Ŋwàʼlə̀ Jud 1:21 - The New Testament in the Babanki language

²¹ Ghə̀ŋ ə ntsi ntsìnə̀ ghə̀ŋ, kɨ nəmwèʼè la Nyìngòŋ ə koŋə ghə̀ŋ to ando ghə̀ŋ kəʼtə ə kiʼi ntsìnə̀ yì a ghə̀ ko lu mè to ando Bobo vəghəŋ Yesò Klistò lu ku a ghə̀ŋ byìʼì kusə nshinsə ə wen.

Ŋwàʼlə̀ Jud 1:21 ပူးပေါင်းရင်းမြစ်များ

Joyn 1:17

Nyìngòŋ bè ə ku Əsoʼ, ghə̀ chò fa kəvu ə Mosìs. Ə kusə shinsə tə sə vi, no tèbe nə̀ ghoʼ yi a ghə̀ diʼi nəmwèʼè, chò ji fa kəvu ə Yesò Klistò.

Joyn 14:21

“Wìʼ yi a ghə̀ kòŋ mò diʼ wìʼ yi a ghə̀ zhʉtə təsoʼ ə tyomtə. No ndò a ghə̀ kòŋə̀ mo, Tìʼ ghom kòŋ wen, ma be kòŋ wen, diʼi ji shomsə a wen.”

Shwèʼ 11:23

Ghə̀ dyʉ̀ tsu ə̀ yèn ando Nyìngòŋ diʼì li tyɨm jùŋghə à vəwenə, ə̀ sə saŋlə no nànto ə sènsə vəwenə la vəwenə mboʼsə Nyìngòŋ nə̀ tyɨm vəwenə no tsèm.

Lumans 5:21

Mbyɨ ə diʼi kədyòʼ kì a ghə̀ kiʼi chò fa pfʉ ali Nyìngòŋ ə diʼi la ətyɨm ə jùŋə ə wenə ə kiʼi kədyòʼ ə lyɨ̀ vəghəŋ a viʼi kənyʉ̀ kətɨməkə ə ku ntsìnə̀ yì a ghə̀ ko lu mè a vəghəŋ chò fa a Bobo vəghəŋ Yesò Klistò.

Lumans 5:5

Vəghəŋ zizi ko və lu ə gho kəfo na kènkə a və ki dyʉ̀sə̀ nə̀ kəwenkə lə byìʼì ando Nyìngòŋ ə kù li Kəzhwì kə Ŋwoʼkə, kə sə diʼi kòŋ ə wen a vəghəŋ.

Lumans 6:23

Ghə̀ŋ kɨli la əmòʼtə mbyɨ ə diʼ əpfʉ̀ ali Nyìngòŋ ə ku ə ntsìnə̀ yì a ghə̀ ko lu mè to kədyàŋ chò fa a Yesò Klistò ə Bobo vəghəŋ.

Lumans 8:39

kò à diʼi mbi yì a ghə diʼ akàŋ kò à diʼ yi a kə diʼ a ti ə nse, la no kəfo kə tsenkə zizi ko kə lu ə ghəsə vəghəŋ fa kòŋ yi a Nyìngòŋ ə diʼi li chò fa kənyʉ̀ yi a Bobo vəghəŋ Yesò Klistò ə nè a vəghəŋ.

2 Kolìntyàns 13:14

Bobo Yesò Klistò ndiʼi ətyɨm ə jùŋə ghə̀ a ghə̀ŋ, Nyìngòŋ be ndiʼi əkòŋ a ghə̀ŋ, kəzhwì kə Ŋwoʼkə faŋ to ghə̀ŋ no vətsèm.

2 Tèsàlonyà 3:5

Yès ə jɨ̀mə̀ la Bobo nè ghə̀ŋ yen əkòŋ yì a Nyìngòŋ ə kòŋ ghə̀ŋ ə be nè la ghə̀ŋ ə wensə to wensə to nə̀ Klistò.

1 Timotì 1:2

Mà nyòʼo ŋwàʼlə̀ ghèn à wù a Timotì. Wù dìʼ to no ə nkàyntə̀ wàyn a mo byìʼì ando yowù ə kiʼ tò byɨmə ə mùʼ. Nyìngòŋ Tìʼ, wenə Yesò Klistò, ə Bobo vəghəŋ ə diʼi ətyɨm jùŋ ghə̀, nə̀ əkusə shinsə, bè nè wù ntsi nə̀ mbwaʼmə.

2 Timotì 1:16

Mà jɨ̀mə̀ la Nyìngòŋ diʼ kusə shinsə à viʼi ngwaʼ ə ngə̀ŋ nə̀ Onèsìpholùs byiʼ ando ghə̀ tə nè la ma ə saŋlə. Ghə̀ ko tə ə diʼsə kətʉ la ma dìʼ a ngə̀ŋ mfɨŋ.

2 Timotì 1:18

Mà jɨ̀mə̀ la Nyìngòŋ lù diʼ ə kusə nshinsə a wen à Kətsi kə bàm. No wù ə kɨ ando ghə̀ ngyàmtə̀ mò a Efesùs.

2 Timotì 1:2

Timotì, wàyn kòŋ ə̀ mò, Nyìngòŋ ə Tìʼ, wenə Yesò Klistò, ə Bobo vəghəŋ ə diʼi ətyɨm ə jùŋ ghə̀ à wù nə̀ əkusə shinsə, ə be ku mbwaʼmə a wù.

2 Timotì 4:8

Mà sə kə̀ʼtə̀ tò əmòʼtə ntsìnə̀ ə tɨmə ə̀ mò luwèn, Bobo vəghəŋ yi a ghə̀ soʼo viʼi a ji tɨmə ə lu ku əmòʼtə a ghenə à mò a kətsi kə nsoʼ. Ghə̀ ko lə ku tò à mò, ghə̀ lu be ku te be à viʼi vyi a və tə ə nkə̀ʼtə̀ məvi ə wen nə̀ ə koŋə.

Hibùlù 9:28

A lə diʼ fa ji a ghèn a və ə nku Yesò ghə̀ pfʉ to aghayn ə mùʼ ə shʉ mbyɨsə viʼi no vəghoʼo. Ghə̀ lu bwenə ko ghə̀ be vi ə shʉ mbyɨsə viʼi, ghə̀ lu vi ə bwoŋsə̀ viʼi vyi a və nyʉ̀ʼ kəʼtə wen nə̀ tətyɨm tə vəwenə no tsèm.

2 Bità 3:12

Ando ghə̀ŋ ə nyʉ̀ʼ kəʼtə kətsi kì a Nyìngòŋ ə ghʉ li la Yesò lu vi, be mwomsə ə nè la kə zaŋsə vi. A lu ndiʼ a kətsi na yi, əkaŋ ə fwi, ə zhiʼi ə nyʉʼ no tèbe ghò yi a ghə̀ diʼi akàŋ.

1 Joyn 4:16

Alì, vəghəŋ ə kɨ be byɨmə əkòŋ yi a Nyìngòŋ kìʼ à vəghəŋ. Nyìngòŋ dìʼ əkòŋ, no ndò a ghə̀ ə kòŋə̀ viʼi vətsenəvə və dìʼ wenə və Nyìngòŋ a kənyʉ̀ kə mùʼ.

1 Joyn 5:18

Vəghəŋ ə kɨ la no ndò a dìʼ wàyn Nyìngòŋ ko nè mbyɨ, byìʼàndo Wàyn ə tùʼmə̀ nə̀ wen kò à ndiʼ la Deblə̀ zì ghə̀ ku ngəʼ à wen no fa mpfen.

1 Joyn 5:21

Kə ghə̀ŋ a nkiʼ kənyʉ̀ kə tsenkə nè wenə vənyìngòŋ a vunə vwomə.

Ŋwàʼlə̀ Jud 1:1

A nyòʼò mò Jud ə lèmə̀ Jems ə nyòʼtə̀ ŋwàʼlə̀ ghèn a ghə̀ŋ. Mà diʼ wù ə shwèʼè ə Yesò Klistò. Ma nyòʼò ŋwàʼlə̀ ghèn a ghə̀ŋ a vəlemə və jùŋ və vyi a və ndzàŋ li ə shisə, ghə̀ŋ sə tsi a tyì əkòŋ Nyìngòŋ Tìʼ, Yesò Klistò ə sə lye ghə̀ŋ.

Ŋwàʼlə̀ Jud 1:22

Ghə̀ŋ ə nkusə nshinsə a viʼi vyi a və mɨŋmə kənyʉ̀ ki a vəwenə ə byɨmə.

Ŋwàʼlə̀ Jud 1:24

Vəghəŋ ə nkuʼsə Nyìngòŋ yi a ghə̀ kiʼi kədyòʼ ə ghaʼ ghə̀ŋ la kə ghə̀ŋ fəŋ, kiʼi kədyòʼ ə nè la ghə̀ŋ layn ə kwʉʼ kò ghə̀ŋ lu kiʼ Mbyɨ no fa pfen, be kiʼ kədyòʼ ə ghʉ̀ ghə̀ŋ a ntìntìn əbayn ə ghoʼo ghə̀ ə Nyìngòŋ, la ə saŋlə ə ghoʼo ghə̀ ə ndiʼ a ghə̀ŋ.

Kəmwetə 12:11

Vəlèmə̀ avenə soyn li ə̀ nzhɨ wen byìʼ mənlyuŋ mə wàyn bi njɨ̀ nəmwèʼè yì a vəwenə tə̀ nshə̀ʼtə̀ bè kòŋə̀ əku təwen tə vəwenə pfʉ byìʼ wen.