Ŋwàʼlə̀ Luk 12:45 - The New Testament in the Babanki language

⁴⁵ Ali wù shyèʼ a ghèn sətsèn ŋwʉʼ ə kwòʼtə̀ tò fa wen a ngə̀ŋ la, ti shyèʼ a tàŋ mimbu bwenə pfwo, mu zìtə̀ əghòm viʼi shyèʼ,vətsen və vyi, lyʉmə nə̀ kyi, zhɨ be nyʉ məlyʉ̀ʼ bomə,

Ŋwàʼlə̀ Luk 12:45 ပူးပေါင်းရင်းမြစ်များ

Matìyò 22:6

Viʼi ntɨm fòyn a vyi dyʉ̀ a vətsenvə vəwenə ghaʼ viʼi ntɨm a vyi nyàblə̀ nə̀ vəwenə ə̀ zhwilə.

Ŋwàʼlə̀ Luk 12:44

Mà gàʼà ghə̀ŋ nəmwèʼè la, kə sətsèn cho alì, ti shyèʼ ayì à ghʉ wen la ghə̀ ntuʼmə nə̀ fo wen no tsèm.

Ŋwàʼlə̀ Luk 12:46

Tì shyèʼ wen lu bwenə pfwo a kətsi kətsenkə, a zhʉ a ghə̀ ko tə kwòʼtə̀ la ghə̀ zì ghə̀ bwenə vi tsu, əku ngəʼ a wen nànto bè ghʉ wen a nòyn viʼi vyì a və ko byɨmə à Nyìngòŋ.

Ŋwàʼlə̀ Luk 21:34

Ghə̀ŋ tuʼmə nə̀ tə wen təŋtə, bwen alì, ghə̀ŋ a lyɨ̀ kəzhɨ nə̀ məlyʉʼʉ̀ a ndiʼ shyèʼ ghə̀ŋə. Ko nyʉ̀ mbyi venə bʉʼ ashɨ ghə̀ŋə, kətsi kèn sə vì kò ghə̀ŋ lə kɨ.

Joyn 2:10

ə gàʼ a wen la, “Viʼi nə̀ diʼ la wù boŋsə ku məlyʉ̀ʼ mì a mə bòŋ la və nyʉ̀ ambì, viʼi nyʉ̀ sə dyuʼlə, və mu vi nə̀ myimə a mə ko tuʼ ə bòŋ, wù jeʼ ale ə ghʉ̀ məlyʉ̀ʼ mə jùŋə mèn ə sə vi nə̀ məwenə luwen a?”

Shwèʼ 2:18

Nəmwèʼè, mà lu be ku kəzhwì komkə no te à viʼi shyèʼè mò, lʉmə nə̀ ki a mətsi a mì, vəwenə nshə̀ʼtə̀ nyʉ̀ vyi a mà nshə̀ʼtə̀ à vəwenə.

Lumans 16:18

Tənki tə viʼi na tèntə ə ko shyèʼ a Bobo vəghəŋ Yesò. Vəwenə kəŋ to ə nə̀ nè nyʉ̀ vyi a və nfwomə a vəwenə. Vəwenə gàʼa nyʉ̀ ə fwoməvə to ə lobtə viʼi vyi a və ko shɨtə kɨ nyʉ̀.

2 Kolìntyàns 11:20

Ghə̀ŋ moʼtə li viʼi, və sə lyɨ ghə̀ŋ a əkòs, nyàblə̀ nə̀ ghə̀ŋ. Ghə̀ŋ moʼtə li vəwenə sə lobtə ghə̀ŋ, zəʼtə ghə̀ŋ be telə ghə̀ŋ.

1 Tèsàlonyà 5:7

byìʼì ando viʼi nə̀ nè və sə bʉnə to nətʉʼ, viʼi a və nyʉ məlyʉ̀ʼ əbe nyʉ bomə to nətʉʼ.

2 Bità 2:13

Nyìngòŋ ə lu loʼ vəwenə to nə̀ ndə̀ŋndəŋ ngəʼ na ghèn a vəwenə ə ku a viʼi vətsenvə lə. Vəwenə ə̀ zhʉsə kəŋ ə zhʉ̀ a fwom, vəwenə sə dèmə̀ kwetə no tèbe ghò, nè to nè, no tèbe a kəntokə chwìchwì. Vəwenə nə̀ nyʉ̀ʼmə ə zhɨ̀ vye vəwenə, kənyʉ̀ a kì ə sə diʼsə kətʉ no nànto. Vəwenə ə̀ lobtə ghə̀ŋ no zhʉ̀ko, vəwenə sə saŋlə.

2 Bità 2:19

Vəwenə ə ghʉ viʼi a venə gàʼa la vəwenə a nè, ko viʼi a vyi ə be diʼ əkòs, ali nkàyntə̀ vəwenə diʼ əkòs a vəwenə a mbyɨsə. Kə diʼ alə̀ byìʼì ando no tèbe ghò nə̀ zhʉsə tisə wìʼ, ghə̀ sə shyèʼ to kəkòs a kəwenkə.

Kəmwetə 16:6

Viʼi ə nzhwilə̀ li viʼi vyə̀ zhwilə nshə̀ʼtə̀sə sə̀ ghoʼkəsə, Wu ə̀ nku mənlyuŋ luwèn la vəwenə nyʉ. Vəwenə kiʼì tò kəfo a vəwenə yi ndiʼ ə kiʼi.”

Kəmwetə 18:24

“Mənlyuŋ mə nshə̀ʼtə̀sə sə̀ ghoʼkəsə nə̀ mə viʼi Nyìngòŋ nə̀ mə viʼi vyi a və̀ nzhwilə̀ byìʼì əbyɨmə vəwenə tsèntə̀ dìʼ tò à wù kəvu.”