Matìyò 9:18 - The New Testament in the Babanki language

¹⁸ Yesò ə bu gàʼa tò gàʼa, wù ə kətʉ ə viʼi və Jus ə tsen ə vi ə laŋtə a wen alwi ashɨ ə gàʼa la, “Wyè ghom pfʉ li toʼ luwen lə̀ alì ma kəŋ la wù vi ə kùmə̀ wen toʼ kùmə̀ ə ndi ghə̀ bwənsə lu.”

Matìyò 9:18 ပူးပေါင်းရင်းမြစ်များ

Matìyò 14:33

Ndzɨ̀mtə̀sə bàm wen shìsə a sə ndiʼ a nkanuʼ mù sə gumlə wen gàʼà la,“Nəmwèʼè, wù diʼ wàyn Nyìngòŋ.”

Matìyò 15:25

Wùwì ayì kwentə vì gwʉ̀ʼtə alwi wen a nse ə̀ gàʼ la “Bobo gyamtə mo.”

Matìyò 17:14

Yesò nè bwènə̀ shiʼi fa kwi pfen wenə̀ ndzɨ̀mtə̀sə bàm wen shì sətaʼ vì kwʉ̀ʼ nòyn viʼi tsenghə. Wùlɨm tsen fʉ̀ fa tì nòyn a yì gwʉ̀ʼtə alwi wen a shɨ Yesò

Matìyò 20:20

Wì Zebedì vì à Yesò nə̀ vunə wen vəbò, shìʼi à wen a nchiʼsə alwi ə̀ gàʼ à wen la ghə̀ ne kənyʉ̀ a yì.

Matìyò 28:17

Vəwenə dyʉ̀ zaʼa tsu yèn wen mù sə̀ gumlə̀ wen, a lì vətsenvə bù momə̀ tò mwòmsə la wù lə̀ gàʼà la adiʼ wen lo.

Matìyò 8:2

Wù kənsòtə̀ tsen vì ə gwʉ̀ʼtə alwi wen ashɨ Yesò ə gàʼ à wen la, “Wù sətsèn kòŋ wù chʉʼ mo.”

Matìyò 8:25

Ndzɨ̀mtə̀sə bàm wen mù dyʉ̀ sə zhòmə wen gàʼ à la, “Bobo, lù ə bwòŋsə yès, yès a pfʉkə!”

Matìyò 9:17

Kə lə diʼ to ndə̀ŋndəŋ ando viʼi ko tɨmə ə wye məlyʉ̀ʼ kenla mə to li a vəsaʼ və gwʉ̀ nyamsə musə. Və ne ali, ə vəsaʼ a vyi sə baykə, və a gho məlyʉ̀ʼ ə gho vəsaʼ. Və lèmə̀ bòŋsə wye tò məlyʉ̀ʼ kenla mə to li a vəsaʼ və fivə. Və ne alì, ko kəfo kə a lè.”

Matìyò 9:19

Yesò ə lu tò lu wenə ndzɨ̀mtə̀sə bàm ə wen ə mu sə dyʉ̀ abàm ə wìʼ a yi.

Matìyò 9:24

Ghə̀ gàʼa a vəwenə la, “Ghə̀ŋ fʉ. Wàyn ghèn ko pfʉ pfʉ, ghə̀ bʉnə bʉnə.” Vəwenə mu sə chyeʼ wen tò chyeʼ.

Ŋwàʼlə̀ Luk 13:14

Alì kətʉ kə ngə̀ŋ ntsentə a kyì sə fwisə tin fambwo Yesò nchʉʼ wìʼ a kətsi kəzhʉ̀tə kə vəwenə mù gàʼ à viʼi la, “Mətsi mə shyèʼ diʼi ntʉfə a woŋ mpfen, ghə̀ŋ a kətsi kəzhʉ̀tə kə.”

Ŋwàʼlə̀ Luk 18:18

Kətʉ kə və Jus kə tsenkə mù bèm à Yesò la, “Ndìʼsə̀ jùŋə, mà lè zì mà nè no ghò ndi lu kiʼi bwòŋ a ghə̀ a fàŋ tò ghayn mùʼ a?”

Ŋwàʼlə̀ Luk 7:2

Kətʉ kə ve sugyèʼ viʼi Lum vətsenvə ndiʼ tsu, kiʼ wù shyèʼ wen, a ghə̀ nkòŋ wen no nə̀ nànto. Wù shyèʼ a ghèn nkwaʼa no nànto, sə diʼ tò mə pfʉ.

Joyn 11:25

Yesò ə gàʼ a wen la, “A lusə mò lusə viʼi fa pfʉ̀, ku kədyòʼ la və tsi. A byɨmə no ndò a mò, pfʉ tèbe pfʉ, ghə̀ ne bwensə lù ntsi.

Joyn 11:32

Ghə̀ dyʉ̀ zàʼa akəshi yi a Yesò ndiʼ tsu ə yenə vi nə̀ wen alə̀ ə fəŋ to a wen ashɨ ə gàʼ la, “Bobo, wù to ndiʼ ashə, mu lèmə̀ ghom ko tə pfʉ̀.”

Shwèʼ 13:15

Və dzàŋ nyʉ̀ fa ŋwàʼlə̀ soʼ Mosìs bènə̀ fa vəŋwàʼlə̀ və nshə̀ʼtə̀ sə ghoʼkəsə, viʼi vyi a və ntisə nyʉ̀ a ngə̀ŋ ntsèntə̀ tɨm wìʼ la ghə̀ gàʼ à vəwenə la, “Vəlèmə̀ vyesə, a zhʉ a ghə̀ŋ kiʼi kənyʉ̀ əgàʼ a kə a gyàmtə̀ ətosə byɨmə viʼi venə, ghə̀ŋ ə gàʼa.”

Shwèʼ 28:8

A ndìʼ a lì, tìʼ Bubliyus kiʼ bvìʼ, bèm ə wen be tsuʼu. Bol kwen dyʉ̀ a tì ngə̀ŋ yì a ghə̀ nyoŋ tsu, ə̀ ghʉ avu wen à wen a kətʉ ə̀ jɨ̀m, kwaʼa ayi mè.