Ŋwàʼlə̀ Luk 11:13 - The New Testament in the Babanki language

¹³ A zhʉ a ghə̀ŋ viʼi nè nyʉ̀ byɨvə, zì ghə̀ŋ kɨ əku fo jùŋ və à vunə vəŋə, no Tìʼ ghə̀ŋ a ghə̀ diʼi a kàŋ ne faŋ ale ke ku Kəzhwì kəŋwoʼkə à viʼi vyì à və bèmə̀ à wen a?”

Ŋwàʼlə̀ Luk 11:13 ပူးပေါင်းရင်းမြစ်များ

Matìyò 5:16

A diʼ tò ndə̀ŋndəŋ ando ghə̀ŋ diʼi baynə a viʼi ndi viʼi yen nyʉ̀ jùŋ və vyi a ghə̀ŋ nè mù nkuʼsə tiʼi ghə̀ŋ yi a ghə̀ diʼi a kàŋ.”

Matìyò 5:45

Ghə̀ŋ nè tò alì ndi ne ndiʼ vunə Tìʼ ghə̀ŋ yì a ghə̀ diʼì a kaŋ byiʼàndo ghə̀ŋ nè chwìchwì baynə a kətʉ viʼi və byɨvə bènə̀ viʼi və jùŋ və be nè ghʉ vì a kətʉ viʼi a və nè njùŋ be vì a kətʉ viʼi a və nè mbyɨ.

Matìyò 6:14

“Ghə̀ŋ sətsèn ə lyèsə̀ ku ənyʉ̀ ə byɨvə vyi a viʼi ə nè a ghə̀ŋ, a Tìʼ ə ghə̀ŋ yi a ghə̀ diʼì a kaŋ ne boŋ lyèsə̀ ku vəŋə.

Matìyò 6:30

Nyìngòŋ lə̀ sətsèn mu nlafsə nkàyntə agəŋ ə ətoʼ layn alə̀, ətʉʼʉ ə diʼ sə layn a boʼòngə̀ŋ ə və chom ə nyùʼ, ghə̀ bè ne lafsə no ghə̀ŋ ale a? Ghə̀ŋ a bwaʼ gho a ghə̀ŋ byɨmə alə̀ a?

Matìyò 6:32

A nyɨŋ viʼi vyì a və ko kɨ Nyìngòŋ fa bàm ə fo a venə, ali Tìʼ ghə̀ŋ a kaŋ ə kɨ la ghə̀ŋ kəŋ fo a venə.

Matìyò 7:11

Viʼi və byɨvə alə̀ to nə̀ ghə̀ŋ lə sətsèn ə nə̀ kɨ ə ku fo ə jùŋvə a vunə, no Tìʼ ghə̀ŋ a kaŋ a faŋ ale ke ku fo ə jùŋvə a viʼi vyì a və bèm a wen a?

Ŋwàʼlə̀ Luk 11:12

Adiʼ wìʼ ko a ghə̀ zì ghə̀ ku əŋam à wàyn a zhʉ a ghə̀ bèmə̀ wum a?

Ŋwàʼlə̀ Luk 11:2

Yesò gàʼ à vəwenə la, “Ghə̀ŋ ne sə njɨ̀mə̀, ghə̀ŋ ə gàʼà la: ‘Tìʼ, ne viʼi nghoʼsə zhiʼi wu, ne la soʼ fòyn wù nvì.

Ŋwàʼlə̀ Luk 18:7

A lè a zì a bòŋsə faŋ Nyìngòŋ ke zhʉ̀tə di viʼi wen a və di a wen nə̀nchwì nə̀ nəntʉʼʉ a? Ghə̀ lè zì ghə̀ mu bʉʼsə kətʉ kə wen tò bʉʼsə à vəwenə a?

Joyn 4:10

Ando ghə̀ bèmə alì, Yesò ə mu gàʼ a wen la, “Wu to kɨ fo vyi a Nyìngòŋ ə ku a viʼi be kɨ wìʼ yi a ghə̀ loynə mu mèyn fa wù, mu wù loyn li mu, a kodiʼ mu mə fwàyn, ghə̀ ku a wù.”

Shwèʼ 2:38

Bità bwènsə̀ gàʼ à vəwenə la, “No ghə̀ŋ vətsèm kwitə tətyɨm tyəŋtə fà ghə̀ŋ a nyʉ̀ byɨvə ə̀ shì mu ə dìʼ la ghə̀ŋ ə byɨmə li a Yesò Klistò ndi Nyìngòŋ lyèsə ku nyʉ̀ byɨvə ghə̀ŋ, ə̀ kù Kəzhwì kə Ŋwoʼəkə kènkə à ghə̀ŋ.

Lumans 5:17

Kə diʼ nəmwèʼè la pfʉ ə nyɨŋ li nchò fa mbi ə tsèm byìʼì mbyɨ wìʼ ə mùʼ, ali viʼi vi a Nyìngòŋ ə diʼi ətyɨm ə jùŋə a vəwenə ə lyɨ̀ a viʼi kənyʉ̀ kətɨməkə, vəwenə soʼo to nə̀ təfòyn tə, kiʼi ntsìnə̀ yi a ghə̀ ko lu mè ə chò fa a wìʼ ə mùʼ, Yesò Klistò.

Lumans 7:18

Ma kɨli la kənyʉ̀ kə ə jùŋkə ko diʼ a mo wen. Ma gaʼa a mo njòsə wen ashə a sə kòŋ mbyɨ lə. Ma gaʼa alə̀ byìʼì ando ma kòŋ to ə̀ nè nyʉ̀ ə jùŋə və ali ko kə bwaʼmə.

Lumans 8:32

Nyìngòŋ ə ko tyen ə ku Wàyn wen la və bayntə a kəntò byìʼì vəghəŋ və tsèm. Kə le diʼi la ghə̀ na ku no əfo ə tsèm a vəghəŋ ə kwʉ̀ʼsə a kətʉ ə Wàyn wen.

Taytùs 3:3

Andìʼ a mbì nkàyntə̀ vəghəŋ ə̀ dzɨ̀ŋtə̀ kèn la vəghəŋ ə zhʉ gɨ̀ be nè shwè. Vəghəŋ ndìʼ əkòs à tənkì tə nyʉ̀ mbi, be nè no ghò a vəghəŋ ə̀ nkòŋ ənè. Vəghəŋ ə ntsi tò a ne ənyʉ̀ byɨvə be shəmə, viʼi bàynə̀ vəghəŋ, vəghəŋ be kiʼ kəbàyn à vəghəŋ a ntìntìn,