Matìyò 9:33 - The New Testament in the Babanki language

³³ Yesò dzɨ̀mə̀ shisə kəzhwì kə byɨkə a kì alì, wìʼ a yi ə gàʼa. Ənòyn ə viʼi vyi ə sə dìʼ nə̀ kàynə ə gàʼa la, “vəghəŋ ko tɨmə yen nki kənyʉ̀ alə̀ aloʼ ə Islel a shə̀.”

Matìyò 9:33 ပူးပေါင်းရင်းမြစ်များ

Matìyò 8:10

Yesò zhʉ kənyʉ̀ kèn ə sə diʼ nə̀ kaynə ə gàʼ à viʼi vyì a və jèʼè fa wen bàm lì la, “Ma gàʼ à ghə̀ŋ nəmwèʼè la, mà ko tɨmə yen wìʼ, a ghə̀ kiʼi nkì byɨmə ghənə, a loʼo Islel.

Matìyò 9:32

Viʼi vyì a Yesò ə chʉʼʉ li ə ne sə ə lù və be vi nə̀ wìʼ a Yesò ghə̀ kiʼ kəzhwì kə byɨkə, ko ghə̀ be gàʼa.

Ŋwàʼlə̀ Mak 2:12

Tò a zhʉ ayì, ghə̀ lù tò a shɨ viʼi vətsèm ə̀ lyɨ̀ əghàm kə wen ə̀ fʉ sə dyʉ̀. Vəwenə vətsèm ndìʼ nə̀ kanə mù sə bwomsə̀ Nyìngòŋ gàʼà la, “Yès nko təmə̀ yèn nki kənyʉ̀ alə̀.”

Ŋwàʼlə̀ Luk 11:14

A sə ndiʼ kətsi kətsenkə Yesò sə dzɨ̀mə̀ kəzhwì kə byɨkə fà wìʼ a wèn a kə nè ghə̀ sə diʼ jɨ. Ando ghə̀ dzɨ̀mə̀, kəzhwì kə byɨ kə a kyì kə fʉ̀ no zhʉ kò wìʼ ayi zìtə̀ sə gàʼà. Nòyn viʼi a və ndiʼì tsu sə diʼ nə̀ kàynə.

Ŋwàʼlə̀ Luk 7:9

Yesò zhʉ kənyʉ̀ a kì a ghə̀ ngàʼa lì sə diʼ nə̀ kaynə, ghə̀ gàʼ à tənòyn tə viʼi tì a tə ndzɨ̀mtə̀ wen la, “Ma ko təmə yen wìʼ, a ghə̀ kiʼi nki byɨmə ghenə a tyì loʼ Islel.”