Ŋwàʼlə̀ Luk 13:24 - The New Testament in the Babanki language

²⁴ “Ghə̀ŋ mwòmsə no nə̀ kədyòʼ ə cho fa chʉ ngə̀ŋ a ghə̀ faʼsə ə kwen a kəshi kə fòyn Nyìngòŋ. Ghə̀ŋ kɨ la viʼi no və ghoʼo lu nkəŋ kwen fa tsu ali kə to ghoʼo vəwenə.

Ŋwàʼlə̀ Luk 13:24 ပူးပေါင်းရင်းမြစ်များ

Matìyò 11:12

Soʼ Fòyn Nyìngòŋ kwi dyʉ̀ tò nə̀ mbì nə̀ kədyòʼ fa chʉʼ a Joyn wù ku à mù nzìtə̀ shyèʼ wen, viʼi kədyòʼ sòʼò wenə ghə̀.

Ŋwàʼlə̀ Luk 13:23

Wùtsen bèm à wen la, “Bobo, viʼi vyì a və lu bwoŋsə li və diʼ tò və tyetə mu?” Yesò bwènsə̀ gàʼ à vəwenə la,

Ŋwàʼlə̀ Luk 21:36

Ghə̀ŋ ŋwʉʼ no məzhʉ̀ tsèm bvʉ̀tə tò bvʉ̀tə be jɨ̀mə̀ la Nyìngòŋ ku kədyòʼ ghə̀ŋ cho fa tyì nyʉ̀ no tsèm a və lu nfʉ̀ tò nə̀ bwaʼmə ə tɨmə a kəshi kə nsoʼ ashɨ Wàyn Wìʼ.”

Joyn 13:33

Mà ko be diʼ ə ndiʼ vəghəŋ a kəghaf a vù vwomə. Ghə̀ŋ kəŋ mò nənlù, mu ma dyʉ̀ li akəshi, mu ghə̀ŋ zizi ko ghə̀ŋ lu vi tsu. Ma shə̀ʼtə̀ a ghə̀ŋ luwen, to ndə̀ŋndəŋ ando mà sə diʼ mù ma shə̀ʼtə̀ li a viʼi Jus.

Joyn 6:27

Kə ghə̀ŋ ne nyɨŋə fa abàm fozhɨvə, a və diʼ ə byɨf. Ghə̀ŋ ə boŋsə nyɨŋə fa abàm fozhɨvə vyi a və kù bwoŋ yi a ghə̀ ko lu mè, a diʼ Wàyn Wìʼ a ghə̀ zizi ghə̀ ku fozhɨvə a venə a ghə̀ŋ byìʼàndo Tìʼ ghom, Nyìngòŋ sə diʼ mù ghə̀ diʼi li a ndayn la ma kiʼi kədyòʼ a kènkə.”

Joyn 7:34

Ghə̀ŋ na sə kəŋ mò, ko ghə̀ be yen byìʼàndo ma ne ndiʼ akəshi, mu ghə̀ŋ zizi ko ghə̀ŋ lu dyʉ̀ tsu.”

Joyn 8:21

Yesò ə be gàʼ kwʉ̀ʼsə la, “Ma nè lu, kenla ghə̀ŋ zizi ghə̀ŋ dyʉ̀ a kəshi a ma dyʉ̀ tsu, ghə̀ŋ ne kəŋ mò, ko ghə̀ŋ lu yen, ghə̀ŋ ə ne ə pfʉkə a ghə̀ŋ a mbyɨsə.”

Lumans 10:3

Vəwenə ko kɨ ji yì a Nyìngòŋ nə̀ lyɨ viʼi kənyʉ̀ kətɨməkə fa tsù. A le kənyʉ̀ ki a vəwenə tensə li ji na ghèn ə boŋsə shɨtə ghə̀ vəwenə.

Kòlòsyàns 1:29

A diʼ byìʼì ənyʉ̀ a venə a ma taŋkə, shwèʼè nə̀ kədyoʼkə kì a ghə̀ kù a mo.

Hibùlù 4:11

Vəghəŋ mwomsə lì no nə̀ kədyòʼ kə ə kwen akəshi kəzhʉtəkə na ghèn. Vəghəŋ sə mwomsə, vəghəŋ ntuʼmə kə wìʼ na faŋ ke nzhʉ Nyìngòŋ ando vətiʼ və vəghəŋ ə ntyen la və ko zhʉtə faŋ kò və lə kwen.

2 Bità 1:10

A le kənyʉ̀ ki a ma sensə ghə̀ŋ, a vəlemə, la ghə̀ŋ tuʼtə ə ghaʼ nyʉ̀ a venə və to ə diʼ la Nyìngòŋ ə tsùʼtə li ghə̀ŋ ə dzàŋ shisə la ghə̀ŋ ə diʼ viʼi Nyìngòŋ. Ghə̀ŋ yi nè alə̀, ko ghə̀ŋ be lu fəŋ fa ghə̀ŋ a byɨmə,