Matìyò 8:4 - The New Testament in the Babanki language

⁴ Yesò mù gàʼ à wen la, “Kə wù a mwòm əshə̀ʼtə̀ kənyʉ̀ a kə cho à wìʼ. Alì dyʉ̀ ə dìʼ wen wu à pfem ngə̀ŋ Nyìngòŋ be ku kəku kì a soʼ Mosìs ngàʼa la wìʼ to fa kənsòtə̀, ghə̀ ku kəku ndi viʼi kɨ la wù to li.”

Matìyò 8:4 ပူးပေါင်းရင်းမြစ်များ

Matìyò 10:18

Və lu ghaʼ dyʉ̀ tomə ghə̀ŋ ashɨ ə viʼi və soʼ və nə̀ təfòyn tə byìʼì mo, ə ghə̀ŋ shə̀ʼtə̀ ntɨm ə jùŋ ə mo a vəwenə ə bè shə̀ʼtə̀ a viʼi ətɨm.

Matìyò 16:20

Yesò gàʼ a lì mù tyɨftə ndzɨ̀mtə̀sə bàm wen la kə vəwenə lə shə̀ʼtə̀ à wìʼ la yì dìʼ Wìʼ yì a Nyìngòŋ ntsuʼ li ə̀ ghʉ.

Matìyò 17:9

Vəwenə nè sə mbwènə̀ shiʼì fa kwi pfen yì Yesò tyɨftə vəwenə la, “Kə ghə̀ŋ à shə̀ʼtə̀ kənyʉ̀ kèn a ghə̀ŋ yenə lə̀ à wìʼ əzaʼa fa tʉʼ a Wàyn Wìʼ lə pfʉ və lusə wen fa pfʉ.”

Matìyò 3:15

Yesò gàʼ à wen la,“Yowù nè tò alə̀ luwèn ku tò ku byiʼàndo à diʼ tò a ji a ghèn a vəghəŋ diʼi nè nyʉ̀ vyi a Nyìngòŋ kəŋ.” Joyn mù byɨmə əku.

Matìyò 5:17

“Kə ghə̀ a nkwòʼtə̀ la mà vì ə tsəʼsə soʼ yi a Mosìs nlù kù bènə̀ nyʉ̀ vyi a nshə̀ʼtə̀ sə ghoʼkə sə nlù nyòʼ. Mà ko tə vì ə tsəʼsə nyʉ̀ avyi, mà bòŋsə vì ənè la nyʉ̀ avyi ndiʼ nəmwèʼè.

Matìyò 6:1

“Ghə̀ŋ tùʼmə̀, la kə ghə̀ŋ a nè nyʉ̀ jùŋ və a zhìʼ Nyìngòŋ tò byìʼì ando ghə̀ŋ kəŋ la viʼi yen ghə̀ŋ. Ghə̀ŋ sə tsèn nè ali, kò Tìʼ ghə̀ŋ a ghə̀ dìʼ a kaŋ lə ku mòʼtə̀ à ghə̀ŋ.

Matìyò 9:30

Vəwenə bwənsə mu sə yenə əshi. Yesò ə tensə a vəwenə la, “Kə wìʼ nə̀ zhʉ.”

Ŋwàʼlə̀ Mak 13:9

“Nkàntə̀ ghə̀ŋ diʼ ntùʼmə̀. Və lu ghaʼ ghə̀ŋ ə ku la və soʼ ə̀ ghòm ghə̀ŋ a aloʼ ntsèntə̀sə a shɨ viʼi a və soʼo nə̀ təfòyn tə byìʼì mò, ghə̀ŋ lyɨ kəshi kom ə̀ tùʼtə̀ shə̀ʼtə̀ ntɨm jùŋ ə ghom a vəwenə.

Ŋwàʼlə̀ Mak 3:12

Yesò ə ku soʼ à vəwenə la kə və a shə̀ʼtə̀ wìʼ a yi diʼi wen.

Ŋwàʼlə̀ Mak 5:43

Yesò ku soʼ la kə vəwenə a shə̀ʼtə̀ kənyʉ̀ a kə cho à wìʼ, mù bè gàʼ la vəwenə ku kəfo wàyn ayì zhɨ.

Ŋwàʼlə̀ Mak 6:11

No a ntə̀ʼ ko a ghə̀ŋ dyʉ̀ tsu və faŋ ke shisə ghə̀ŋ ko əzhʉtə kənyʉ̀ a ghə̀ŋ gàʼà, ghə̀ŋ fʉ fa tsu. Ghə̀ŋ sə mfʉ̀ ghə̀ŋ ghòmə dzemsə səŋsə à vəwenə ndi vəwenə nkɨ la vəwenə ne li nshwè.”

Ŋwàʼlə̀ Mak 7:36

Yesò mù ku soʼ à viʼi a vyi la kə vəwenə à shə̀ʼtə̀ kənyʉ̀ akì à wìʼ, vəwenə bòŋsə̀ sə shə̀ʼtə̀ dyʉ̀ nə̀ kənyʉ̀ akì tò shə̀ʼtə̀.

Ŋwàʼlə̀ Mak 8:30

Yesò mù kàyn à vəwenə la kə vəwenə à shə̀ʼtə̀ wìʼ a yi diʼi wen à wìʼ.

Ŋwàʼlə̀ Mak 9:9

Vəwenə nè bwènə̀ sə nshiʼi fa pfen ayì, Yesò kàyn la kə vəwenə à shə̀ʼtə̀ kənyʉ̀ akì à wìʼ əzaʼa fa tʉʼ a Wàyn Wìʼ lu lù fa pfʉ.

Ŋwàʼlə̀ Luk 17:14

Yesò yen vəwenə gàʼa la, “Ghə̀ŋ dyʉ̀, vəpfèm və ngə̀ŋ Nyìngòŋ yenə tsaʼa ghə̀ŋ.” Vəwenə sə dyʉ̀ a ji və chʉʼ vəwenə.

Ŋwàʼlə̀ Luk 21:13

Ghenə lu ndiʼ tʉʼ ə ghə̀ŋ shə̀ʼtə̀ ntɨm jùŋə ghom à vəwenə.

Ŋwàʼlə̀ Luk 4:41

Zhwì byɨvə bè fʉ̀ fa wèn nghoʼo viʼi zɨmə gàʼà la “Wu diʼ wàyn Nyìngòŋ.” Alì Yesò kəŋkə̀ vəwenə kènla ghə̀ ghʉsəli la vəwenə bè gàʼ kənyʉ̀ byìʼàndo vəwenə nkɨ la ghə̀ ndiʼ wìʼ yi a Nyìngòŋ tsuʼli ə ghʉ.

Ŋwàʼlə̀ Luk 5:14

Yesò tyɨftə wen la, “Kə wù a mwòm əshə̀ʼtə̀ a wìʼ,” ali “Dyʉ̀ diʼ wen wu a pfem ngə̀ŋ Nyìngòŋ ə ku kəku kyi a soʼ Mosìs gàʼa la wìʼ to fa kənsòtə̀, ghə̀ ku ndi viʼi kɨ la wu toli.”

Ŋwàʼlə̀ Luk 8:56

Tìʼ wàyn ayì wenə lì wen sə diʼ nə̀ kàynə, alì Yesò tensə la kə vəwenə à shə̀ʼtə̀ kənyʉ̀ a kə yì chò à wìʼ.

Ŋwàʼlə̀ Luk 9:21

Yesò mù ku soʼ la kə vəwenə à shə̀ʼtə̀ kənyʉ̀ kènkə à wìʼ,

Joyn 5:41

“Ma ko kəŋ la viʼi ntemə təpfem a mò.

Joyn 7:18

No ndò yi a ghə̀ kəŋ ə ziʼi əziʼi ngə̀ŋ ə wen, ghə̀ ə kəŋ ə kiʼi kuʼsə ngeŋ wen. Alì wìʼ yi a ghə̀ shwèʼè ə ghoʼsə wìʼ ə yi a ghə̀ tɨmə wen ə gaʼa to nəmwèʼè ko ghə̀ lu nzhò ndzɨŋ.

Joyn 8:50

Ma ko kəŋ tebè la və kuʼsə mò, ali wìʼ diʼ a ghə̀ kəŋ la və nə̀ kuʼsə mò, ghə̀ diʼ wìʼ a ghə̀ soʼo to no nəmwèʼè.