Ŋwàʼlə̀ Jud 1:7 - The New Testament in the Babanki language

⁷ Ghə̀ŋ be kwòʼtə̀ loʼ Sodòm nə̀ loʼ Gòmolyà nə̀ tə loʼ tə tsen titə a tə mboʼsə təloʼ a tentə. Ghə̀ŋ lyɨ̀ a kəchʉtə to ando viʼi loʼ a venə ə tsì to tsì a nyʉ̀ byɨvə ə vəwenə wenə ki, lyʉmə be tsi nə̀ lyʉmə. Nyìngòŋ mbyibsə li vəwenə nə̀ zhiʼ ndi kə ndiʼ a nə̀ kəchʉtə kə a viʼi vətsenvə və la Nyìngòŋ lu soʼ ə byɨbsə vəwenə nə̀ zhiʼi a ghə̀ ko lu mè.

Ŋwàʼlə̀ Jud 1:7 ပူးပေါင်းရင်းမြစ်များ

Matìyò 10:15

Ma gaʼa a ghə̀ŋ nəmwèʼè la à lu ə ndiʼ a kətsi kə nsoʼ ə̀ Nyìngòŋ, ə ngəʼ ndiʼ a viʼi ntə̀ʼ a vyì chò to ando ghə̀ ndiʼ a viʼi Sodòm nə̀ viʼi Gòmolyà.

Matìyò 11:24

Mà gàʼà ghə̀ŋ la, a lu ndiʼ a kətsi kə nsoʼ, Nyìngòŋ dìʼ kusə nshinsə a viʼi Sodòm chò ando ghə̀ lu dìʼ a ghə̀ŋ.”

Matìyò 25:41

“Fòyn ne gàʼ a lì mu gàʼ à viʼi nyʉ̀ byɨvə vi à wen a kwoŋ nànkwè la, ‘Ghə̀ŋ lukə fà mo a mbyɨ̀, ghə̀ŋ venə a Nyìngòŋ moʼò li kòyn à ghə̀ŋ lə̀. Ghə̀ŋ dyʉ̀ kwen a zhìʼ yì a ghə̀ ko lə lɨmə lì a və nshɨ̀tə̀ à Satan wenə̀ ntsɨ̀ŋsə wen.

Ŋwàʼlə̀ Luk 17:29

A ndiʼ a kətsi a Lòt nfʉ̀ fa Sodòm, Nyìngòŋ shʉ̀ʼ zhiʼ bènə̀ nguʼsə, sə fwi tò nə̀ məkàyn, fa kàŋ və shiʼi ə zhwilə viʼi vyì a Lòt nlù ə ghʉsə lì no vətsèm.

1 Kolìntyàns 6:9

Kə le diʼ la ghə̀ŋ ko kɨ la viʼi vyi a və ko diʼ viʼi kənyʉ̀ kətɨməkə ko lu zhɨ̀ tebè kəshi kəfoyn ə Nyìngòŋ mu? Kə wìʼ na ə lobtə wèn ə wen. Viʼi vyi a və tsi nə̀ ki kò wenə lʉ̀mə, a ko kiʼi vəwenə, nə̀ viʼi a və kùʼsə nshəʼsə kò viʼi a və kwaʼ əsoʼ ə làm nə̀ lʉ̀mə vyi a və bwensə tsì nə̀ vətsevə,

2 Tèsàlonyà 1:7

Ghə̀ lu nè, ghə̀ŋ viʼi a ghə̀ŋ nyenə ngəʼ luwen ghə̀ŋ kiʼi nzhʉtə, yes boŋ kiʼi. Ghə̀ ə lu nè kənyʉ̀ na kènkə azhʉ̀ a Bobo Yesò bwensə shiʼi vi fa akàŋ ə diʼi wenə wen wenə ə ntsɨŋsə wen a sə kiʼi kədyòʼ.

2 Tèsàlonyà 1:8

A lu ndiʼ ando ghə̀ shiʼi vi wenə ə ntsɨŋsə wen na shisə, kəlwàŋ kə əzhiʼ kə ə bolə, ghə̀ bwensə lòʼ viʼi vyi a və tə mò Nyìngòŋ ə be tensə la və ko zhʉ̀ tebè kənyʉ̀ ki a ntɨm ə jùŋ kumə Bobo vəghəŋ Yesò ə gàʼa.

2 Bità 2:2

Viʼi Nyìngòŋ vətsenvə ə na dzɨ̀mtə̀ təziʼi təbyɨtə ə vəwenə be nshəmə ə ntsìnə̀sə kəfwaʼlə sə vəwenə na sensə to kədə̀ŋ, viʼi zìtə̀ ə ngaʼa əgaʼa ə əbyɨghə kumə Ji yì a ghə̀ diʼi nəmwèʼè.

2 Bità 2:6

Nyìngòŋ ə nyʉʼ li əloʼ ə Sodòm nə̀ əloʼ ə Gòmolyà nə̀ zhiʼ, təloʼ na tèntə be mè, a diʼ nchwi ə diʼ la à lə kənyʉ̀ ki a kə lu fʉ̀ a viʼi vyi a və ko zhʉ̀ tebè wen.

2 Bità 3:7

To byìʼì ə gaʼa Nyìngòŋ na ghenə əkaŋə yì a ghə̀ diʼi luwen nə̀ nse diʼ ghə̀ byətə byətə ndiʼ əzhʉ̀ lù kwʉʼ ghə̀ byɨbsə nə̀ zhiʼi. Ndiʼ zhʉ̀ lù kwʉʼ ghə̀ soʼo byɨbsə viʼi vyi a və ko zhʉtə tebè fa wen.