Ŋwàʼlə̀ Luk 12:32 - The New Testament in the Babanki language

³² “Kə ghə̀ŋ à fwaynə, ando nòynə ghə̀ŋ tyetə, byiʼ ando Tìʼ ghə̀ŋ Nyìngòŋ kòŋ li əku soʼ fòyn wen à ghə̀ŋ.

Ŋwàʼlə̀ Luk 12:32 ပူးပေါင်းရင်းမြစ်များ

Matìyò 14:27

No a zhʉ̀ kò Yesò gàʼ à vəwenə la, “Ghə̀ŋ ghaʼa tətyɨm təŋtə! à diʼ mo,kə ghə̀ŋ à fwàyn.”

Matìyò 20:16

Yesò mù sə mwètə̀ ə̀ gàʼ la, “Nghoʼo viʼi a və diʼì a mbì luwèn lu ndiʼi bàm, ə̀ viʼi a və diʼì a bàm luwèn lu ndiʼ mbì.”

Matìyò 25:34

A dìʼ a zhʉ a yì a fòyn a gàʼ à viʼi kənyʉ̀ kə tɨmə kə vi a və ti à wen a shyə kwoŋ toghə la, ‘Ghə̀ŋ venə a Tìʼ ghomə bwaʼsə li lə̀, ghə̀ŋ kwen vì ə̀ nzhɨ njùŋ yì a ghə̀ nshɨtə li ghʉ̀ a ghə̀ŋ fa kənzìtə̀ kə mbi,

Matìyò 7:15

“Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo.

Ŋwàʼlə̀ Luk 10:21

Tò a zhʉ ayì, kəzhwì kəŋwoʼəkə nè Yesò sə saŋlə mù jɨ̀m la,“Tìʼ ghom, Bobo yì a ghə̀ soʼo kaŋ bènə̀ nse, mà ku kəzòŋ à wù byìʼàndo wù lyomtəli nyʉ̀ venə fà viʼi a və kwòʼtə̀ la vəwenə tofə ə ndìʼ à ndzɨ̀ŋtə. Nəmwèʼè a Tìʼ, à tə kòŋ tò wù ənè alə̀.”

Joyn 18:36

Yesò ə gàʼ la, “Ma ko soʼo ə fòyn ə ghomə a mbyi ashə̀. Abwen ali, viʼi shyèʼ ə mò soynə ə tàmtə la kə viʼi Jus ə ghaʼ mo. Ma soʼo fòyn ə ghomə fa akəshi kə kədyàŋ.”

Shwèʼ 20:28

Ghə̀ŋ ntùʼmə̀ nə̀ təwen təŋtə bè tùʼmə̀ nə̀ viʼi vi a Kəzhwì kə ŋwòʼəkə ghʉ li à ghə̀ŋ a ti. Ghə̀ŋ ndiʼ ntùʼmə̀sə ntsèntə̀ viʼi vəbyɨməvə Nyìngòŋ a ghə̀ nè à sə diʼ ntsèntə̀ viʼi wen ə chò fa pfʉ Wàyn wen.

Shwèʼ 20:29

Mà kɨ li la ma lù no a zhʉ kò viʼi vì ə̀ kwèn à ghə̀ŋ a ntìntìn to nə̀ nyamsə bo ə sàs viʼi vəbyɨməvə avenə,

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

1 Kolìntyàns 1:21

Nyìngòŋ ə nyen li fa wen a tof la viʼi ko lu kɨ tebè wen nə̀ ətof ə ngəŋ ə vəwenə. Ghə̀ boŋsə ghʉ̀ la ghə̀ be lù bwòŋsə viʼi vyi a və zhʉ ntɨm yì a yès ə shə̀ʼtə̀ ə byɨmə no tèbe ando viʼi vətsenvə gàʼa la à diʼ kəkoynkə kənyʉ̀.

Filìbàyns 2:13

Kədiʼ a li byìʼàndo Nyìngòŋ diʼ wenə vəwenə no məzhʉ tsèm, ku kədyòʼ la ghə̀ŋ ə nkòŋ ənè nyʉ̀ a ghə̀ kəŋə la ghə̀ŋ ə nè.

2 Tèsàlonyà 1:11

A le kənyʉ̀ ki a yès nə̀ jɨ̀mə̀ a ghə̀ŋ to məzhʉ̀ ə tsèm la Nyìngòŋ ə vəghəŋ nè la ghə̀ŋ ə tsi ntsìnə̀ yì a ghə̀ kwʉ̀ʼ a diʼ yi a ghə̀ dzàŋ ghə̀ŋ la ghə̀ŋ vi ə ntsi. Yès nə̀ jɨ̀mə̀ la ghə̀ ku kədyòʼ ghə̀ŋ ə nè nyʉ̀ ə jùŋ və vi a ghə̀ŋ kòŋ ə nə̀ nè ə be nè mwetə shwèʼ ə ghəŋə to nə̀ viʼi və byɨməvə.

2 Tèsàlonyà 1:5

Əwensə ə ghəŋə ə diʼi to ndayn la Nyìngòŋ ə nə̀ soʼo viʼi to ji tɨmə, diʼ ə nè la ghə̀ŋ ə kwʉ̀ʼ li ə ndiʼ akəshi kə əfòynə ə Nyìngòŋ yi a ghə̀ŋ nyenə ngəʼ byìʼì kəwenkə.

Hibùlù 12:28

Vəghəŋ nku li kəzòŋ a Nyìngòŋ ando ghə̀ kù li lòʼ a vəghəŋ a ghə̀ ko zizi lu nə̀ʼkə̀. Vəghəŋ ə̀ nkuʼsə Nyìngòŋ a ji yi a ghə̀ kəŋ fa tsù, gumlə Nyìngòŋ no nànto.

Jems 2:5

Ghə̀ŋ zhʉtə a vəlèmə̀ və kòŋə̀ mò! Nyìngòŋ ntsùʼ li viʼi vi a viʼi mbyi lyɨ̀ la à dìʼ viʼi kəmfem ə̀ nlyɨ̀ la à dìʼ viʼi vəghoʼkəvə a byɨmə mbe ghʉ la vəwenə lu zhɨ soʼ fòn Nyìngòŋ yi a Ghə̀ nghʉ li la yì lu ku à viʼi vyi a və kòŋə̀ wen.

2 Bità 1:11

a li Nyìngòŋ ə nè la ji bayn mwetə ndi ghə̀ŋ kwen akəshi kə əfòyn ə Bobo, ə Mbwòŋsə̀ vəghəŋ Yesò Klistò, a diʼ əfòyn mu ghə̀ faŋ li to ghayn əmùʼ.

Kəmwetə 1:6

Ə mù nè la vəghəŋ ə ndiʼ vunə ntuʼ, ə̀ shyèʼ à Nyìngòŋ ə Tìʼ wen. Əghoʼsə nə̀ kədyòʼ ə ndiʼ à Yesò Klistò no məzhʉ̀ ntsèm. Amèyn.

Kəmwetə 22:5

Əchʉʼ ə jɨghə ko bè lu diʼ. Vəwenə ko bè lu kəŋ tebè vəlamə kò chwìchwì byìʼì ando Bo Nyìngòŋ lu ndiʼ əbayn a vəwenə, a wenə vəwenə nə̀ soʼo əfòyn to məzhʉ̀ ə tsèm.