Matìyò 8:6 - The New Testament in the Babanki language

⁶ “Bobo, wu shyèʼ mò nyəŋ a ngə̀ŋ mu ghə̀ kwaʼkə li kèn la ghə̀ kiʼi ji ə jèʼè, be zhʉ zaf no nànto.”

Matìyò 8:6 ပူးပေါင်းရင်းမြစ်များ

Matìyò 4:24

Soʼo gho kùmə̀ shwèʼ wen dyʉ̀ a loʼ Sylia no tsèm, viʼi mù sə̀ lyɨ̀ viʼi nə̀ tə nkì tə kwaʼa vì nə̀ vəwenə à Yesò. Və sə̀ vì nə̀ viʼi a və nzhʉ lɨ̀m njòsə wen no ŋàŋ, vì nə̀ vətsen və a və nkiʼi zhwì byɨvə bènə̀ viʼi kembvʉ bènə̀ viʼi mu və kwàʼkəli, Yesò chʉʼ vəwenə no vətsèm.

Matìyò 8:7

Yesò gàʼ à wen la, “Mà vì əchʉʼ wen.”

Matìyò 9:2

Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Shwèʼ 10:7

Ntsɨ̀ŋ ngə̀ŋ Nyìngòŋ ayì nè gàʼ mwètə̀ ə̀ lù. Kòneliyòs dzàŋtə̀ viʼi shwèʼ wen vəbò, ə boʼsə nə̀ sugyèʼ tsen, mùʼ a ghə̀ mbe fànə̀ Nyìngòŋ,

Shwèʼ 8:7

Andìʼ a lì, viʼi vəghoʼo və tsu kiʼi zhwì byɨvə. Filib dzɨ̀m ə̀ shìsə̀ zhwì byɨvə a vyi, no tə kəkò kə sə fʉ̀ dì no a gɨ to. Viʼi kənkwaʼkə bènə̀ vənlaʼfwen bè tokə.

Shwèʼ 9:33

Ando ghə̀ nshiʼi lì ghə̀ yen wutsen tsu a zhiʼ wen ndìʼ Enyàs, mu ghə̀ kwaʼkə li sə nyoŋ tò a kwen a tì ngwʉ̀ʼsə fwomə.

Kòlòsyàns 3:11

Ali, ə nəkwoŋ ko diʼ ko ghə̀ lu ndiʼ a wìʼ, kò à diʼ wù ə Jus kò à diʼ wù ə Glek, kò və shɨtə li wen kò və ko shɨtə, kò à diʼ wù kətɨm. Ə nəkwoŋ kodiʼ a viʼi vi a diʼi əkos nə̀ viʼi vyi a və diʼ fa ngəŋ, ali kənyʉ̀ kə tokə diʼ to Yesò. Ghə̀ diʼ a ntìntìn viʼi wen və tsèm.

Kòlòsyàns 4:1

Ghə̀ŋ ghaʼa viʼi vyi a və shwèʼè a ghə̀ŋ a jisə jùŋsə a vətiʼ və əshwèʼ, be ku əfo vi a vəwenə diʼ ə kiʼ. Ghə̀ŋ kɨ la ghə̀ŋ be kiʼi tìʼ shwèʼè akàŋ.

1 Timotì 6:2

Əkòs vi a və shyèʼ à viʼi, a diʼ viʼi və byɨməvə ə ko diʼ ə nchasə vəwenə byìʼì ando və tìʼ və shyèʼ a vi ə diʼ viʼi və byɨməvə to nə̀ vəwenə. Vəwenə ə diʼ ə mbòŋsə̀ shwèʼ nə̀ kədyòʼ kə byìʼì ando se a yi ə dyʉ̀ à wìʼ, a dìʼ wù ə byɨmə, vəwenə kòŋ wen. Wù dìʼ ə shɨ̀tə̀ ə ziʼi ənyʉ̀ a venə à vəwenə.

Filimùyn 1:16

Ə zìtə̀ fa luwen, ghə̀ ko be diʼ a wù to nə̀ kəkòs kə, ghə̀ a ndiʼ a yowù to nə̀ lèmə̀ yowù a yowù ə kòŋ byìʼì ando vəghəŋ vəwenə ə kiʼi əbyɨmə ə mùʼ. Ma kòŋ wen, ali wù diʼ ə ne kòŋə̀ wen chò ando ma kòŋ. Wù ne kòŋ wen to nə̀ kəkòs ə kyəkə, be kòŋ wen to nə̀ wìʼ yi a ghə̀ əbyɨmə li a Bobo.