Matìyò 8:3 - The New Testament in the Babanki language

³ Yesò nàʼsə̀ kəvu kə wen ə kùmsə̀ wen ə gàʼ la, “Kə diʼ ando wu gàʼà, to fa kwaʼa ghèn.” No a zhʉ̀ kò, kənsòtə̀ a ki mè fà a wen.

Matìyò 8:3 ပူးပေါင်းရင်းမြစ်များ

Matìyò 12:13

Yesò mù gàʼ à wìʼ ayì la,“Nàʼsə kwoŋ wu.” Wìʼ ayì nàʼtə̀, no a zhʉ̀ kò, kwoŋ ayi to bè sə diʼ to nə̀ tsenghə yi.

Ŋwàʼlə̀ Mak 1:41

Yesò sə diʼ nə̀ kusə nshinsə à wìʼ ayì no nànto ə̀ nàʼsə̀ kəvu kə wen ə̀ kùmsə̀ wen ə̀ gàʼ la, “Ma kòŋ li, to lì.”

Ŋwàʼlə̀ Mak 4:39

Ghə̀ lù kàyntə̀ nyʉ̀ à fwof ayi gàʼà la, “Bwaʼmə!” bè gàʼ à mu mì la,“Tɨmə tò a lì.” No a zhʉ̀ kò, fwof yi bwaʼ, shi chiʼ la kùʼ.

Ŋwàʼlə̀ Mak 5:41

Ghə̀ dyʉ̀ ghàʼ kəvu kə wàyn ayì ə̀ gàʼ à wen la, “Talitha koum.” A diʼ la, “Wàyn wùwì ə tyetə, mà gàʼà à wù la wù lu!”

Ŋwàʼlə̀ Mak 7:34

mù ki kùʼsə nə̀ kaŋə ə̀ dèm bè mù gàʼ à wen la, “Ephatha” àdìʼ mu ghə̀ gàʼ la, “Bòʼmə!”

Ŋwàʼlə̀ Mak 9:25

Yesò nè yèn ando viʼi nyɨŋə vì no vəghoʼo à wen a mbyɨ̀, “Ghə̀ kàyntə̀ nyʉ̀ à kəzhwì kə byɨkə gàʼa la, Mà gàʼà a wù a kəzhwì kə byɨkə kenkə a wù ne la kə wàyn ghèn a gàʼà kò ndiʼ la ghə̀ zhʉ lə̀ la kə cho fʉ̀ fà wen a wèn. Kə be lu kwen tʉʼ tsenghə.”

Ŋwàʼlə̀ Luk 4:27

A diʼ ndə̀ŋndəŋ ando à ndiʼ a tʉʼʉ nshə̀ʼtə̀ Elishà, nghoʼo viʼi a Islel nkwaʼa nə̀ kənsòtə̀ kə alì kò Nyìngòŋ chʉʼli no wìʼ mùʼ əcho Namàn a diʼ wù kətɨm a ghə̀ nlù fa Sylia.”

Ŋwàʼlə̀ Luk 5:13

Ghə̀ nàʼsə̀ kəvu kə wen ə kumə wen gàʼ la, “Ma kòŋ li, toli.” No a zhʉ kò, kənsòtə̀ a kyì mè fa wen a wen.

Ŋwàʼlə̀ Luk 7:14

Yesò gàʼ alì ə kwentə dyʉ̀ ə kùmsə̀ kəmbùŋ kə wu pfʉ akì, viʼi vyì a və mbyèʼè wen lì tɨmə, ghə̀ gàʼ la, “Wàyndyə nkuŋ, lu.”

Joyn 11:43

Ghə̀ gaʼa ali ə dzàŋ gàʼ no nə̀ ghɨ ə to la, “Lazalùs, fʉ̀ vì!”

Joyn 15:24

A tə ndiʼ la mà ko ə nè nyʉ̀ a vəwenə a ghə̀ŋ ntìntìn, ko andiʼ la wìʼ ə tɨmə nè, mu kə diʼi la vəwenə nè li mbyɨ ando kə diʼi luwen. Luwen ə sə diʼ mù vəwenə yen li nyʉ̀ ə kaynə və venə ali be bàynə̀ mò to bàynə̀ boʼsə nə̀ Tìʼ ghom.

Joyn 5:21

Ndə̀ŋndəŋ to ando Bobo ə lùsə viʼi fa pfʉ, be ku ə bwòŋ a vəwenə, a be diʼ ndə̀ŋndəŋ to ando wàyn ə ku ə bwoŋ a no ndò a ghə̀ koŋə.