Ŋwàʼlə̀ Luk 12:28 - The New Testament in the Babanki language

²⁸ Nyìngòŋ à sətsen nlafsə agəŋ a diʼi na ghenə no nkàyn a tʉʼʉ diʼ layn və tyom ə nyùʼ ghə̀ à lafsə ghə̀ŋ no alə̀. Byɨmə ghə̀ŋə bwaʼ no ghò alə̀ a?

Ŋwàʼlə̀ Luk 12:28 ပူးပေါင်းရင်းမြစ်များ

Matìyò 14:31

No a zhʉ̀ kò Yesò naʼsə̀ kəvu ə̀ ghaʼa wen ə̀ bèm à wen la, “Byɨmə wu tyetə no nànto. Byìʼì ghò a wù yì momə̀ mò a?”

Matìyò 16:8

Yesò kɨ kənyʉ̀ a vəwenə mbèsə̀ à vəwenə a ntìntìn mù bèm à vəwenə la, “Byɨmə ghə̀ŋ bwaʼ ghò alə̀ a, byìʼì ghò a ghə̀ŋ ə gàʼ à la à diʼ byìʼàndo ghə̀ŋ ko kiʼ kəbayn a?

Matìyò 17:17

Yesò bwènsə̀ la, “Venə diʼ viʼi nki kəlyɨŋ kə kò a və chiʼi kətʉ ken la vəwenə ghʉ tətyɨm tə vəwenə à Nyìngòŋ a? Mà a ndiʼ vəghəŋ əzaʼa fa ze? Mà ghaʼa tyɨm ə ghom əzaʼa fa ze?” Ghə̀ gàʼ a lì mù gàʼ à wìʼ ayì la,“Vi nə̀ wàyn ayì a shèn à mò.”

Matìyò 17:20

Yesò bwènsə̀ à vəwenə la, “A dìʼ byìʼàndo byɨmə ghə̀ŋ ə bwaʼa. Mà gàʼà à ghə̀ŋ nəmwèʼè la ghə̀ŋ sətsèn nkiʼ byɨmə ghə̀ tyetə to nə̀ shɨ ngwàʼ mostàd mu ghə̀ŋ zì ghə̀ŋ gàʼ à pfèn ghèn la ghə̀ lu fa kəshi ghèn dyʉ̀ no kəghaf, ghə̀ à dyʉ̀ tò a lì. Ghə̀ŋ tu nkiʼ byɨmə mu kənyʉ̀ kə ko to chò ghə̀ŋ. [

Matìyò 6:30

Nyìngòŋ lə̀ sətsèn mu nlafsə nkàyntə agəŋ ə ətoʼ layn alə̀, ətʉʼʉ ə diʼ sə layn a boʼòngə̀ŋ ə və chom ə nyùʼ, ghə̀ bè ne lafsə no ghə̀ŋ ale a? Ghə̀ŋ a bwaʼ gho a ghə̀ŋ byɨmə alə̀ a?

Matìyò 8:26

Ghə̀ lù ə bèm à vəwenə la, “Ghə̀ŋ fwaynə no ghò alə̀ a? Byɨmə ghə̀ŋə tyetə no ŋàŋ.” Ando ghə̀ ngàʼ alì mù kàyntə̀ nyʉ̀ a fwof yi bènə̀ mu, myì shi chiʼ la kùʼ.

Ŋwàʼlə̀ Luk 8:25

Yesò mù bèm à vəwenə la, “Byìʼì ghò a ghə̀ŋ ko kiʼi byɨmə a?” Vəwenə mù sə dìʼ nə̀ kàynə bè fàynə, sə bèmə à vəwenə a ntìntìn la, “Ghèn lè diʼ no ndò lo? Ghə̀ kənkə fwof nə̀ mu, və zhʉ wen a?”

Hibùlù 6:7

Ghə̀ŋ kɨli la əsɨm yì a əwʉ̀ nə̀ vì tsu, əfo kwi tsu mu və zizi və gyamtə wìʼ yi a ghə̀ shyèʼ diʼ mu Nyìngòŋ ə bwàʼsə li.

1 Bità 1:24

Kə diʼ to ndə̀ŋndəŋ ando və nyòʼo li a Ŋwàʼlə̀ Nyìngòŋ la: “Viʼi vətsèm diʼ to nə̀ agəŋ ə toʼ, əboŋ ə vəwenə diʼ to nə̀ flawà kəfʉʼkə nə̀ pfʉ, flawà fəŋkə,