Ŋwàʼlə̀ Luk 1:20 - The New Testament in the Babanki language

²⁰ Wù a chiʼ la kùʼ əzaʼa fa kətsi kyì a kənyʉ̀ kènkə lu lyɨ kəshi byiʼè ando wù ko byɨmə kənyʉ̀ a ma gaʼà. Alì kə diʼ lu kwʉʼ tò zhʉ yi a və ghʉli.”

Ŋwàʼlə̀ Luk 1:20 ပူးပေါင်းရင်းမြစ်များ

Ŋwàʼlə̀ Mak 16:14

Fa bàmə nyʉ̀ avenə Yesò bè fʉ̀ a kə̀ʼ ndzɨ̀mtə̀sə bàm wen shi ə njʉ̀mùʼ vəwenə zhɨ zhɨ. Ghə̀ ghàm vəwenə byìʼàndo vəwenə ndìʼ mu vəwenə tosə li tətyɨm tə vəwenə la vəwenə ko a byɨmə kənyʉ̀ a viʼi yenə sə shə̀ʼtə̀ à vəwenə.

Ŋwàʼlə̀ Mak 9:19

Yesò gàʼ à vəwenə la, “Ghenə diʼ viʼi kəlyɨŋ kə kò a və ghò byɨmə alə̀ a? Mà a ndiʼ vəghəŋ əzaʼa fa ze bu ghə̀ŋ byɨmə a? Vi nə̀ wàyn ayì à mò.”

Ŋwàʼlə̀ Luk 1:19

Ntsɨŋ Bobo yì gàʼ la “A diʼ mo Gabliyà a ghə̀ ŋwʉʼ a mbyɨ Nyìngòŋ. A təmə wen tɨm mo la ma vi shə̀ʼtə̀ ntɨm jùŋ ghèn à wù.

Ŋwàʼlə̀ Luk 1:21

A ndiʼ alə̀ viʼi a və nkə̀ʼtə̀ zakaliya a kəbəŋ sə̀ kaynə la a nè ghò ghə̀ tàŋ a tyì ngə̀ŋ Nyìngòŋ alə̀ lo?

Ŋwàʼlə̀ Luk 1:22

Zakaliya fʉ̀ kò ghə̀ bè kɨ əgàʼ a viʼi vyi ə shə̀ʼlə nyʉ̀ tò nə̀ avu. Viʼi a vyi kɨ la Nyìngòŋ ə vili a wen a jòm.

Ŋwàʼlə̀ Luk 1:45

Saŋlə diʼ a wù ando wù byɨmə li la nyʉ̀ vyi a Bobo Nyìngòŋ gàʼa ne kwʉʼ no tsèm.”

Ŋwàʼlə̀ Luk 1:64

Tò a zhʉ a ghèn boʼ chʉ wen, kəlyɨŋ kə wen kə zìtə̀ ə jeʼ ghə̀ zìtə̀ sə̀ gàʼà kuʼsə Nyìngòŋ.

Lumans 3:3

Alì kə lə diʼ ale a viʼi Jus vətsenvə vi a və ko ə byɨmə a? Kə le diʼ la Nyìngòŋ ə tsuʼ li ə tyɨmə wen fa vəwenə a wen mu?

2 Timotì 2:13

Vəghəŋ sətsen bwìn dzèm à wen, ko ghə̀ lu bwìn dzèm a vəghəŋ, byìʼì ando ghə̀ zi ko ghə̀ lu tyen ə wenə wen.”

Taytùs 1:2

Jì nəmwèʼè aghèn ə nè la vəwenə nkɨ nəmwèʼè la Nyìngòŋ lu nè vəwenə kiʼi əbwòŋ yi a ghə̀ ko lu mè. Nyìngòŋ ko nə̀ nzhò ndzɨ̀ŋ. Əbwòŋ aghenə diʼ mu à nghʉ̀ Nyìngòŋ mibu mbi sə zìtə̀.

Hibùlù 6:18

ndiʼ vəghəŋ yen nyʉ̀ na venə la bò a ghə̀ zizi ko ghə̀ lu zhò ndzɨŋ kumə əwenə və lə, a və lɨ̀msə̀ vəghəŋ vi a və nyɨŋ dyʉ̀ lyomtə a ben Nyìngòŋ ə ne vəghəŋ ə ntùʼtə̀, kɨ nəmwèʼè la və lu kiʼi kəfo kì a və ki dyʉ̀sə nə̀ kəwenkə.

Kəmwetə 3:19

Mà kəŋkə̀ be ku ngəʼ à viʼi vi a mà ə kòŋə̀. Ghə̀ŋ ə nlɨ̀mtə̀ ə̀ bè kwitə tətyɨm ə təŋtə fà ghə̀ŋ ə mbyɨsə.