Ŋwàʼlə̀ Luk 14:23 - The New Testament in the Babanki language

²³ Alì ti shyèʼ wen be gàʼ à wen la, ‘Fʉ dyʉ̀ a ntə̀ʼ a məjìtə mə təsɨm bènə̀ a woŋ a wù a yen ngi tsu tò nə̀ venə ə nè vəwenə vi ndi ngə̀ŋ ghom lwin.

Ŋwàʼlə̀ Luk 14:23 ပူးပေါင်းရင်းမြစ်များ

Matìyò 21:43

Ghə̀ŋ be ko təmə̀ ndzàŋ kəshi akènkə? Byìʼì ntsìnə̀ ghə̀ŋ aghèn, “Mà gàʼà a ghə̀ŋ la və lu shi soʼ Fòyn Nyìngòŋ fa ghə̀ŋ, ə ku a viʼi vyi a və kumə ashɨ.

Matìyò 5:41

Wìʼ ghaʼ wù a kədyòʼ la wù byèʼè kəmbò kə wen ə jèʼ mal muʼ, wù byèʼè wu jèʼè və mal və bò.

Ŋwàʼlə̀ Luk 14:22

Wu shyèʼ ayi dyʉ̀ ə bwènə̀ vì ə gàʼ wen la, ‘Tìʼ ma nèli ando wù yì gàʼ alì ngə̀ŋ ko təmə lwin.’

Ŋwàʼlə̀ Luk 14:24

Mà gàʼ à ghə̀ŋ la, no wìʼ fa ntìntìn viʼi vyi a ma tə̀ laʼà vəwenə nyiŋkəli a mwòm kəfo kəzhɨkə mò.’”

Ŋwàʼlə̀ Luk 24:29

ali vəwenə sensə̀ wen la ghə̀ ndiʼi we vəwenə nətʉ̀ ayì ando zhʉ̀ ndyʉ̀ li ə shi sə fenə̀.

Shwèʼ 16:15

Və ku mu à wen bènə̀ à viʼi vi a wenə̀ vəwenə ntsi a muʼu. Ghə̀ mù gàʼ à yès la, “Ghə̀ŋ vi lì ntsi a mò a ngə̀ŋ, ando ghə̀ŋ yen li la mà byɨmə li nəmwèʼè à Bobo lə̀.” Ghə̀ faŋ ə̀ sə̀ sensə̀ yès tò sensə, yès kaʼa dyʉ̀.

Shwèʼ 18:6

Ando vəwenə ntensə kənyʉ̀ kì a ghə̀ ngàʼà be telə̀ wen, ghə̀ bwèn dzèm wen à vəwenə ə̀ gàʼ la, “Ghə̀ŋ sətsèn nè kənyʉ̀ kènkə alə̀, Nyìngòŋ maʼa ghə̀ŋ, mu à diʼi nsoʼ ghə̀ŋ, mu kəvu komkə ko à ndiʼ tsu. Mà lì a ghʉsə ghə̀ŋ luwèn ə̀ dyʉ̀ nshə̀ʼtə̀ ntɨm jùŋ aghèn à viʼi tɨmə.”

Shwèʼ 28:28

Bol sə ə̀ mèsə̀ dyʉ̀ ə̀ gàʼ la, “Ghə̀ŋ ə lì dìʼi kɨ la ntɨm jùŋ byìʼì bwòŋ a Nyìngòŋ kìʼ à viʼi dìʼ mu və tɨm li à viʼi tɨm, vəwenə diʼ zhʉ!”

Shwèʼ 9:15

Bobo gàʼ à Ananyàs la, “Dyʉ̀ tò dyʉ̀ byìʼàndo ma tsuʼ li wen la ghə̀ shyèʼ à mò ə nè la viʼi tɨm nə̀ təfòyn tə bènə̀ viʼi Islel, kɨ mo.

Lumans 10:18

Ma sətsen ə bèm la, kə le diʼ la viʼi Jus ko zhʉ̀ kənyʉ̀ kə Nyìngòŋ mu? Vəwenə zhʉ li to no zhʉ, to ndə̀ŋndəŋ ando və nyoʼ li a Ŋwàʼlə̀ Nyìngòŋ la: “Və zhʉ li gɨsə nshə̀ʼtə̀sə to shì ə tsèm a mbi. Vəwenə shə̀ʼtə̀ li kənyʉ̀, və zhʉ to tətàŋ tə mbi tə tsèm.”

2 Kolìntyàns 5:11

Yès ə fwaynə Bobo byìʼì ando və kɨli la kə bòŋ la və nfwaynə wen. A le kənyʉ̀ ki a yès ə sensə viʼi la və vi a wen. Nyìngòŋ kɨ no tèbe ghò kumə yès, ma be kwoʼtə la ghə̀ŋ be shətə kɨ yès a ghə̀ŋ a tətyɨm.

2 Kolìntyàns 5:20

A lə ji yì, a yès lyɨ kəshi kə Yesò, Nyìngòŋ sə gàʼà chò fa yès. Yès sensə ghə̀ŋ a əzhiʼ ə Yesò la ghə̀ŋ baʼtə̀ ntsìnə̀ shəŋsə wyè və Nyìngòŋ.

2 Kolìntyàns 6:1

A nə̀ viʼi a və shwèʼè wenə və Nyìngòŋ amuʼ, yès ə sensə ghə̀ŋ la ando Nyìngòŋ ə diʼ li ə boŋ tyɨm ə wen a ghə̀ŋ lə, kə ghə̀ŋ a nè ə boŋ tyɨm ə wen a ghenə lè to kədyàŋ.

Kòlòsyàns 1:23

Kə ne ndiʼ ali a zhʉ ghə̀ŋ tuʼtə ghaʼ əbyɨmə a yi la ghə̀ ntò to tò. Kə ghə̀ŋ moʼtə kənyʉ̀ kə nə̀ʼsə̀ kwoʼtə yi a ghə̀ŋ kiʼi byìʼì ntɨm ə jùŋ yi a ghə̀ŋ tə zhʉ li. Nò mò Bol diʼ wù ə shwèʼè Klistò, shə̀ʼtə̀ to ntɨm jùŋ na ghèn, a diʼ wen yì a və sə diʼ mù və nshə̀ʼtə̀ li no a viʼi və tsèm a mbi.

Kòlòsyàns 1:28

A le kənyʉ̀ ki a yes ə shə̀ʼtə̀ ntɨm kumə wen, ku kətyiftə be ziʼi viʼi və tsèm nə̀ ətof ə tsèm ə, ndiʼ yès ne vəwenə nə̀ diʼ wenə Klistò amuʼ ə vi ashɨ Nyìngòŋ to nə̀ viʼi a və ti a kayn.

2 Timotì 4:2

wù ə nshə̀ʼtə̀ ntɨm ə jùŋ à viʼi no mənzhʉ̀ ntsèm. Wù nshə̀ʼtə̀ tò shə̀ʼtə̀ kò viʼi ə kòŋ ə zhʉtə, kò və faŋ ke kòŋ. Wù diʼi laynsə kənyʉ̀ ki a viʼi ə nè byɨsə, ə gàʼ la kə vəwenə bè nè, ə sensə la vəwenə ə nzhʉ ənyʉ̀ a venə. Wù sə ə ziʼì vəwenə, wù ə shɨtə ziʼi nə̀ ətyɨm ə zhʉtə ghə̀.