Ŋwàʼlə̀ Luk 14:27 - The New Testament in the Babanki language

²⁷ No məndò a ghə̀ sətsèn faŋ ke byèʼè kəntò kə wen ə dzɨ̀mtə mo, ghə̀ zì kò ghə̀ lə ndiʼ ndzɨ̀mtə̀ bàm ghom.

Ŋwàʼlə̀ Luk 14:27 ပူးပေါင်းရင်းမြစ်များ

Matìyò 10:38

A wʉ̀sə no ndo ke bwèʼè kəntò kə wen ə dzɨ̀mtə̀ mò, ko ghə̀ lə kwʉʼ ə ndiʼ ndzɨ̀mtə̀ ghom.

Matìyò 13:21

Wìʼ yì a ghə̀ zhʉ kənyʉ̀ kə Nyìngòŋ, kò kə lə kiʼi aghaŋ, ghə̀ byɨmə to fəntemnə̀ fə zhʉ. Ngəʼ nè vì ko və tsuʼ aghʉ wen byìʼì gaʼa Nyìngòŋ no a zhʉ̀ kò ghə̀ fəŋ fa wen a byɨmə.

Ŋwàʼlə̀ Mak 10:21

Yesò ki wen alə̀ nə̀ kòŋə mù gàʼ à wen la, “kənyʉ̀ kə mùʼ kə diʼ a wù ko təmə̀ nè. Dyʉ̀ baʼlə fo vyə no tsèm ə̀ ku ko yi à viʼi kəmfem, ndi lu kiʼi ghoʼo a kàŋ. Wù nè a lì, wu vì ə̀ dzɨ̀mtə̀ mò.”

Ŋwàʼlə̀ Mak 15:21

Vəwenə sə ndyʉ̀ a ji ə̀ yen wutsen a və ndzàŋə̀ nə̀ Simon andiʼ wù Silen, mu ghə̀ lù fa tì loʼ a shi təsɨm sə bwènə̀ pfwo. (Simon a ghèn ndiʼ tìʼì Alèksandà wenə̀ Lufùs.) Vəwenə kàyn la ghə̀ byeʼe kəntò kə Yesò.

Ŋwàʼlə̀ Luk 14:28

No məndo a ghə̀ŋ a ntyìntyìn sətsèn mù nkəŋ bwom ngə̀ŋ ghoʼo ə faŋ ke shiʼi ŋwʉʼʉ ə kyitə ə lye la gàʼa yi kiʼ ki a ji a yi ne myètə kəmbwom akyì tsu lo?

Joyn 19:17

Ghə̀ byèʼè kəntò kə wen to fa wen a ngeŋ ə lyɨ̀ dyʉ̀ nə̀ kəwenkə akəshi yi a və toŋtə la kəwuʼlə̀ kə Kətʉ, və toŋtə kəshi na kì a gaʼa ə Hibùlù la, “Golgotà.”

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

2 Timotì 1:12

A lə kənyʉ̀ ki a ma yen ngəʼ byìʼì kəwenkə, alì ken la ma ndiʼsə kətʉ byiʼ ando ma kɨ kɨ la ghə̀ tùʼmə̀ nə̀ mò ə zaʼa a kətsi a ghə̀ lu bwenə ə vi.

2 Timotì 3:12

Mà gàʼà nəmwèʼè la, no ndo a ghə̀ sətsèn ə kòŋ ə ntsi ntsìnə̀ Nyìngòŋ, dzɨ̀mtə̀ Yesò Klistò, mu viʼi ne nku ngəʼ à wen.