Matìyò 8:16 - The New Testament in the Babanki language

¹⁶ A nè sə ndiʼ a kəlyɨŋ kə mpfwòmə, və vì nə̀ viʼi à wen no və ghoʼo a və nkiʼi zhwì byɨvə, Yesò gàʼ tò kənyʉ̀ kə mùʼ, zhwì byɨvə a vyì fʉkə, ghə̀ bè chʉʼ viʼi və kwaʼkə və no vətsèm.

Matìyò 8:16 ပူးပေါင်းရင်းမြစ်များ

Matìyò 12:22

Viʼi vətsenvə mù vì nə̀ wìʼ à Yesò mu kəzhwì kə byɨkə ne li kò ghə̀ lù ə nyenə shi kènla ghə̀ gàʼà. Yesò chʉʼ wìʼ ayì ghə̀ sə̀ bwènsə̀ yenə shi be gàʼà.

Matìyò 14:14

Andìʼ a zhʉ a Yesò mfʉ a wèn à mù ghə̀ yèn nòyn viʼi no ghoʼo ə̀ kusə nshinsə à vəwenə mù sə̀ chʉʼʉ viʼi vəkwaʼkəvə a və ndiʼì à vəwenə a ntìntìn.

Matìyò 8:15

Ghə̀ kùmsə̀ kəvu kə wen, wen tsuʼghə ayì mè tò a zhʉ ayì. Ghə̀ lù sə shɨ̀tə fozhɨvə, Yesò zhɨ.

Matìyò 8:33

Viʼi a və ntsɨ̀ŋə̀ və nkʉnyàm a vyi nyɨŋkə ə dyʉ̀ a tyì ntə̀ʼ shə̀ʼtə̀ kənyʉ̀ kì a kə chò no kə tsèm bènə̀ kənyʉ̀ a kə yì chò à viʼi zhwì byɨvə vyi.

Matìyò 9:2

Viʼi vətsen və lyɨ̀ wìʼ vì nə̀ wen mu ghə̀ kwaʼkə li, a Yesò, ghə̀ nyoŋ a ghàm. Yesò nè yen byɨmə yì a vəwenə nkiʼi ə gàʼ à wù kənkwaʼkə yì la, “Kə a fwaynə a wàyn ghom. Ma lyesə li nku mbyɨ shəsə.”

Ŋwàʼlə̀ Mak 2:3

A sə laʼtə viʼi vətsenvə vəkàʼ byèʼè wù kənkwàʼkə̀ sə vì nə̀ wen a əghàm.

Ŋwàʼlə̀ Mak 5:8

(Ghə̀ ngàʼà a lì byìʼàndo Yesò nkàntə̀ nyʉ̀ a wen gàʼà la, “Fʉ fa wèn wìʼ ghèn a kəzhwì kə byɨkə kènkə!”)

Ŋwàʼlə̀ Mak 9:25

Yesò nè yèn ando viʼi nyɨŋə vì no vəghoʼo à wen a mbyɨ̀, “Ghə̀ kàyntə̀ nyʉ̀ à kəzhwì kə byɨkə gàʼa la, Mà gàʼà a wù a kəzhwì kə byɨkə kenkə a wù ne la kə wàyn ghèn a gàʼà kò ndiʼ la ghə̀ zhʉ lə̀ la kə cho fʉ̀ fà wen a wèn. Kə be lu kwen tʉʼ tsenghə.”

Ŋwàʼlə̀ Luk 13:12

Andìʼ a zhʉ a Yesò n-yenə wen, ghə̀ dzàŋ wen, ghə̀ fʉ̀ vì. Ghə̀ gàʼà wen la, “Wùwì, wù toli fa wu a kwaʼa mbò.” Yesò naʼsə̀ kəvu kə wen ə kùm wen, tò a zhʉ ayì, ghə̀ tɨmə sə jèʼè dyʉ̀ tò ati ati kuʼsə dyʉ̀ nə̀ Nyìngòŋ.

Ŋwàʼlə̀ Luk 4:40

Chʉzhʉ ne sə shwe, no məndo a ghə̀ kiʼ wu kwaʼa, kò ghə̀ kwaʼa tè nə̀ nkì kwaʼa kò, lyɨ̀ wen vì nə̀ wen à Yesò. Ghə̀ mù ghʉ avu wen a vəwenə a tʉ ə chʉʼ vəwenə.

Ŋwàʼlə̀ Luk 4:41

Zhwì byɨvə bè fʉ̀ fa wèn nghoʼo viʼi zɨmə gàʼà la “Wu diʼ wàyn Nyìngòŋ.” Alì Yesò kəŋkə̀ vəwenə kènla ghə̀ ghʉsəli la vəwenə bè gàʼ kənyʉ̀ byìʼàndo vəwenə nkɨ la ghə̀ ndiʼ wìʼ yi a Nyìngòŋ tsuʼli ə ghʉ.

Shwèʼ 5:15

Viʼi yen nyʉ̀ kanəvə vi mù sə̀ bwèʼè viʼi vəkwaʼkəvə vəwenə a mbùŋ bènə̀ a təghàm fʉ̀ ghʉ a mbyɨ̀sə jisə la Bità nè sə nchò no tò kəndemndem kə wen kə kum viʼi a vyi.