Ŋwàʼlə̀ Luk 11:19 - The New Testament in the Babanki language

¹⁹ Mà lè sətsèn dzɨ̀mə̀ zhwì byɨvə nə̀ adyòʼ mu a ku Belzibùl, ghə̀ŋ à gàʼ la viʼi vəŋə dzɨ̀mə̀ zhwì a vyi nə̀ adyòʼ ndo? A ne dìʼ tò viʼi vəŋə la ghə̀ŋ wamə wamə mu ghə̀ŋ gàʼà nəmwèʼè lo.

Ŋwàʼlə̀ Luk 11:19 ပူးပေါင်းရင်းမြစ်များ

Matìyò 10:25

Kə kwʉʼ la wàyndyə ə zizi, ghə̀ ndìʼ to nə̀ ə ndìʼsə̀ wen, bè kwʉʼ la wù ə shyèʼ ə kuʼ kwʉʼ ə ndiʼ to nə̀ tìʼ Shwèʼ. Və sətsèn ə ndiʼ mù və toŋtə li tì ngə̀ŋ nə̀ zhiʼ ghə̀ byɨf a nə̀ Belzibùl, və lu toŋtə no viʼi ngə̀ŋ la gho?

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Ŋwàʼlə̀ Luk 19:22

Wyè ntuʼ ayì gàʼ à wen la, ‘Ma soʼo wù tò a ji a wu gàʼà fa tsu, wu diʼ no wù shwèʼ byɨ! Wu ke kɨ la ma fàynsə, lyɨ̀ kèn la mà tə ghʉ, be pfi kenla mà tə wye,

Ŋwàʼlə̀ Luk 9:49

Joyn bwènsə̀ gàʼ la, “Tìʼ, yès tə yen wìʼ, ghə̀ dzɨ̀mə̀ zhwì byɨvə à wù a zhiʼ, yès gàʼ à wen la kə ghə̀ be a mwòm byìʼàndo ghə̀ ko diʼ wu muʼ fa vəghəŋ a ntìntìn.”

Shwèʼ 19:13

Vəjew vətsenvə a və bè njèʼè dzɨ̀mə̀ shìsə zhwì byɨvə bè sə mwòmsə̀ ndzɨ̀mə̀ a zhiʼ Bobo Yesò. Vəwenə mbʉsə ndzɨ̀mə̀, vəwenə sə gàʼà la, “Ma gàʼà à ghə̀ŋ a zhiʼ Yesò yì a Bol ə̀ ziʼi byìʼì wen la, ghə̀ŋ fʉ fà wèn wìʼ ghèn.”

Lumans 3:19

Vəghəŋ ə kɨ la no tèbe ghò a yi a və nyoʼo a soʼ Nyìngòŋ diʼ a viʼi vyi a və tsi a yi ti. Kə diʼ a ji a ghèn ndiʼ kə wìʼ be a kiʼi kənyʉ̀ kətsen kə ə gàʼ. Nyìngòŋ ə chiʼtə li təchʉ̀ tə viʼi və tsèm. Ghə̀ lu soʼ viʼi və tsèm a mbyi.