Ŋwàʼlə̀ Luk 14:21 - The New Testament in the Babanki language

²¹ Wù shyèʼ ayì bwènə̀ pfwo ə shə̀ʼtə̀ nyʉ̀ na vènə à ti shyèʼ wen, tyin wen fwi, ghə̀ gàʼ à wàyn ayì la, ‘Zaŋsə fʉ̀ ə dyʉ̀ a jisə tosə nə̀ sə tyetəsə a ntə̀ʼ ə boŋtə viʼi kəfem, nə̀ viʼi a və ŋàŋlə ŋàŋlə, nə̀ viʼi kənfyɨf bènə̀ vi ngesə̀ fwen vyi a və diʼ tsu ə vi nə̀ vəwenə.’

Ŋwàʼlə̀ Luk 14:21 ပူးပေါင်းရင်းမြစ်များ

Matìyò 11:28

“Ghə̀ŋ vi a ghə̀ŋ byèʼè ngəʼsə be shyèʼ mbwaʼkə, ghə̀ŋ vi à mò a mà ne ghə̀ŋ zhʉ̀tə.

Matìyò 11:5

Nfyɨ̀f bwènsə̀ yenə shi, və ngesə̀ fwen jèʼè tò a nkàyn, viʼi kənsòtə̀ to, mpfʉ sə tʉ sə zhʉ shi, və bwènsə̀ lùsə̀ viʼi vəpfʉkəvə, be shə̀ʼtə̀ ntɨm jùŋ a viʼi a və femə.

Matìyò 15:12

Ndzɨ̀mtə̀sə bàm wen sə nè gàʼ a wen la, “Wù yì gàʼ a lì viʼi Falàsi sə fwisə tin.”

Matìyò 18:31

Viʼi shwèʼ vətsenvə vi nè yèn kənyʉ̀ akì kò kə lù bòŋ à vəwenə no a mpfen. Vəwenə bwènə̀ dyʉ̀ shə̀ʼtə̀ à fòyn yì a vəwenə nshwèʼè à wen lì.

Matìyò 20:7

Vəwenə gàʼ la,“A dìʼ byìʼàndo wìʼ ko yì lyɨ̀ yès a shwèʼ. Ghə̀ gàʼ à vəwenə la vəwenə fʉ shwèʼ a wen ə sɨm yì.”

Ŋwàʼlə̀ Luk 14:13

Wù kyè kənyʉ̀ kyə̀ kə, wu bòŋsə laʼà viʼi kəfem nə̀ viʼi a və ŋàŋlə, nə̀ viʼi kənfyɨf bènə̀ və nlàʼfwen.

Ŋwàʼlə̀ Luk 14:20

Ghə̀ sə dyʉ̀ à wutsen, ghə̀ gàʼ la,‘Ma ko vì byìʼàndo ma bu lan wì ghom tò lamə.’

Ŋwàʼlə̀ Luk 14:22

Wu shyèʼ ayi dyʉ̀ ə bwènə̀ vì ə gàʼ wen la, ‘Tìʼ ma nèli ando wù yì gàʼ alì ngə̀ŋ ko təmə lwin.’

Ŋwàʼlə̀ Luk 14:24

Mà gàʼ à ghə̀ŋ la, no wìʼ fa ntìntìn viʼi vyi a ma tə̀ laʼà vəwenə nyiŋkəli a mwòm kəfo kəzhɨkə mò.’”

Ŋwàʼlə̀ Luk 24:47

bènə̀ la və a shə̀ʼtə̀ kənyʉ̀ kə Nyìngòŋ ndì viʼi wen azhiʼ no tə loʼ tə̀tsèm əzìtə̀ fa Jelusalèm Nyìngòŋ lyesə ku mbyɨsə vəwenə.

Ŋwàʼlə̀ Luk 9:10

A ndiʼ ando viʼi ntɨm Yesò mbwènə̀ pfwo vì a wen ə shə̀ʼtə̀ no ghò a vəwenə nèli, ghə̀ lyɨ̀ vəwenə, wenə vəwenə ghʉsə viʼi ə dyʉ̀ jì fa ntə̀ʼ tsen a və dzàŋ la Betsadà.

Joyn 9:39

Yesò ə mu gàʼ a wen la, “Mà vi a mbyi ashə ə làynsə a shɨ viʼi, ə nè la viʼi və fyɨfkəvə ə yenə, viʼi a və yenə, kə və be yenə.”

Hibùlù 13:17

Ghə̀ŋ nzhʉ to fa viʼi vyi a və tisə ghə̀ŋ, kə ghə̀ŋ nə̀ to kətʉ a vəwenə. Vəwenə tuʼmə nə̀ ghə̀ŋ, diʼ lù taŋ əchʉ̀ vəwenə a Nyìngòŋ kumə shwèʼè a ghenə. Ghə̀ŋ sətsen ə̀ nzhʉ to fa vəwenə, kə a gyàmtə̀ vəwenə nè shwèʼè nə̀ saŋlə, kə be a boŋ ə gyàmtə̀ ghə̀ŋ.

Hibùlù 2:3

Kə lə diʼi la, ando vəghəŋ sə diʼ mù və zhʉ li kənyʉ̀ kumə əbwoŋə ə kaynə ghə̀ yì a Nyìngòŋ ə ku lə, vəghəŋ sətsen faŋ ke zhʉtə, ko vəghəŋ lu ə nyɨŋ ngəʼ yì a Nyìngòŋ ə diʼ lù ku. Ntɨm a ghèn diʼ mu à nshə̀ʼtə̀ to no Bobo a ambì, viʼi vyi a və nzhʉ ə ndiʼ li làynsə a yès la ghə̀ diʼ to no nəmwèʼè.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

Kəmwetə 19:15

Ə nyì ngwələŋ tsen fʉ̀ fa wen əchʉ̀, lyɨmə no nànto, ghə̀ diʼ ə soyn ə zhɨ təloʼ tətsèm nə̀ wen. Ghə̀ ne ə̀ nsoʼo vəwenə kədyoʼkə, ghə̀ ne jèʼ ə tùʼlə vəwenə dìʼ tin ə fwi ə̀ Nyìngòŋ ə Tìʼ àdyoʼ ətsèm.

Kəmwetə 22:17

Kəzhwì kə Ŋwoʼkə wenə Wi We Njɨ̀ nə̀ gàʼa la, “Vi a Bobo Yesò.” Nò ndo yi a ghə̀ zhʉ kənyʉ̀ kènkə nə̀ diʼ to mə ə gàʼ la, “Vi a Bobo Yesò.” Ətoŋ a mu nə̀ zɨmtə no ndo, ghə̀ vi. Ghə̀ nə̀ koŋə, ghə̀ shi mu mì a mə nè viʼi tsi ko andiʼ la ghə̀ loʼ no kəfo.