Matìyò 7:21 - The New Testament in the Babanki language

²¹ “A ko diʼ viʼi və tsèm a və a laʼtə tò alə̀ dzàŋ mo la ‘Bobo, Bobo,’ a və lə kwen akəshi yi a Nyìngòŋ ə soʼo əfòyn ə wen tsu a kaŋ. A lə kwenə tò vyi a və dzàŋ ali bè ne to ando kwòʼtə ə Tìʼ ghom a kaŋ ə kəŋ.

Matìyò 7:21 ပူးပေါင်းရင်းမြစ်များ

Matìyò 12:50

No ndò a ghə̀ nè kənyʉ̀ kì a Tìʼ ghom a kàŋ kəŋə mu ghə̀ dìʼ lèmə̀ ghom wùlɨm, diʼ lèmə̀ ghom wùwì be diʼ lì ghom.”

Matìyò 16:17

Yesò mù gàʼ la, “Mbwaʼmə̀ dìʼ à wù a Simon wàyn Jonà, byìʼàndo a ko shə̀ʼtə̀ Wùmə̀nsòŋ nshyə̀ʼtə̀ kənyʉ̀ kènkə la wu gàʼ a lì, à dìʼ Tìʼ ghom ə Nyìngòŋ yì a ghə̀ diʼì a kàŋ.

Matìyò 18:10

Ghə̀ŋ tuʼmə la kə wìʼ lə̀ chàs wàyn muʼ fa ntìntìn vunə və tyetəvə venə. Mà gàʼà à ghə̀ŋ nəmwèʼè la ntsɨ̀ŋsə vəwenə a sə diʼ a kàŋ ə kaʼa tò fà mbyɨ̀ Tìʼ ghom.

Matìyò 18:19

Ma be sə gàʼà kwʉ̀ʼsə̀ à ghə̀ŋ la, “No a zhʉ̀ kò a ghə̀ŋ diʼì a nse a shèn ghə̀ŋ və bò, njɨ̀mə̀ bèmə̀ no ghò a chʉ̀ mùʼ, Tìʼ ghom a kàŋ ne nè à ghə̀ŋ.

Matìyò 18:3

mù gàʼ la “Mà gàʼà à ghə̀ŋ nəmwèʼè la ghə̀ŋ sətsèn fàŋ ke kwitə ə ndiʼ to nə̀ vunə və bwaʼvə mu ghə̀ŋ ko lə kwen a soʼ Fòyn Nyìngòŋ.

Matìyò 18:35

Yesò mò ngàyn ayì mwètə̀ mù gàʼ la, A lè ando Tìʼ ghom a kàŋ lu nè no tè à ndo à ghə̀ŋ a ntìntìn a zhʉ a ghə̀ fàŋ ke lyèsə̀ ə ku lèmə̀ wen fà wen a tyɨm.”

Matìyò 19:24

Mà be shə̀ʼtə̀ kənyʉ̀ à ghə̀ŋ, kə bwaʼmə à fəmbwèʼè fo fə chò fa kəbʉ̀ʼ kə nsoʼ chò la wu ghoʼo kwen a sòʼ Fòyn Nyìngòŋ.”

Matìyò 25:10

Vəwenə sə ndyʉ̀, lɨm wùwì ayì vì wenə viʼi a və ndiʼì dyʉ̀ kwèn a ngə̀ŋ yì a və ndiʼi ne zhɨ lam tsu və chiʼ chʉ ngə̀ŋ.

Matìyò 25:21

Tì shwèʼ wen ayì gàʼ à wen la, Wù ne li no a nkàyn. Wù dìʼ no wù shwè jùŋə be tùʼmə̀ no a nkàyn. Wù tuʼmə̀ li nə̀ kəfo kətyətəkə, luwen ma ghʉ wù ə wu ntùʼmə̀ nə̀ fo ghoʼvə kwen vì yowù nsaŋlə̀ a muʼu!

Matìyò 26:39

Ghə̀ kwentə dyʉ̀tə̀ a mbì nyòŋmə̀ dyʉ̀ a nse apfʉ̀ʼapfʉʼ mù sə̀ jɨ̀mə̀ gàʼà la, “Tìʼ ghom, jì sətsèn ndiʼ wu shi ndoŋ ngəʼ ghèn fà mò alì ne tò kənyʉ̀ a kə kwʉʼʉ̀ à wù kə a nè kənyʉ̀ a kòŋə̀ mò.”

Matìyò 26:42

Yesò bè bwènə̀ dyʉ̀ sə̀ jɨ̀mə̀ gàʼà la,“Tìʼ ghom a zhʉ a wù ko a shi ndoŋ ngəʼ ghèn fà mò chò la mà nyʉ, wu ə ne ando wù kòŋə̀.”

Ŋwàʼlə̀ Mak 3:35

No ndò a ghə̀ ne kənyʉ̀ kì a Nyìngòŋ kəŋə dìʼ lèmə̀ ghom, wùwì nə̀ wulɨm à bè dìʼ lì ghom.”

Ŋwàʼlə̀ Mak 9:47

Shɨ wu be nè la wù ne mbyɨ, wu tòŋ shìsə̀, kə bòŋ la wù kwen a soʼ fòn Nyìngòŋ nə̀ shɨ̀ mùʼ əchò la wù nkiʼ ashɨ à wu no tsèm à bò, və moʼ wù a kəshi kə zhìʼ byɨghə,

Ŋwàʼlə̀ Luk 11:28

Yesò bwènsə̀ la, “Mbwaʼmə bòŋsə dìʼ a viʼi vyì a və zhʉ kənyʉ̀ kə Nyìngòŋ be nè tò ndo kə gaʼa!”

Ŋwàʼlə̀ Luk 13:25

Zhʉ lu kwʉʼ, ti ngə̀ŋ lu shwìn chʉ̀ ngə̀ŋ, ghə̀ŋ tɨmə ə fàŋ a kəbəŋ ə kùmtə̀, gàʼ à la, ‘Bobo, boʼo chʉ̀ ngə̀ŋ à yès,’ Ghə̀ bwènsə̀ gàʼ à ghə̀ŋ la, ‘Ma ko kɨ kəshi a ghə̀ŋ lu fa tsu.’

Ŋwàʼlə̀ Luk 18:25

Kə bwaʼmə à fəbyèʼè fo fə chò fa kəbʉ̀ʼ kə nsoʼ cho la wù ghoʼo kwen a kəshi kə soʼ fòyn Nyìngòŋ.”

Ŋwàʼlə̀ Luk 6:46

“Byìʼì ghò a ghə̀ŋ dzàŋ mò la ‘Bobo, Bobo,’ məzhʉ tsèm, kènla ghə̀ŋ nè kənyʉ̀ kì a ma gàʼà ghə̀ŋ a?

Joyn 14:7

Ghə̀ŋ sətsèn ə shɨtə kɨ mò, ghə̀ŋ ne boŋ kɨ Tìʼ ghom. Ə zìtə̀ fa luwen ə dyʉ̀ ambì, ghə̀ŋ sə kɨ wen, mu ghə̀ŋ yen li wen.”

Joyn 15:23

A bayn no ndò bayn mo, kə diʼi la ghə̀ bàynə̀ Tìʼ ghom.

Joyn 3:5

Yesò ə gàʼ la, “Ma gàʼà a wù to no nəmwèʼè la wìʼ zizi ko ghə̀ lu kwèn akəshi kəfòyn ə Nyìngòŋ, a bwen la ghə̀ kiʼi li bwi a mù bènə̀ bwi kəzhwì.

Joyn 5:17

Yesò ə gàʼ a vəwenə la, “Tìʼ ghom ənè ə shwèʼè wen no məzhʉ̀ ntsèm, nkàyntə̀ mò diʼ be ə nshwèʼè tò alì.”

Joyn 6:40

Tìʼ ə ghom ə kəŋ la no viʼi vətsèm a və yen li mo ə byɨmə a mò lu kiʼi bwoŋ yi a ghə̀ ko lu mè. Mà lu bwènsə̀ lùsə vəwenə fa pfʉ a kətsi kə bàm.”

Joyn 7:17

No ndò a ghə̀ kòŋ ə ne kənyʉ̀ a Nyìngòŋ ə kəŋ, mu ghə̀ na yen əkɨ la ziʼi ə ghomə lù fa Nyìngòŋ mu ma ziʼi to kənyʉ̀ ə komkə lò.

Shwèʼ 14:22

ə tomsə viʼi vəbyɨməvə la vəwenə nghaʼa tyɨmə a vəwenə a byɨmə. Vəwenə bè gàʼ la, “Vəghəŋ diʼi chò fa tì ngəʼsə no sə ghoʼo mibu kwen a kəshi kə fòyn Nyìngòŋ.”

Lumans 12:2

Kə ghə̀ŋ ne tsi to nə̀ viʼi mbyi ashə̀. Ghə̀ŋ boŋsə ə wʉ̀sə Nyìngòŋ ku kwoʼtə ə fìghə a ghə̀ŋ ə kwitə tətyɨm tyəŋtə ndi ghə̀ŋ ə yenə kɨ kənyʉ̀ kì a Nyìngòŋ ə kəŋ, a diʼ to kənyʉ̀ ki a kə be diʼ kənyʉ̀ kətɨməkə, Nyìngòŋ ə kòŋ.

Lumans 2:13

Kə diʼ alì byìʼàndo ghə̀ŋ ko ti a nkayn a shɨ Nyìngòŋ a zhʉ a ghə̀ŋ ə kɨ soʼ to kɨ. A diʼ a zhʉ a wu nè ando soʼ gaʼa.

Efisyàns 6:6

Kə ghə̀ŋ a zhʉ fa vəwenə to azhʉ̀ a və yenə ghə̀ŋ byìʼì ando ghə̀ŋ kəŋ la və ə kɨ la ghə̀ŋ shwèʼè akàyn. Ghə̀ŋ ə̀ zhʉ to fa vəwenə to nə̀ viʼi shwèʼ ə Klistò, to ndə̀ŋndəŋ ando Nyìngòŋ ə kəŋ.

Kòlòsyàns 4:12

Èbafàlàs yi a ghə̀ diʼi tamə wù ənòyn ə ghə̀ŋ, be diʼ wù ə shwèʼè a Yesò Klistò gaʼa li la mà toŋtə ə ghə̀ŋ. Ghə̀ zhʉsə jɨm no zhʉ̀ko, ghə̀ sə kwoʼtə ghə̀ŋ a wen a jɨ̀m no akayn, sensə la Nyìngòŋ ə nè ghə̀ŋ faŋ to ati əbyɨmə ghə̀ŋ, ə kwi tsù, ə shɨtə kɨ be ne nyʉ̀ ə tsèm vi a ghə̀ kəŋ.

1 Tèsàlonyà 4:3

Nyìngòŋ ə kəŋ la ghə̀ŋ ntsi ntsìnə̀ yì a ghə̀ kəŋ, ghə̀ le kəŋ la, kə wìʼ fa ghə̀ŋ nə̀ tsi nə̀ wì wìʼ kò wenə lɨmə wìʼ no faphen,

1 Tèsàlonyà 5:18

A nə̀ fʉ̀ no tèbe ghò, ghə̀ŋ ə ku to kəzòŋ a Nyìngòŋ. A le nyʉ̀ vyi a Nyìngòŋ ə kəŋ la ghə̀ŋ ə nè byìʼì ando ghə̀ŋ və Yesò Klistò diʼ to muʼ.

Taytùs 1:16

Vəwenə gàʼà la vəwenə kɨ Nyìngòŋ alì ntsìnə̀sə vəwenə sə dìʼì la vəwenə tyenə wen. Ntsìnə̀sə vəwenə sə nyèlə̀. Vəwenə to kətʉ ko a ndiʼ la vəwenə kwʉ̀ʼʉ̀ ənè tè kənyʉ̀ kə jùŋə kə kətsenkə.

Hibùlù 4:6

Viʼi vyi a və nzhʉ ntɨm ə jùŋ na ghèn a ambì ə faŋ kò və lə kwen akəshi kə zhʉ̀təkə Nyìngòŋ a ki byìʼì ando vəwenə ntyen li ə zhʉ Nyìngòŋ, ali viʼi vətsenvə sə ə diʼ luwen lù kwen li akəshi na yi,

Jems 1:22

Kə ghə̀ŋ a nzhʉtə̀ kənyʉ̀ kə Nyìngòŋ tò zhʉtə. Ghə̀ŋ diʼi ə nè kənyʉ̀ a kə gàʼà a bwen a lì mu ghə̀ŋ ə lobtə̀ təwen təŋtə.

1 Bità 2:15

Ghə̀ŋ ə tsi a ji na ghèn ndiʼ kə nkoyn ə viʼi vyi a və kumə gaʼa to gaʼa be a kiʼi kənyʉ̀ ə gàʼ kumə ghə̀ŋ. Nakènkə ə diʼ kənyʉ̀ ki a Nyìngòŋ ə kəŋ.

1 Bità 4:2

Ghə̀ŋ nè alə, ko ghə̀ŋ be nà tsi ando njòsə wèn ə ghə̀ŋ sə kəŋ, ghə̀ŋ ə ntsi to ando Nyìngòŋ ə kəŋ.

Kəmwetə 2:27

Ghə̀ ne ə nsoʼo viʼi təloʼ a tèntə nə̀ àdyoʼ a mà ə ku à wen à diʼ ndə̀ŋndəŋ àdyoʼ a mà nshì fà Tìʼ ghom. Ghə̀ ne bvùsə̀ vəwenə tò ando və bvùsə̀ vəntòyn və kətsoʼ.

Kəmwetə 22:14

Njùŋ ne diʼ a viʼi vyi a və shʉ̀ ndisə vəwenə, sə laynə, vəwenə ə sə kiʼ kədyòʼ ə phiʼ ashɨ a fəkoʼ yi a ghə̀ kù bwoŋ, be kiʼ kədyòʼ ə chò fa chʉ̀ mbàyn ə kwen a ntə̀ʼ.

Kəmwetə 3:5

Və lu lafsə no ndò yì a ghə̀ lu soyn ə̀ zhɨ mbyɨ nə̀ ndisə fəfəsə, ko ndiʼ la mà lu tsəʼsə̀ zhiʼ ə wen fa ŋwàʼlə̀ ə̀bwòŋ. Mà lu tɨmə gàʼ to ndayn la mà kɨ wen a shɨ Tìʼ ə ghom wenə̀ ntsɨ̀ŋsə wen.