀ŋ ŋwʉ̀ʼmə ə zhɨ̀ fozhɨvə ntsentə ə ghə̀ŋ, viʼi a venə ə sə diʼ to nə̀ kəməŋkə a ghə̀ŋ a ntìntìn, kò tʉ vəwenə lu ndiʼì. Vəwenə diʼ to nə̀ ntsɨŋsə byisə a vəwenə tuʼmə to nə̀ təwen tə vəwenə. Vəwenə ə diʼ to nə̀ mboʼsə a təfwof tə nə̀ tenə, ə chò ali ko sə lu vi tebè nə̀ ghʉ. Vəwenə dì to nə̀ nkòʼ mə ashɨ a zhʉ kwʉʼʉ, ko mə lu kumə ashɨ. Vəwenə ə diʼ to nə̀ nkòʼ a və tsuʼtə li aghaŋ ayi fa nse, mə pfʉkə.

Kəmwetə 3:1

Nyòʼo à ntsɨ̀ŋ ə̀ ngə̀ŋ Nyìngòŋ a ghə̀ diʼì a ntsèntə̀ viʼi və byɨməvə a Saldìs la: Wìʼ yì a ghə̀ kiʼì əzhwi ə Nyìngòŋ vi sòmbo be kiʼ mədzɨ̀ŋ mì sòmbo gàʼ la, Mà kɨ əshwèʼ ghəŋə. Viʼi ə yenə ghə̀ŋ la ghə̀ŋ dìʼ vəto, alì mu ghə̀ŋ ə pfʉkə li kəzhwì.