Matìyò 9:2 - The New Testament in the Babanki language

² Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Matìyò 9:2 ပူးပေါင်းရင်းမြစ်များ

Matìyò 14:27

No a zhʉ̀ kò Yesò gàʼ à vəwenə la, “Ghə̀ŋ ghaʼa tətyɨm təŋtə! à diʼ mo,kə ghə̀ŋ à fwàyn.”

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Matìyò 6:12

Lyesə ku ənyʉ̀ ə byɨvə ə yès, tò ndə̀ŋndəŋ ando yès ə lyèsə̀ ku no ndò yì a ghə̀ ne mbyɨ a yès.

Matìyò 8:10

Yesò zhʉ kənyʉ̀ kèn ə sə diʼ nə̀ kaynə ə gàʼ à viʼi vyì a və jèʼè fa wen bàm lì la, “Ma gàʼ à ghə̀ŋ nəmwèʼè la, mà ko tɨmə yen wìʼ, a ghə̀ kiʼi nkì byɨmə ghənə, a loʼo Islel.

Matìyò 8:16

A nè sə ndiʼ a kəlyɨŋ kə mpfwòmə, və vì nə̀ viʼi à wen no və ghoʼo a və nkiʼi zhwì byɨvə, Yesò gàʼ tò kənyʉ̀ kə mùʼ, zhwì byɨvə a vyì fʉkə, ghə̀ bè chʉʼ viʼi və kwaʼkə və no vətsèm.

Matìyò 9:22

Yesò ə kaʼsə ə yen wen ə mù gàʼ la, “Kə wu faynə a wàyn ə ghom. Byɨmə ə wu ne li wù to.” A diʼ toʼ zhʉ yi a wùwì a yi ə to tsu.

Matìyò 9:5

A bwaʼmə kəkò, əgàʼ la, ‘Və lyesəli nku mbyɨ shəsə’ mu, əgàʼ la, ‘Lu jeʼ a?’

Matìyò 9:6

Ma diʼi à ghə̀ŋ luwen la Wàyn Wìʼ kiʼi adyòʼ a kwi nse ə lyesə ku mbyɨsə viʼi.” Ghə̀ gàʼ alì mù gàʼ à wù kənkwaʼkə yì la, “lu lyɨ ghàm ə wu mpfwo.”

Ŋwàʼlə̀ Mak 1:32

A nè sə ndiʼ a kəlyɨŋ kə zhʉ mpfwòmə, viʼi vì nə̀ viʼi və kwaʼkəvə vəwenə no vətsèm bènə̀ vi a və nkiʼi zhwì byɨvə,

Ŋwàʼlə̀ Mak 10:49

Yesò tɨmə mù gàʼ la, “Ghə̀ŋ dzàŋ wen ghə̀ vi à mò.” Vəwenə dzàŋ wù kənshɨ̀f ayì ə̀ gàʼ à wen a zhʉ ayì la, “Kə a fàyn, lù vì, ghə̀ ye ghə̀ dzàŋə̀ wù.”

Ŋwàʼlə̀ Mak 5:34

Yesò gàʼ à wen la, “Wàyn ghom, byɨmə wu ne li wù nto. Pfwo tò nə̀ mbwaʼmə̀. To fà wù a kwaʼa.”

Ŋwàʼlə̀ Mak 6:50

No a zhʉ ko, ghə̀ gàʼ à vəwenə la, “Kə ghə̀ŋ a fàyn. A dìʼ mo. Ghə̀ŋ ghaʼ tətyɨm təŋtə.”

Joyn 16:33

Mà shə̀ʼtə nyʉ̀ a venə a ghə̀ŋ alə̀ ndi ghə̀ŋ faŋ to mò, ə kiʼi mbwaʼmə. Ghə̀ŋ na kiʼi ngəʼ a mbyi ashə. Alì kə wìʼ na bwaʼ! Ma to li chò mbyi.”

Joyn 2:25

Wìʼ ə ko ə be diʼ ə shə̀ʼtə̀ kəfo shə̀ʼtə̀ a Wùmə̀nsòŋ diʼ kəwenkə a wen byìʼì ando ghə̀ nkɨ təkwòʼtə̀ tə viʼi.

Joyn 21:5

Ghə̀ dzàŋ bèm a vəwenə la, “Ghə̀ŋ ko ghaʼa kəfo a və vəlemə?” Vəwenə bwensə la, “Yes ə ko ku.”

Shwèʼ 14:9

Wìʼ aghèn ŋwʉʼʉ sə zhʉtə̀ ando Bol ngàʼà à viʼi. Bol ki wen tò fəchìʼ ə̀ yèn la ghə̀ kìʼ byɨmə mu ghə̀ zì ghə̀ nè ghə̀ to,

Shwèʼ 19:12

Viʼi nlyɨ̀ ndisə shyèʼ wen nə̀ basə ndisə vi a ghə̀ ntyì kəzhʉʼsə kə wen tsu, dyʉ̀ nə̀ wenəvə à viʼi və kwaʼkəvə, və nè vəwenə to, zhwì byɨvə be fʉ̀kə̀ fà vəwenə a təwèn.

Shwèʼ 23:11

A nè sə ndiʼ nəntʉʼʉ, Bobo vì tɨ̀mə a mbyɨ̀ Bol ə̀ gàʼ à wen la, “Nkiʼ tyɨm toghə tò a lì! Ando wù tɨmə̀ li a nə̀ wuyenə à mò a shɨ viʼi Jelusalèm, wù diʼ be dyʉ̀ tɨmə tò a lì a shɨ viʼi a Lum.”

Lumans 5:11

Ə kwʉ̀ʼsə, vəghəŋ ə boŋ saŋlə kumə wìʼ yi a Nyìngòŋ ə diʼ wen, mu à nè Bobo vəghəŋ Yesò Klistò la vəghəŋ kaʼkə ndiʼ ndoŋsə Nyìngòŋ.

Jems 2:18

Wutsen a gàʼ la, “Wù kìʼ byɨmə mà kiʼ shyèʼ. Dìʼi ji à mò a wù zì wù kiʼi tò byɨmə kènə̀ shwèʼè, mà diʼ byɨmə ghomə chò fà mò a shwèʼ à wù.”