Matìyò 9:27 - The New Testament in the Babanki language

²⁷ Yesò ə nlu li ə bè sə dyʉ̀, viʼi və shɨfkəvə vətsenəvə mu sə dyʉ̀ tò a wenə a bàm, və bò, dzàŋ gàʼa tò la, “Kusə shɨnsə a yès a Wàyn Fòyn Devìt!”

Matìyò 9:27 ပူးပေါင်းရင်းမြစ်များ

Matìyò 1:1

Tèntə diʼ təzhiʼ tə vətìʼ Yesò Klistò, wàyn Devìt yì a tìʼì wen ndiʼ Ablaham.

Matìyò 11:5

Nfyɨ̀f bwènsə̀ yenə shi, və ngesə̀ fwen jèʼè tò a nkàyn, viʼi kənsòtə̀ to, mpfʉ sə tʉ sə zhʉ shi, və bwènsə̀ lùsə̀ viʼi vəpfʉkəvə, be shə̀ʼtə̀ ntɨm jùŋ a viʼi a və femə.

Matìyò 15:22

Wùwì Kanà tsen a ghə̀ ntsi boʼsə tsu vi à Yesò mù sə zɨmə dì gàʼà la,“Kusə nshinsə à mò a Bobo, wàyn fòyn Devìt! Wàyn ghom wùwì yenə ngəʼ no nànto byìʼàndo ghə̀ kiʼi kəzhwì kəbyɨkə.”

Matìyò 17:15

ə̀ gàʼ la, “Bobo kusə nshinsə à wàyn wùlɨm ghom ghèn. Ghə̀ nkwaʼa nə̀ kəmbvʉ̀ kə. Kə zhuŋsə̀ wen no nànto nè ghə̀ fəŋə nghoʼo məzhʉ̀ a zhìʼ ko à mù.

Matìyò 20:29

Yesò wenə̀ ndzɨ̀mtə̀sə bàm wen nè lù sə mfʉ̀ fa Jèlikò viʼi no və ghoʼo lù sə̀ dyʉ̀ fà vəwenə a bàm.

Matìyò 21:15

Tʉtʉ vəpfèm və ngə̀ŋ Nyìngòŋ bènə̀ ndìʼsə̀sə təsoʼ sə̀ fwisə̀ tin ando vəwenə nyèn nyʉ̀ kanəvə vi a ghə̀ nè bè zhʉ̀ ando vunə nzɨmə gàʼà tsu la, “Ghoʼsə diʼ à wàyn fòyn Devìt.”

Matìyò 21:9

Nòyn viʼi vi a ghə̀ ndyʉ̀ fa shɨ Yesò nə̀ yi a ghə̀ mvì fà wen a bàm zìtə̀ sə̀ zɨmə gàʼà la, “Ghoʼsə dìʼ à wàyn fòyn Devìt! Nyìngòŋ bwaʼsə wìʼ yì a ghə̀ vi a zhiʼ nə̀ Bobo! Ghoʼsə diʼ à Nyìngòŋ a ghə̀ diʼ a kàŋ.”

Matìyò 9:28

Ghə̀ dyʉ̀ kwen a ngə̀ŋ, viʼi a vyə ə vi ə bùmtə wen tsu. Ghə̀ bèm a vəwenə la, “Ghə̀ŋ byɨmə nəmwèʼè la mà zi ə mà ne ə ghə̀ŋ bè yenə əshi a?” Vəwenə bwènsə̀ la, “Yès ə byɨmə a Bobo.”

Ŋwàʼlə̀ Mak 11:10

Mbwaʼmə fòn diʼ a fòyn ə Devìt yì a ghə̀ vì! Hosanà dìʼ à Nyìngòŋ yì a ghə̀ diʼì a kəshi kə ŋaŋtəkə!

Ŋwàʼlə̀ Mak 9:22

“Nghoʼo məzhʉ̀ kə lu nkəŋə əzhwi wen; mòʼò wen a zhìʼ ko à mù. A sətsèn ndiʼ mu wù zì wù ne kənyʉ̀ wu kùsə nshinsə à yès ə̀ gyàmtə̀ yès.”

Ŋwàʼlə̀ Luk 17:13

Ə zɨmə gaʼa wen la, “Yesò kusə nshinsə à yès a Tìʼ,”

Ŋwàʼlə̀ Luk 20:41

Ghə̀ mù bèm a vəwenə la, “Wìʼ lè zì ghə̀ gàʼ la Klistò dìʼ wàyn Devìt a?

Ŋwàʼlə̀ Luk 7:21

Vəwenə nsə vì alì, Yesò chʉʼʉ viʼi a zhʉ ayì no və ghoʼo fa tənkì tə təkwaʼa tìtə a vəwenə nkwaʼa nə̀ təwentə be dzɨ̀mə̀ zhwì byɨvə, be nè la nfyɨf ghoʼvə bwènsə̀ yen shi.

Joyn 7:42

A Ŋwàʼlə̀ Nyìngòŋ gàʼ la Klistò lu fʉ̀ fa ngwaʼ ngə̀ŋ ə Fòyn Devìt, la və lu bwi wen a Betə̀lèhem a ntə̀ʼ nə̀ Devìt?”

Lumans 1:3

Ntɨm ə jùŋ a ghèn ə gàʼà kumə Wàyn Nyìngòŋ, ə Bobo vəghəŋ Yesò Klistò. Ghə̀ nvi a nse a wìʼ, və bwi wen a ngwaʼ ngə̀ŋ ə Devìt.

Lumans 9:5

Vətiʼi və vəwenə ə ndiʼ viʼi Nyìngòŋ. Yesò no nə̀ wenə wen ə nvi a nse to nə̀ wù əloʼ vəwenə. Nyìngòŋ ə ndiʼ a kətʉ kə əfo ə tsèm, viʼi diʼ ə nkuʼsə wen to məzhʉ̀ ə tsèm. Amèyn.