Ŋwàʼlə̀ Luk 13:28 - The New Testament in the Babanki language

²⁸ Ghə̀ŋ lu yen Ablaham nə̀ Izìk nə̀ Jàkob bènə̀ nshə̀ʼtə̀ sə ghoʼkə sə no sətsèm a kəshi kə fòyn Nyìngòŋ ghə̀ŋ mu lyuŋlə dì, be pfiʼi asoŋ ghəŋə mù və shwinəli chʉ̀ ghə̀ŋ ə màʼà ghə̀ŋ a kəbəŋ.

Ŋwàʼlə̀ Luk 13:28 ပူးပေါင်းရင်းမြစ်များ

Matìyò 13:42

ə̀ mòʼ vəwenə a kəshi kə zhìʼ ə vəwenə nlyuŋlyuŋ dì be pfiʼi asoŋ.

Matìyò 13:50

ə mòʼ vəwenə a kəshi kə zhìʼ, vəwenə nlyuŋlyuŋ dì be pfiʼi asoŋ tsu.

Matìyò 22:13

Fòyn mù gàʼ à viʼi shwèʼ wen la, “Ghə̀ŋ kwiʼ akwoŋ wen bènə̀ afwen wen shìsə̀ wen mòʼò dyʉ̀ a kəbəŋ kə fenəkə a kəshi a ghə̀ a nlyuŋlyuŋ dì tsu be pfiʼi asoŋ wen.”

Matìyò 24:51

ə̀ lyomsə wen no a ji byɨ ə̀ we wen a nòyn viʼi vyi a və bɨ̀lə̀ ashɨ viʼi nə̀ nè nyʉ̀, wenə̀ vəwenə nlyuŋlyuŋ dì be pfiʼi asoŋ.”

Matìyò 25:30

Ghə̀ŋ shisə wù shwèʼ byɨ ghèn, tem a kəbəŋ kə fenəkə, a kəshi a ghə̀ a nlyuŋlyuŋ dì tsu be pfiʼi asoŋ wen.

Ŋwàʼlə̀ Luk 10:15

Ando ghə̀ŋ viʼi Kabanùm tə nkəŋ nkuʼsə təwen təŋtə a kàŋ lì, və a moʼ ghə̀ŋ a zhìʼ a ghə̀ ko lù mè.”

Ŋwàʼlə̀ Luk 14:15

A ndiʼ ando wutsen a ghə̀ ndiʼi a ntìntìn nòyn ayì nzhʉ kənyʉ̀ kènkə, ə gàʼ à Yesò la, “Saŋlə lu ndiʼ à viʼi vyì a və lə zhɨ a kəchiʼ a kəshi kə foyn Nyìngòŋ.”

Ŋwàʼlə̀ Luk 16:23

Ghə̀ a loʼ nə̀ mpfʉ̀ və nse sə yenə ngəʼ byɨ tsu, ə lù sə tsoʼsə ashɨ wen sə ki ə yen Ablaham no kəghaf nə̀ Lazalùs à wen a mbyɨ̀.

2 Tèsàlonyà 1:5

Əwensə ə ghəŋə ə diʼi to ndayn la Nyìngòŋ ə nə̀ soʼo viʼi to ji tɨmə, diʼ ə nè la ghə̀ŋ ə kwʉ̀ʼ li ə ndiʼ akəshi kə əfòynə ə Nyìngòŋ yi a ghə̀ŋ nyenə ngəʼ byìʼì kəwenkə.

2 Bità 1:11

a li Nyìngòŋ ə nè la ji bayn mwetə ndi ghə̀ŋ kwen akəshi kə əfòyn ə Bobo, ə Mbwòŋsə̀ vəghəŋ Yesò Klistò, a diʼ əfòyn mu ghə̀ faŋ li to ghayn əmùʼ.

Kəmwetə 21:8

A viʼi vyi a və əfwanə nə̀ viʼi vyi a və ko byɨmə a mò, nə̀ viʼi vyi a və nè nyʉ̀ vyi a və ko diʼ nə̀ laynə ə, nə̀ viʼi a və zhwilə viʼi nə̀ viʼi a və tsi nə̀ ki kò wenə lʉ̀mə, a kokiʼ vəwenə, nə̀ viʼi fənyoʼ nə̀ viʼi a və gumlə nshəʼsə nə̀ viʼi ə zho dzɨŋ no və tsèm, vəwenə nə̀ kiʼ kəshi kə ə vəwenə a nkwòŋ yi a əzhiʼ nə̀ bole tsu li mu və mòʼo li mɨ̀kayn tsu. Kəshi na kènkə le diʼ kənkùmtə̀ kə pfʉ.”

Kəmwetə 22:15

Alì viʼi vyi a və fàŋ abàm ə mbàyn nə̀ diʼ viʼi vyi a və nè nyʉ̀ kəməŋ nə̀ viʼi fənyoʼ nə̀ viʼi vyi a və tsi nə̀ ki kò lʉ̀mə, a ko kiʼi vəwenə nə̀ viʼi vyi a və zhwilə viʼi vətsenvə ne viʼi a və gumlə nshəʼsə nə̀ viʼi vyi a və zhodzɨ̀ŋ be nè nyʉ̀ ə dzɨŋ.