Ŋwàʼlə̀ Luk 12:17 - The New Testament in the Babanki language

¹⁷ ghə̀ sə kwòʼtə̀ tò wen a tyɨmə la, ‘Ma lə nè alə̀ nə̀ fozhɨvə venə a kò ndìʼ la kəshi kə ghʉkə diʼ a?’

Ŋwàʼlə̀ Luk 12:17 ပူးပေါင်းရင်းမြစ်များ

Matìyò 16:7

Ndzɨ̀mtə̀sə bàm wen shìsə sə̀ bèsə̀ kənyʉ̀ akì à vəwenə a ntìntìn gàʼà la, “Ghə̀ gàʼà alə̀ byìʼàndo vəghəŋ yì lyèsə̀ əlyɨ̀ kəbayn kəməka.”

Matìyò 5:42

Wìʼ loyn kəfo fà wù, wù ku, kò ghə̀ choʼo tè choʼo wù ku tò ku.

Ŋwàʼlə̀ Luk 10:25

Ndìʼsə̀ soʼ tsen tɨmə a kàŋ sə mwòmsə Yesò ə̀ bèm la,“Ndìʼsə̀, ma nè no ghò ndi kiʼi bwòŋ yi a ghə̀ ko lu mè lì?”

Ŋwàʼlə̀ Luk 11:41

Ghə̀ŋ nə̀ mbòŋsə ku fo a ghə̀ŋ kiʼi à viʼi kəfem ndi no məghò ne ndiʼ layn a ghə̀ŋ.

Ŋwàʼlə̀ Luk 12:16

Yesò mù mò ngàyn ghèn a vəwenə la, “Wù ghoʼo tsen nlù sə kiʼ sɨm mu fozhɨvə kʉʼʉ li tsu no a nkàyn,

Ŋwàʼlə̀ Luk 12:18

Ghə̀ mù gàʼ à wen tyɨm la, ‘Ma kɨli kənyʉ̀ a ma nè. Ma sòʼtə təkaŋ tyomtə ə bwom tə ghoʼkətə ando ma ghʉ fozhɨvə bènə̀ no məghò ghom tsu

Ŋwàʼlə̀ Luk 12:22

Yesò mù gàʼ à ndzɨ̀mtə̀sə bàm wen la, “A lè kənyʉ̀ a kə nè mà sə gàʼ à ghə̀ŋ la kə ghə̀ŋ à kayntə mbyi kùmə̀ ntsìnə̀ ghə̀ŋ. Kə wìʼ fa ghə̀ŋ à kayntə mbyì la ghə̀ nè zhɨ ghò lo, kò la ghə̀ ne moʼ gho a yi a wen lo.

Ŋwàʼlə̀ Luk 12:29

“Kə ghə̀ŋ zhuŋsə təwen təŋtə kwòʼtə̀ la ghə̀ŋ nə̀ zhɨ gho kò nyʉ gho lo.

Ŋwàʼlə̀ Luk 12:33

Ghə̀ŋ baʼlə fo vəŋə no tsèm əku ko yì à viʼi kəfem. Ghə̀ŋ shìtə mbò vəŋə a və zì kò və lu byɨf ndi və wye ghoʼo yi a wìʼ zì kò ghə̀ lu zhɨ myetə ə ghʉ a ghə̀ŋ a kàŋ, a kəshi a və zì kò və lu fàftə, byìʼe tsoŋ zì kò ghə̀ lu zaʼa tsu, ko ndiʼ la mbèmbè zì və lə zaʼa tsu əpfiʼ byɨbsə.

Ŋwàʼlə̀ Luk 16:3

Wù shwèʼ ayì mù sə kayntə la yi la nè gho ando tìʼ shwèʼ wen sə kəŋ ə shisə yi fa shwèʼ lə̀ lo. Yi ko kiʼ kədyòʼ ə nə̀ jèʼè tuŋə̀ shi a ko, kətʉ kyi be diʼi ə jèʼè loynə.

Ŋwàʼlə̀ Luk 16:9

“Mà mù sə gàʼ à ghə̀ŋ la, ghə̀ŋ ne nè njùŋ nə̀ ko ghenə a ghə̀ ko lu faŋ ndi ghə̀ lù mè, ghə̀ŋ sə pfwo a loʼ faŋghə̀, və shisə ghə̀ŋ nə̀ avu à bò.

Ŋwàʼlə̀ Luk 18:22

Yesò zhʉ alì ə gàʼ à wen la, “Wù bù kiʼi kənyʉ̀ kə mùʼ ənè, dyʉ̀ ə baʼlə fo vyə tsèm ə ku ko yi a viʼi kəmfem ndi lu kiʼi ghoʼo wu a kàŋ. Wù nè ne alì, wu vi ə dzɨ̀mtə̀ mò.”

Ŋwàʼlə̀ Luk 19:17

Ghə̀ gàʼ à wù shwèʼ ayi la, ‘Wu ne li nkàyn! Wù diʼ wù shwèʼ jùŋə̀! Wu ne soʼo ntə̀ʼsə wum byiʼ ando ma yenli la wu kɨli ətùʼmə̀ nə̀ məfotə mə tyetə mə.’

Ŋwàʼlə̀ Luk 3:11

Ghə̀ gàʼ a vəwenə la “No məndò a ghə̀ kiʼi ndisə sə̀ bò, ghə̀ ku sə̀ mùʼ a wi a ghə̀ ko kiʼ no fa mpfen. No məndo a ghə̀ kiʼi fozhɨvə, ghə̀ boŋ gə̀tə̀ ku viʼi vətsen və”

Shwèʼ 16:30

Ghə̀ mù lyɨ̀ vəwenə fʉ̀ wenə̀ vəwenə a kəbəŋ ə̀ bèm à vəwenə la, “Vətìʼ, mà lè zì mà nè ghò bu lu kiʼi bwòŋ a?”

Shwèʼ 2:37

Viʼi avenə nè zhʉ̀ nyʉ̀ vyi a Bità ngàʼà, və sə̀ ku ngəʼ à vəwenə a tətyɨm no nànto. Vəwenə mù bèm à Bità wenə̀ viʼi ntɨm Yesò vətsenvə vi la, “Vəlèmə yès lè zì yès ne ale?”

Lumans 12:13

Ghə̀ŋ ə gətə fozhɨvə ə ghə̀ŋ ku viʼi və byɨməvə vi a və ko kiʼ. Ghə̀ŋ myəʼsə ə shisə viʼi və a ghə̀ŋ a loʼ.

1 Timotì 6:17

Chòsə̀ a nə̀ soʼ à viʼi vyi a və kiʼi ghoʼo ə əfo ə mbi la kə vəwenə ə ndyanə kò ghʉ tyɨm ə vəwenə a əfo ə chò və a venə. Gaʼa la vəwenə ə bòŋsə ghʉ tətyɨm tə vəwenə tò a Nyìngòŋ yì a ghə̀ ku no əfo ə jùŋvə no tsèm vyi a vəghəŋ ə kiʼi.

1 Joyn 3:16

Vəghəŋ ə kɨ əkòŋ ə chò fa kènkə la: Yesò Klistò ə nku li sàŋ kətʉ wen ə̀ pfʉ̀ byìʼì vəghəŋ. Vəghəŋ bè diʼ ə ku sàŋ kətʉ vəghəŋ ə pfʉ byìʼì vəlèmə̀ və vəghəŋ.