Matìyò 7:15 - The New Testament in the Babanki language

¹⁵ “Ghə̀ŋ ə tùʼmə̀ byìʼì nshə̀ʼtə̀sə ndzɨŋsə. Və nè sə ə vi a ghə̀ŋ, ə kə̀ʼ akəʼ to nə̀ byisə njɨ̀ alì a diʼ to no nyamsə kəbo.

Matìyò 7:15 ပူးပေါင်းရင်းမြစ်များ

Matìyò 10:17

Ghə̀ŋ tùʼmə̀. Və lu ghaʼ ku ghə̀ŋ la və soʼo bè ghòm ghə̀ŋ a vəwenə a loʼ soʼ nsoʼsə nə̀ a lo aloʼ ntsèntə̀sə vəwenə.

Matìyò 16:11

A nè ghò a ghə̀ŋ ko kɨ̀ la mà ko yi ngàʼà à ghə̀ŋ byìʼì kəbayn a? Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Matìyò 16:6

nè dyàŋ zaʼa tsu, Yesò gàʼ à vəwenə la, “Ghə̀ŋ tuʼmə kùmə̀ fəshɨ̀ŋ fə viʼi Falàsi bènə̀ Vəsadùsis.”

Matìyò 24:11

Nshə̀ʼtə̀sə kənlobtə lu tu fʉ̀ no sə ghoʼo ə lobtə nghoʼo viʼi.

Matìyò 7:14

Alì, əchʉ̀ ə mbàyn yi a ghə̀ dyʉ̀ akəshi kəbwòŋ ə faʼsə no alə̀, ji yi a ghə̀ dyʉ̀ tsu ə tyetə no alə̀, viʼi və ghoʼvə ko yenə.

Ŋwàʼlə̀ Luk 12:15

Ghə̀ bè dyʉ̀ a mbì əgàʼ à nòyn ayi la, “Ghə̀ŋ ə ntùʼmə̀ kumə kənbàŋbàŋ byiʼ ando ntsìnə̀ ko diʼ tò byìʼì fo ghoʼvə vyi a ghə̀ kiʼi, kòŋ ghə̀ nkiʼi ghoʼ no tə ale.”

Ŋwàʼlə̀ Luk 6:26

“Ngəʼ ghoʼo diʼ à ghə̀ŋ a zhʉ no məndo gàʼà jùŋ byìʼì ghə̀ŋ byìʼàndo à ndiʼ tò alì a vətìʼ və vəwenə nè à nshə̀ʼtə̀sə kənlobtə.

Joyn 10:12

A vi a zhʉ a və loʼo wìʼ la ghə̀ ntsɨŋ byisə, ghə̀ ko diʼ ntsɨ̀ŋ byisə ko tì byisə, ghə̀ na yen to ando nyàm kəbo ə vì, ghə̀ nyɨŋ ə ghʉsə byisə, nyàm kəbo ə vi ku byi fa tsu sətsensə ə saykə.

Shwèʼ 13:40

Ghə̀ŋ ntùʼmə̀ lì la kə kənyʉ̀ a nshə̀ʼtə̀sə ghoʼkəsə nyòʼo kə à fʉ̀ à ghə̀ŋ. Vəwenə nyòʼo la, Bobo Nyìngòŋ gàʼ la:

Shwèʼ 13:6

Vəwenə shə̀ʼtə̀ ntɨm ə jùŋ ayì chò fa aloʼ ayi dyʉ̀ zaʼa a ntə̀ʼ Bafòs ə yen wu Jus tsen tsu a ghə̀ nshəŋə fənyoʼ ghʉ la yì dìʼ nshə̀ʼtə̀ ghoʼo. Zhiʼ wen ndìʼ Bal-Yesò.

Gàlesìyà 2:4

Kənyʉ̀ a kèn la və shətə ndyə̀ Taytùs ə fʉ mu à lùsə viʼi və byɨməvə kənlobtə vətsenvə tsu, a və vi nyoʼtə kwen a yès a ntìntìn ə sə mwòmsə ə yen la yes ə tsi ntsìnə̀ yi a yes ə tsi fa yes a ngəŋsə yo və Yesò Klistò a kənyʉ̀ kəmùʼ ale lo. Vəwenə ə kəŋ to ji ə bwensə nè yès ndiʼ əkòs a əsoʼ ə viʼi Jus.

Efisyàns 4:14

Kə sətsen ndiʼ alə̀, ko vəghəŋ be a diʼ to nə̀ vwondyə a və diʼ to nə̀ nkanuʼ a əfwof ə̀ tenlə cho a mù. Kə vəghəŋ be a ne nyʉ vi a viʼi lobtə vəghəŋ nə̀ ndzɨŋsə diʼ to nə̀ tofə kəŋ tasə a diʼ nəmwèʼè

Efisyàns 5:6

Kə wìʼ ə lu lobtə ghə̀ŋ nə̀ gàʼà ə zɨmghə. A diʼ byìʼì nyʉ̀ a venə a Nyìngòŋ ə fwisə tin a viʼi vyi a və ko zhʉ wen.

Filìbàyns 3:2

Ghə̀ŋ tuʼmə wen və viʼi nè ənyʉ̀ byɨvə venə a vəwenə diʼ to nə̀ bʉsə lə̀. Vəwenə ghʉ tò la və diʼ shɨtə ndyə̀ ə̀ wìʼ.

Kòlòsyàns 2:8

Ghə̀ŋ tuʼmə kə wìʼ ne lobtə ghə̀ŋ nə̀ ətof ə zɨmghə ə lyɨ̀ ghə̀ŋ a əkòs. Tənki tə ətof tèntə kiʼi kənyʉ̀ kumə to ətsìnə̀sə lòʼ viʼi di əzhwi vi a və soʼo mbi. Ətof na yi ko kiʼi kənyʉ̀ kumə Klistò.

2 Timotì 3:13

Viʼi və byɨvə nə̀ viʼi vyi a və diʼi la və dìʼ kəfo, diʼ ne ə byɨfə dyʉ̀ tò nə̀ mbì, lobtə viʼi, viʼi vətsenvə be lobtə vəwenə.

2 Timotì 4:3

Mà gàʼà alə byìʼì ando ə zhʉ ne vì, a viʼi kə be ne kòŋ ə nzhʉtə əziʼi yi a ghə̀ diʼì ziʼi nəmwèʼè, alì ə bòŋsə kəŋ ə zhʉ ənyʉ̀ vyi a vəwenə kòŋ. Vəwenə ne jèʼè gubtə̀ ndìʼsə̀sə sə vi ə ziʼi ənyʉ̀ a venə à vəwenə.

2 Bità 3:17

Ando ghə̀ŋ ə kɨ li nyʉ̀ a venə a doŋ shomsə jùŋsə, ghə̀ŋ ə tofə kə viʼi a venə a və kwitə kənyʉ̀ kə Nyìngòŋ lə a nè ghə̀ŋ kwen a ntìntìn dzɨŋsə ə vəwenə a sènsə ə fʉ̀ fa kənyʉ̀ yi a ghə̀ŋ tə tsuʼ li.

1 Joyn 4:1

Viʼi ndoŋsə mò, kə ghə̀ŋ a mbyɨmə viʼi vətsèm a və gàʼà la vəwenə kiʼ kəzhwì, alì ghə̀ŋ mwomsə vəwenə ə yen la, tì kəzhwì akì lù fà Nyìngòŋ lo. Ghə̀ŋ diʼ ənè a lì byìʼàndo nshə̀ʼtə̀sə ndzɨŋsə fʉ li se jèʼè fa mbi no səghoʼo.

Ŋwàʼlə̀ Jud 1:4

Ma gaʼa alə byìʼì ando viʼi vətsenvə nyoʼtə li ə kwen a ghə̀ŋ a ntìntìn, a diʼ viʼi mu və kaʼsə li əboŋ ətyɨm Nyìngòŋ yi a vəghəŋ ə kuʼsə, ə lyɨ̀ sə nè nyʉ̀ ə kəfwaʼlə vəwenə tsu. Viʼi a venə ə ko kɨ Nyìngòŋ, tensə ndìʼsə̀ vəghəŋ mùʼ yi a vəghəŋ ə kiʼi, a diʼ Bobo Yesò Klistò. Ŋwàʼlə̀ Nyìngòŋ sə diʼ mù ghə̀ ə ngaʼa li kumə nkì ə viʼi a vyi ə shə̀ʼtə̀ la Nyìngòŋ ə lu soʼo byɨbsə vəwenə.

Kəmwetə 16:13

Mà yen əzhwi byɨvə tsenəvə taʼ a və kə̀ʼə̀ to nə̀ təsenətə fʉ̀ ə̀ vì fa əchʉ ə̀ əzhù ə byɨ nə̀ fa əchʉ ə nyàm ətoʼ bènə̀ fa əchʉ nshə̀ʼtə̀ kənlobtə.

Kəmwetə 17:6

Mà yen mu wùwì ayì ə nyʉ li mənlyuŋ mə viʼi ə Nyìngòŋ nə̀ mənlyuŋ mə̀ viʼi a və̀ nzhwilə̀ byìʼàndo vəwenə ntɨmə viʼi vəyenəvə a ənyʉ̀ ə Yesò. Mà ə̀ nyenə wen ə̀ sə̀ diʼ nə̀ kanə ghoʼoghə,

Kəmwetə 19:20

Və ghaʼ nyàm ətoʼ yì wenə̀ nshə̀ʼtə̀ kənlobtə yì a ghə̀ ə̀ ndìʼì əchwitə ndzɨ̀ŋsə lobtə̀ viʼi vyi a və̀ nku əchwitə à vəwenə bènə̀ ə̀vi a və̀ nghoʼsə̀ kənshyə̀ʼsə̀ kə wen à wen ə shɨ lì. Və mòʼ ə̀ shìʼsə vəwenə venə vəbò a nkwòŋ ə̀ zhìʼ mu və we li məkàyn tsu, vəwenə bu diʼ tò vəto.

Kəmwetə 20:10

Luwen və mu maʼ Deblə̀ yi a ghə̀ lobtə vəwenə ati mo əzhiʼ be nə̀ məkàyn. Kəshi a kenkə ndiʼ kəshi a və be moʼ shiʼ sə nə̀ nyam ə toʼ yi wenə nshə̀ʼtə̀sə kənlobtə shisə. Və lu nku ngəʼ a vəwenə nə̀nchwì nə̀ nəchʉʼ zaʼa no fa ze.