Ŋwàʼlə̀ Luk 14:11 - The New Testament in the Babanki language

¹¹ No ndo a ghə̀ kuʼsə wenə wen a kàŋ, Nyìngòŋ lu shisə wen, ə no ndo a ghə̀ shiʼsə wenə wen, Nyìngòŋ ne kuʼsə wen a kàŋ.”

Ŋwàʼlə̀ Luk 14:11 ပူးပေါင်းရင်းမြစ်များ

Matìyò 23:12

No məndò a ghə̀ kuʼsə̀ wenə wen Nyìngòŋ nè a shìʼsə wen, no məndò a ghə̀ gumlə̀, Nyìngòŋ ne kuʼsə wen.”

Ŋwàʼlə̀ Luk 1:51

Ghə̀ diʼi li kədyòʼ nə̀ kwoŋ wen ə sàs viʼi ghaŋsə wen bènə̀ təkwòʼtə̀ tə vəwenə.

Ŋwàʼlə̀ Luk 1:52

Ghə̀ shiʼsəli təfòyn tə ghoʼokətə fa vəwenə a fòyn, ə kuʼsə viʼi və zɨmvə.

Ŋwàʼlə̀ Luk 14:12

Yesò bwènsə̀ ə gàʼ à wìʼ yì a ghə̀ nlaʼà wen la,“Wù sə nlaʼà viʼi la və vi à wù a kənyʉ̀ no a zhʉ kò kə wù a laʼà ndoŋ shəsə ko vəlèmə vyə lo viʼi ngwaʼ wù nə̀ viʼi və ghoʼkə və vyi a ghə̀ŋ vəwenə tsi boʼsə, byìʼàndo vəwenə ne lyɨ̀ kənyʉ̀ kə vəwenə be laʼà wù, ə kəfo a wù nku à vəwenə a wù a kənyʉ̀ vəwenə zhɨ vəwenə bwènsə̀ lòʼ à wù.

Ŋwàʼlə̀ Luk 18:14

Mà shə̀ʼtə̀ a ghə̀ŋ la wìʼ a ghèn nlù sə pfwo zaʼa à wen ngə̀ŋ mu Nyìngòŋ tsəʼsəli mbyɨsə wen, ali kèn la ghə̀ tsəʼsəli mbyɨsə wu Falàsi yì. No məndo a ghə̀ kuʼsə wenə wen, Nyìngòŋ lu shiʼsə wen, alì no ndo a ghə̀ shiʼsə̀ wenə wen a nsè, Nyìngòŋ lu kuʼsə wen.”

Jems 1:9

Wu byɨmə a ghə̀ femə diʼ ə nànə̀ la Nyìngòŋ ghʉ li wen a kəshi kə ŋaŋtəkə,

Jems 4:10

Ghə̀ŋ nshiʼsə təwen təŋtə a shɨ Bobo a ghə̀ a kuʼsə ghə̀ŋ a kàŋ.

Jems 4:6

Alì boŋə tyɨm ə̀ wen à vəghəŋ ə kwi dyʉ̀ tò nə̀ mbì. Ŋwàʼlə̀ Nyìngòŋ ə mu sə gàʼà la, “Nyìngòŋ ə ko kòŋ viʼi a və kuʼsə̀ təwen tə vəwenə, alì kiʼ boŋə tyɨmə à viʼi a və shiʼsə̀ təwen tə vəwenə.”

1 Bità 5:5

Mbvòʼò ə wìʼ, ghə̀ŋ ə be zhʉ to fa vəchəʼ və ngə̀ŋ Nyìngòŋ. Ghə̀ŋ nò vətsèm mòʼ gumlə a ghə̀ŋ wèn a nə̀ ndisə ə gumlə təwen ə təŋtə. Ghə̀ŋ kɨli la Nyìngòŋ ə baynə viʼi vyi a və ghaŋsə əwen, ali tùʼmə̀ nə̀ viʼi a və shiʼsə təwen tə vəwenə.

1 Bità 5:6

Ghə̀ŋ ə shiʼsə təwen ə təŋtə a tyi kədyòʼ ə Nyìngòŋ ndi zhʉ̀ lù kwʉʼ, ghə̀ lùsə ghə̀ŋ.