Ŋwàʼlə̀ Luk 13:33 - The New Testament in the Babanki language

³³ Yesò bè mù gàʼ à viʼi la, “Ando diʼ alə̀, ma diʼi dyʉ̀ tò nə̀ mbì layn nə̀ boʼòngə̀ŋ, bènə̀ boʼòngə̀ŋ tsen yi, ndi zaʼa a Jelusalèm byiʼ ando və diʼi zhwi nshə̀ʼtə̀ ghoʼo tò Jelusalèm.

Ŋwàʼlə̀ Luk 13:33 ပူးပေါင်းရင်းမြစ်များ

Matìyò 20:18

“Ghə̀ŋ zhʉtə a! vəghəŋ kuʼu dyʉ̀ a Jelusalèm luwèn. Adìʼ zhʉ a və a dyʉ̀ ku Wàyn Wìʼ à tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ la vəwenə chòsə̀ soʼ la və zhwi wen.

Matìyò 21:11

Viʼi vi bwènsə̀ la, “A dìʼ Yesò nshə̀ʼtə̀ ghoʼo yì a ghə̀ lù fa ntə̀ʼ Nazalèt a loʼ Galìlì.”

Ŋwàʼlə̀ Luk 9:53

Alì viʼi Sàmalitàn tyen la vəwenə ko shìsə Yesò byìʼàndo kə ndiʼ nəmwèʼè la ghə̀ nkəŋ dyʉ̀ tò a Jelusalèm.

Joyn 11:54

Yesò ə yen ali ko ghə̀ be kwen tebè kəshi a zizi viʼi Jus yenə wen tsu, ə boŋsə nyɨŋ dyʉ̀ a ntə̀ʼ tsen, və toŋtə la Efèlèm, ashə lòʼ ə lo tseghə, boʼsə a nse zɨm, ə sə tsi tsu wenə ndzɨ̀mtə̀sə bàm wensə.

Joyn 11:9

Yesò ə bèm a vəwenə la, “A kətsi kə ə kiʼi təzhʉ njʉ̀sə̀ bò? Wìʼ ə zizi ko ghə̀ lu kòyntə, jèʼ nə̀nchwì byìʼàndo ghə̀ nyenə wìʼ yi a ghə̀ kù əbayn a mbyi.

Joyn 12:35

Yesò ə mu gàʼ a vəwenə la, “Ghə̀ŋ na bo kiʼi əbayn to a fəshinə fə zhʉ̀ alə. Ghə̀ŋ ə jèʼè, shì ə bo baynə, kə kəbəŋ kə fenəkə na tyin ghə̀ŋ. Wìʼ ə jèʼe a kəbəŋ kə fenəkə, ko ghə̀ lu yenə la ghə̀ dyʉ̀ fè lo?

Joyn 4:34

Yesò ə gàʼ vəwenə la, “ə fozhɨvə ə mò ə diʼ tò la ma ə ne shwèʼè yì a Nyìngòŋ a ghə̀ tɨmə mo ə kòŋ, ə ne ə mwètə̀ shwèʼè a ghenə.

Joyn 9:4

Vəghəŋ diʼ ə nè to shyèʼ ə wìʼ yì a ghə̀ tɨmə mo, a zhʉ kəbəŋ kə bo baynə byìʼàndo kəbəŋ kə sə fenə vi, a diʼ əzhʉ̀ mu wìʼ zizi ko ghə̀ lu be shyèʼ kənyʉ̀ tsu.

Shwèʼ 10:38

Ghə̀ŋ ə be kɨ ando Nyìngòŋ nlù tsuʼ ə̀ ghʉ̀ Yesò ə wù Nazalèt ə̀ kù Kəzhwì kə ŋwòʼəkə à wen nə̀ kədyòʼ kə, be kɨ ando ghə̀ njèʼè kaʼa fa shì tsèm, nè nyʉ̀ jùŋvə be chʉʼʉ viʼi vi a zhwì byɨvə nku ngəʼ à vəwenə byìʼàndo Nyìngòŋ ndìʼ wenə̀ wen.

Shwèʼ 13:27

Viʼi vi a və ntsi a Jelusalèm nə̀ viʼi a və nsoʼo vəwenə nko kɨ la Yesò ndìʼ Mbwòŋsə̀: Vəwenə mbe zhʉ kò vəwenə lu nkɨ nyʉ̀ vyi a nshə̀ʼtə̀ sə ghoʼkəsə nlù nyòʼ ə̀ ghʉ, və sə dzàŋə̀ no mətsi mə nzhʉtə mə̀ vəwenə ntsèm. Alì vəwenə nè la nyʉ̀ vyi a nshə̀ʼtə̀sə nlù nyòʼ byìʼì Yesò kwʉʼ no tsèm a ji la vəwenə nzhwi li wen.